2018年4月30日 星期一

豉汁煎釀尖椒


1蚊雞人民幣可以買到咩???

我係惠州就用咗1蚊雞買咗10隻尖椒返嚟啦!

抵到你唔信呀!

老公話要食釀尖椒,

其實可以釀魚肉,

不過老公唔多like食魚肉

所以今次整咗豬肉蝦米冬菇餡呀!


2018年4月29日 星期日

返鄉下飲飲食食

噚日星期六,

姑奶、老公和我齊齊返惠州,

去到惠州都已經成12點半,

約咗朋友仔一齊食午餐!

又係嚟呢度飲冬瓜水鴨湯。


2018年4月27日 星期五

日式炸雞翼


每次去日本,

我哋都勁鐘意行日本超市,

因為實會買到好多啱哂我呢個懶人煮婦用嘅嘢架!

今次就買咗呢包日清出嘅炸雞粉喇!

超方便,

唔使預先醃,

廿分鐘就有炸雞食,

係咪好正呢!


2018年4月26日 星期四

雜菜豆腐粉絲煲


呢排好多時都係2個人食飯,

買斤菜返嚟又唔想日日都係食同一款菜,

所以間中都會儲到2~3款蔬菜係雪櫃架!

今日整呢個雜菜豆腐粉絲煲,

就係用咗剩咗嘅菜而煮成的。

2018年4月25日 星期三

雪梨乾山楂甜菊葉水


今日煲咗一大鍋雪梨乾山楂甜菊葉水,

冷飲熱飲都得架!

雪梨乾有清熱潤肺、止咳化痰等功效,

比新鮮雪梨潤而不寒;

山楂有活血散瘀、降血糖和消脂等功效;

甜菊葉就有降底血糖、消除疲勞、減肥養顏等功效。

提提大家,

呢個雪梨乾山楂甜菊葉水,

如有胃酸過多或孕婦(山楂有增強子宮收縮功效)

都不宜飲用架!


2018年4月24日 星期二

蔥頭雞


客家人食雞有個習慣,

鐘意將紅蔥頭(乾蔥頭)切片後,

贊滾油(花生油)再加豉油,

用嚟點雞食,

有時屋企用哂薑冇得整薑蓉時,

我都會整呢個蔥頭雞,

雞肉吸收哂乾蔥頭嘅香味,

食落別有一番風味架!


2018年4月23日 星期一

蝦醬蒸腩肉

蝦醬蒸腩肉,

一定要買半肥瘦肉先好食,

今次就用咗有皮腩肉,

蒸出嚟嘅腩肉好脆口,

食落一D都唔覺肥膩呀!


2018年4月22日 星期日

行山篇~山頂


今日約埋老公舊同學一行十人,

襯天氣仲係涼涼哋,

齊齊行山啦喂!

今次目的地係山頂,

上山頂唔一定搭纜車,

搭巴士都得架!


2018年4月21日 星期六

玩嘢,菜脯蛋卷


菜脯煎蛋就食得多,

今日攪攪新意思,

唔煎蛋餅改煎成蛋卷,

轉轉新形象呀!


2018年4月20日 星期五

天水圍新北江~餃子館


我都話新北江好多好嘢食架啦!

呢間餃子館係其中一間嚟架!

佢哋嘅餃子大大粒外,

而且個湯底又濃又好味,

最重要佢哋嘅菜脯好惹味添架!

我剩係食咗8粒餃子已經好鬼飽,

小魔怪仲加個幼上海麵,

真真大食呀!

韭菜豬肉餃$36+白菜豬肉餃上海麵$43+麻辣豬耳$27,

總共$106呀!

 

2018年4月19日 星期四

蓮藕鱆魚綠豆馬蹄煲排骨


一年一度牙醫檢查又嚟啦!

知道洗完牙一定會牙軟,

咩都食唔到,

唯有一早煲定湯,

撈湯食飯算喇!


2018年4月18日 星期三

豉汁涼瓜煮黑鯧魚


老公話要食涼瓜,

而小魔怪又話想食魚,

呢碟豉汁涼瓜煮黑鯧魚

咁就可以一次過滿足哂佢哋嘅口味啦!

