松發肉骨茶(新加坡)

大熱天時先嚟煲肉骨茶???

哈哈，

應該冇問題掛!

今日煲呢個松發肉骨茶(新加坡)湯包，

只要加蒜頭和排骨，

就會煲出重胡椒味嘅肉骨茶架啦!

鮑魚雞粒蝦仁燴飯

之前買咗6罐平價即食鮑魚係屋企，

俾咗幾罐母親大人試食；

母親大人最鐘意灼碟生菜，

加埋煮熱咗嘅鮑魚仔和鮑汁，

淋係菜面就食得，

佢話罐頭鮑魚仔夠哂腍身又好味道，

啱哂佢嘅口味呀!

而我就鐘意將D鮑魚仔切粒，

仲用埋佢嘅鮑魚汁嚟做燴飯，

咁就真係連汁都撈埋啦!

快滾~節瓜咸蛋肉片湯

滾滾滾，

今日又嚟滾湯喇!

節瓜咸蛋肉片湯，

係夏天常飲嘅湯水之一，

快靚正，

連切連煮差不多30分鐘就有得飲啦!

一口鹽酥雞

上次出街食咗碟鹽酥雞，

幾十蚊先得果幾件，

真係食得唔係好夠喉，

想慳皮D不如自己整嚟食，

起碼大大碟都唔使廿皮囉!

啫啫雞煲

正宗啫啫雞煲係有落豬潤嘅，

而我今晚整咗呢個就係健康版啫啫雞煲，

只係落咗雞、冬菇和洋蔥，

雖然簡單咗D，

但味道都唔錯架!

粗粗哋~南乳炆粗齋

今日炆咗鍋南乳炆粗齋，

材料真係好簡單，

不過唔記得買豆腐卜，

如果加埋落去就更完美喇!

勝瓜肉片雲耳雞蛋粉絲湯

小魔怪女朋友仔係湯怪，

鐘意飲湯多過食飯，

無論老火湯或清清哋嘅滾湯都好，

佢每次都可以飲3~4碗架!

今日我就滾咗個勝瓜湯，

佢第一次食勝瓜話個質感好特別，

咬落好爽兼有汁爆出嚟，

大讚呢個湯好清甜，

好好飲啊!

歐式麵包製作精選實習初班~第三堂

葡式粟米無糖粒粒芝士包&原味拖鞋麵包

今堂呢兩款包，

我只係堂上試食咗少少咋，

其餘全部俾大小魔怪KO哂囉!

節瓜豆腐魚湯

今日真係好熱，

熱到都冇心機煮飯，

簡單煮咗鍋節瓜豆腐魚湯，

咁又一餐，

呢餐夠哂清淡喇!

形點I~小王牛肉麵

今日係小魔怪女朋友仔生日，

本來想帶佢去食日式放題，

點知假期超多人排隊，

即刻轉汰搵其他嘢食喇!

其實假期度度都咁多人，

最後揀咗去食台灣麵。

呢餐食咗$509，

煲冬瓜~冬瓜薏米瑤柱排骨湯

噚日煲呢個冬瓜湯，

材料超級簡單，

好飲又消暑，

唔錯架!

開飯啦!

今日一家人返齊嚟食飯，

簡單4餸1湯，

有好耐冇整嘅釀四色椒，

上次整牛扒小魔怪話冇得食，

今次就整咗2塊西冷扒俾佢同女朋友仔食，

牛扒煎到有格仔兼7成熟，

好鬼正架!

仲煲咗冬瓜薏米瑤柱排骨湯，

炒碟豆角素粟米餅和灼油菜，

開飯啦!

元朗形點I~安南小館

今日天氣熱辣辣，

元朗氣溫高達35度，

如果唔係約咗姑奶食嘢，

我哋都唔願出街呀!

老公、姑奶、小魔怪和我，

落咗元朗形點I搵食，

商場有冷氣，

真係好鬼爽架!

揀咗去安南小廚食越南嘢，

叫咗個2人套餐$498，

再加咗碟牛肉米紙卷，

連加一食咗$616。

蝦醬粉絲蒸豬肉

哈哈，

每次蒸親呢碟蝦醬粉絲蒸豬肉，

老公都會講一句~又要添飯囉!

話時話，

肉，

我唔食得多，

但呢碟粉絲先至係我至愛啊!

