2017年1月30日 星期一

初二~拜年


噚日年初二,

下午去咗我亞姨度團拜後,

就出咗沙田姐姐家拜年,

一如過往兩枱麻雀,

好熱鬧啊!

晚餐係姐姐負責煮(一年一次),

讚!


2017年1月28日 星期六

年初一~8餸1湯素食晚餐


今日係大年初一,

我第一次挑戰煮14人素食晚餐(原本16人),

準備咗8餸1湯,

份量都大大碟架!

希望夠食啦!



2017年1月27日 星期五

雞,全部都係雞~香草燒雞


今日年三十晚,

我諗住上星期六已經團咗年,

唔使再煮雞食啦!

點知老公話冇雞食唔似過年喎!

所以噚日拿拿臨買隻雞返嚟應下節,

唔想食白切雞,

整隻香草雞嚟食下都唔錯架!

我和老公每人食半隻雞,

食勻雞翼和雞髀,

飽哂啦!



2017年1月25日 星期三

豉椒雞翼


今日整呢碟豉椒雞翼,

係一個送得飯嘅餸菜,

我就最鐘意個豉汁,

因為用嚟撈飯係最惹味架!

2017年1月24日 星期二

冬菇火腩豆腐


團年時食剩咗D燒肉,

點算好???

用嚟炆冬菇豆腐就最啱喇!

不過今次我冇買炸豆腐嚟炆,

只係將炆好冬菇火腩舖係蒸好咗嘅滑豆腐上面,

咁樣做法,

一樣咁好食架!


2017年1月23日 星期一

郊遊好去處~錦田雷公田~元朗河背水塘


噚日天氣真係好,

微風涼快又出太陽,

最適合就係去郊遊喇!

我哋一行九人,

去元朗大榮華旁(泰衡街)嘅投注站搭72號綠色專線小巴,

到總站錦田雷公田下車,

沿路行去元朗河背水塘。


2017年1月22日 星期日

2017朱家團年飯


噚晚,

我哋提早團年,

一如過往,

母親大人和妹妹一家嚟食團年飯,

簡簡單單6餸1湯(其中3餸1湯係素食),

加埋我整嘅生炒臘味糯米飯和湯渣,

啱啱好8個餸1湯,

白飯任裝!



2017年1月21日 星期六

2017朱家蘿蔔糕



噚日,

第二個任務就係整蘿蔔糕喇!

今年好快手係咁刨蘿蔔切臘味,

用埋個新蒸焗爐嚟蒸蘿蔔糕,

一大一小蘿蔔糕完成了!



2017年1月20日 星期五

任務完成(一)~炸腰果


今日真係好忙,

因為要完成兩個重大任務呀!

第一個任務,

就係炸腰果喇!

年年都炸腰果,

唔炸唔安樂囉!


2017年1月19日 星期四

粟米豆腐蛋花湯(素)


有時想飲湯都唔使好複雜,

簡簡單單整咗個粟米豆腐蛋花湯,

我鐘意架!

好奇怪,

我係e-mail睇到有個匿名留言,

但入到blog就睇唔到,

唔通Blogger有自動取消功能???


2017年1月18日 星期三

蜜汁烤雞扒


叉燒醬唔一定要整叉燒,

用嚟醃蜜汁雞扒都好好食架!

焗完脆脆香香,

突然間,

好想去BBQ添!


2017年1月17日 星期二

麵包製作精選實習(特別班)~第八堂


牛油綠茶奶酥麵包&法式牛角餐包仔;

今次呢兩款包啱哂我嘅口味,

綠茶加麻蓉,

簡直係絕配呀!


2017年1月16日 星期一

榨菜木耳蒸豬肉片


每次蒸豬肉,

我好鐘意買梅頭肉,

因為佢又腍又滑唔會"鞋";

今次加埋淡口爽脆嘅台灣榨菜,

仲有木耳絲,

一碟美味好送飯嘅榨菜木耳蒸豬肉片,

出爐啦!


2017年1月15日 星期日

提早團年&妹妹生日


噚日,

我哋出咗沙田,

提早和母親大人團年兼慶祝妹妹生日!

我哋叫咗一圍酒席外,

仲額外叫多3款素菜俾大魔怪食呀!


2017年1月14日 星期六

南乳蓮藕炆腩肉


日日去街市買餸有咩好???

就係見到有新鮮嘅嘢就會買返屋企喇!

今次見到豬腩肉靚,

就買咗2條嚟炆蓮藕呀!


2017年1月12日 星期四

胡椒雞腳排骨湯


呢排係街市見到D蘿蔔好鬼靚,

個個圓碌碌、脹卜卜,

最啱買嚟炆餸和煲湯架啦!

今次用嚟煲胡椒雞腳排骨湯,

飲完成身暖笠笠,

好正架!


2017年1月11日 星期三

雜菌素魚腐煲


呢個雜菌素魚腐煲專登整俾大魔怪食;

雜菌有冬菇、姬松茸、牛肝菌和木耳,

加埋素魚腐和菜,

一鍋暖笠笠嘅素菜鍋又出爐喇!


2017年1月10日 星期二

梅菜雞絲蒸茄子


今次整呢碟梅菜雞絲蒸茄子,

最方便就係整一碟餸裡面,

有菜又有肉喇!

簡單又一餐,

啱哂我呀!



2017年1月9日 星期一

菜脯肉碎煎蛋


其實每日要諗煮咩餸真係幾頭痛架!

通常唔知煮咩嘅時候,

我就會想煮呢個菜脯肉碎煎蛋,

簡單方便又快捷,

加唔加肉碎都得,

做打斧頭餸菜,

流架!


2017年1月7日 星期六

麵包製作精選實習(特別班)~第七堂


玉桂提子大圈包、蘋果麵包、炸蘋果圈,

呢個麵包係聖誕假期前整的,

整完我就去咗旅行,

留番俾老公和大魔怪做旱餐就最啱喇!



2017年1月6日 星期五

香煎銀雪魚扒

近日超市銀雪魚扒有得價,

拿拿臨買番幾包放入冰箱,

咁就隨時加餸都冇問題啦!



2017年1月5日 星期四

蜜糖雞翼


記得我以前講過大小魔怪係雞翼狂,

KO 2磅雞翼真係話都冇咁易呀!

不過依家剩得我倆公婆食就唔同喇,

起碼要分3次先可以食得完2磅雞翼,

真係要諗下點先可以消滅哂佢哋;

之不過呢,

整呢款蜜糖雞翼就係簡易架啦!


2017年1月4日 星期三

2016中國雲南、昆明、大理、麗江、玉龍雪山~第五&六天(完)


12月26日星期一

正所謂出得嚟行,

預咗要還!

我哋呢4日由昆明玩到大理再去麗江,

今日晨早6點就morning call,

準時7點半出發,

由麗江經大理返昆明喇!

車程大大話話要7個半鐘頭,

真係坐到pat pat痛架!

好彩中途有得落車休息休息15分鐘咋!


2017年1月2日 星期一

南乳炆蓮藕(素)


今日炆咗大魔怪至愛嘅南乳炆蓮藕,

佢成日話減肥唔肯添飯,

今餐竟然添咗2次飯,

好彩我有煮重米咋,

唔係就肯定唔夠佢食架啦!

2017年1月1日 星期日

2016中國雲南、昆明、大理、麗江、玉龍雪山~第四天


12月25日星期日

今日又係6點半morning call,

食飽飽早餐後,

我哋就去遊黑龍潭,

沿旁邊古道行去麗江古城行街街。