黑鯧魚係天瑞街市買$4兩

呢度2塊都係$53,

又唔貴喎!


2018年4月17日 星期二

南乳蓮藕豆腐卜木耳炆排骨


今日專登買舊蓮藕返嚟炆排骨,

炆咗一大鍋,

咁小魔怪明天嘅飯盒就有著落啦!

加埋我至愛嘅豆腐卜和木耳,

豆腐卜索哂D南乳汁,

真係好鬼正架!


2018年4月16日 星期一

酸辣炒土豆絲


今日食酸辣炒土豆絲,

呢個餸係小魔怪至愛嚟架!

佢話日日炒嚟食都唔會厭喎!

話時話,

呢個餸除咗平靚正之外,

用嚟做打斧頭餸就最啱啦!

因為薯仔兩個都係$4咋!

2018年4月14日 星期六

菠蘿雞球


今日天氣有成卅度,

揀錯日子開爐炸嘢添!

但又為食想食甜甜酸酸嘅餸,

所以點熱都係呢一次呀!


2018年4月13日 星期五

老少平安


老少平安係一個極之普通嘅家常菜,

真係冇咩邊個家庭主婦唔識煮呀!

呢個餸容易入口,

真係細至小孩大至老人家都非常啱食架!


2018年4月12日 星期四

時款日式麵包製作精選實習高班~第九、十堂

呢個課堂已經完咗好耐,

都係快快出埋呢兩堂嘅麵包相先得!

第九堂整~翡翠班菌柳香包&焦糖玉桂卷


2018年4月11日 星期三

日式味噌薯仔炆排骨


近排好鐘意用味噌嚟煮餸,

上次用咗嚟炆雞翼,

今就用佢嚟炆排骨喇!

落咗薯仔、甘筍和洋蔥一齊煮,

煮到個薯仔和洋蔥都溶溶哋,

加埋D味噌汁撈飯,

哈哈,

今次仲唔添多幾碗飯。


2018年4月10日 星期二

素飯盒(5)


其實大魔怪食得好簡單,

佢又唔係咁鐘意食飯,

所以近排嘅素飯盒多數都係炒菜。




2018年4月9日 星期一

2018年4月8日 星期日

菜乾羅漢果甘筍粟米瘦肉湯


昨晚煲嘅湯係菜乾羅漢果甘筍粟米瘦肉湯,

最啱呢個乾燥天氣飲架喇!

今次重手落咗成個羅漢果一齊煲,

啖湯甘甘甜甜,

真係好潤喉架!


2018年4月7日 星期六

老公生日晚餐


今日係老公舊曆生日,

緊係要賀一賀佢啦!

煲啖靚湯,

斬料加餸,

開埋罐鮑魚(cheap cheap的),

至於生日蛋糕呢,

緊係唔少得啦!


2018年4月6日 星期五

蕃茄洋蔥燴豬扒


今日又買咗幾塊新鮮又靚靚嘅飛排,

用嚟做豬扒就最啱啦!

考慮緊整洋蔥豬扒好定蕃茄豬扒好???

最後決定兩樣都整,

變成蕃茄洋蔥燴豬扒喇!

2018年4月4日 星期三

豆豉鯪魚炒油麥菜


隨住豆豉鯪魚越賣越貴,

我真係起碼有2~3年冇食過豆豉鯪魚炒油麥菜啦!

見油麥菜呢排做緊特價賣$8有2斤,

所以呢個家常小菜又出爐啦!


2018年4月3日 星期二

老翻~B仔雞翼&雞翼尖


B仔雞翼尖,

大家都應該食過架啦!

小魔怪同佢女朋友仔就食過幾次,

不過次次都食到到喉唔到肺,

佢話要我整俾佢哋食喎!

剩食雞翼尖唔係好健康,

所以我用咗雞全翼,

有雞翼、雞膇和雞翼尖,

咁就好食好多啦!

拿,

話明係老翻架,

呢個味道緊係冇原裝咁重口味啦!


2018年4月2日 星期一

又嚟家常便飯喇!


今日係復活節假期嘅最後一日,

中午果餐走咗去飲茶,

晚餐就緊係唔可以再偷懶,

自己煮啦!


2018年4月1日 星期日