香煎雞翼(孜然味&紅辣椒味)

其實我鐘意食煎雞翼多D，

因為用煎嘅方法，

先可以令雞翼皮脆口但又唔油膩；

今次用咗呢個壓雞翼嘅做法，

等D雞翼皮貼落易潔鑊上，

咁雞翼會更快熟、乾身和香口喇!

兩款口味嘅雞翼，

孜然味和紅椒味(辣)，

緊有一種啱妳口味架!

香煎牛扒

今日又係二人餐，

係超市買咗塊牛扒返屋企，

咪簡簡單單煎嚟食囉!

由於老公唔食好生嘅牛肉，

所以今次會煎熟少少呀!

小魔怪知道我哋今餐食牛扒，

好羡慕啊!

唔緊要啦!

返工做嘢緊要D，

下次再整俾你食啦!

歐式麵包製作精選實習初班~第二堂

第二堂，

學整意式果子麵包&朱古力小茴香咖啡麵包，

呢兩款都係冇肉餡嘅麵包，

啱哂大魔怪用嚟做早餐呀!

豉汁涼瓜炆排骨

今日見到D涼瓜又靚又大個，

知道老公鐘意食，

即刻買番個返去炆俾佢食啦!

涼瓜品種有好多，

今次買嘅叫大釘，

唔覺好苦，

啱我食呀!

母親節快樂

今日係母親節，

簡單係姐姐家聚會，

大家齊齊整整食餐飯，

母親大人好開心啊!

 

蘿蔔炆牛筋腩金錢肚

明天係母親節，

我哋黃氏3姐妹約埋母親大人齊齊慶祝呀!

每家人準備2~3個餸，

咁就唔使出街食同人逼啦!

今日我就整咗蘿蔔炆牛筋腩金錢肚，

隔日炆定，

仲入味呀!

3餸1湯，白飯任裝

今日小魔怪女朋友仔又嚟香港喇!

佢諗住嚟香港讀個短期課程，

起碼會留2~3個月左右呀!

啱啱趕得到返嚟食晚飯，

3餸1湯，

白飯任裝。

素飯盒(6)

素飯盒又出爐啦!

大魔怪要求唔使太花巧，

總之好食就得!

菜遠滑蛋肉片飯

今日又係煮二人餐，

簡單整咗個碟頭飯~菜遠滑蛋肉片飯，

有菜有肉有雞蛋，

夠哂豐富啦!

歐式麵包製作精選實習初班~第一堂

上兩個星期，

又開始咗新麵包課程啦!

今次學整歐式麵包，

第一堂~法式粒粒芝士包&野米洋蔥方包。

元朗篤篤車&泛后甜品

今日約咗其中兩位travel buddy入元朗食嘢，

揀咗去食車仔麵，

見到呢間湯底係泰國鱷魚湯，

咁緊係要嚟試下啦!

泰式香辣雞翼

今日整泰式香辣雞翼，

用咗呢包簡單又方便醃料，

咩都唔使加，

醃佢2個鐘就食得，

真係快靚正架!

素湯~印度椰子粟米紅蘿蔔栗子馬蹄南北杏蜜棗湯

襯今日星期六，

大小魔怪都返嚟食飯，

所以買整材料煲咗呢個素湯，

印度椰子粟米紅蘿蔔栗子馬蹄南北杏蜜棗湯，

止咳潤肺、清甜又好味道，

所以話間中煲下素湯嚟飲都唔錯架!

大頭菜銅盤蒸雞

噚日係羅湖城食咗個銅盤蒸雞，

最鐘意就係佢蒸雞裡面有大頭菜絲，

食起嚟咸咸香香，

特別惹味架!

今日照板煮碗，

嚟個老翻先得，

可惜屋企冇銅盤，

咁用不锈鋼碟頂住先啦!

下次上大陸，

一定要去買番個銅盤返嚟先得!

羅湖城~小桃源酒家

今朝有事返咗惠州，

即日來回返到香港都已經晚上8點幾，

我和老公兩個人，

上咗羅湖城5樓小桃源酒家食晚飯，

叫咗個砂鍋魚頭煲、絲瓜魚湯浸魚腐和銅盆蒸雞，

2個白飯+送豆腐花，

食咗203人民幣呀!

黑椒洋蔥豬扒

今日唔知食咩好???

求其買幾塊飛排返嚟，

加埋洋蔥和黑椒汁，

咁又餐囉!

涼拌青瓜雲耳

呢幾日太陽伯伯好勤力，

日日都有成卅度，

朱家涼拌菜係時候出爐喇!

今日就整咗家人至愛嘅涼拌青瓜雲耳，

真係好爽啊!