2017年9月30日 星期六

XO醬三色椒炒蝦仁



屋企個雪櫃緊有幾包急凍蝦仁放係度,

因為隨時加餸都有材料嘛!

今次唔用蛋炒囉,

改炒三色椒,

啖啖蝦肉,

一樣咁好食呀!


2017年9月29日 星期五

無水蒸椰菜排骨


無水蒸,

唔一定要用鑄鐵鍋,

用玫瑰鍋都可以做到呢個效果架!

今次一滴水都冇落,

因此煮嘅過程中,

椰菜和排骨都會出水,

所以唔使怕會蒸乾水呀!


2017年9月28日 星期四

蠔油薯仔炆雞


蠔油薯仔炆雞,

雖然係一個簡單嘅家常餸,

但耐唔耐煮嚟食都幾滋味架!



2017年9月27日 星期三

雪菜火鴨絲炆米


今日午餐食雜糧,

將食剩咗嘅燒鴨折肉,

煮咗呢個雪菜火鴨絲炆米,

兩人個人煮咗一大鍋,

睇怕又要分兩餐先食得完囉!



2017年9月26日 星期二

2017年9月25日 星期一

時款日式麵包製作精選中班~第一堂


上兩個星期二開始,

我又要上麵包班啦!

睇過下嚟緊呢個課程,

堂堂麵包都幾啱我食架!

嘻嘻,

因為好多麵包都有我鐘意食嘅餡料呀!

第一堂學整日式紫菜肉鬆包&芝士肉鬆卷。


2017年9月24日 星期日

舊曆生日


今日係我舊曆生日,

襯大小魔怪齊齊返嚟食飯,

係咁二都要慶祝一下啦!

一早預咗食KFC,

點知老公突然買咗盒燒鴨返嚟,

咁多嘢食點食得哂架,

睇怕呢幾日都要食舊餸囉!


2017年9月23日 星期六

返鄉下


8月尾時連續打咗3次風,

惠州果邊大水浸,

我哋條村都浸得幾犀利架!

睇番張相都嚇咗一跳,

襯呢排好天氣,

我哋返去睇下間屋啦!

(8月28日當日水浸情況)

2017年9月21日 星期四

一個人的晚餐~菜芯雞絲炒米粉


噚晚難得自己一個人係屋企,

簡單炒個米粉做晚餐,

煮完食埋都唔使半個鐘,

夠哂有效率呀!

2017年9月20日 星期三

香煎雞扒


噚日挑起條筋想食煎雞扒,

用咗超級簡單嘅醃料

(鹽、雜香草、黑椒碎、蒜蓉、橄欖油),

落鑊煎香佢就食得,

小魔怪一邊幫我切塊雞扒,

就一邊偷食d雞皮,

佢話脆卜卜好鬼正喎!

又話減肥,

仲食???!!!



2017年9月19日 星期二

時款日式麵包製作精選實習初班~第七、八、九、十堂


由於之前去咗十幾日英國意大利,

所以miss咗第五和第六堂,

好傷心啊!

第七堂~黑糖青梅酒麵包&日式紅豆麻糬麵包


2017年9月18日 星期一

豉汁鳳爪蒸排骨


出街食碟鳳爪排骨真係唔平,

而且每碟仲得果幾件仔,

真係食到到喉唔到肺囉!

咁不如買材料返嚟自己整好過啦!

一次過整一大盆,

食到Lam Lam脷啦喂!




2017年9月17日 星期日

洋蔥炒黑豚肉


之前買咗支燒肉醬,

都唔記得買嚟做咩囉???

見有成大半樽,

用嚟炒肉片都係唔錯嘅選擇嚟架!

今次用咗火鍋黑豚肉片,

快捷方便又易熟,

喜歡先灼一灼黑豚肉片,

煮唔使5分鐘就有得食啦!



2017年9月15日 星期五

又嚟例湯~西洋菜甘筍咸鴨腎豬腱湯


西洋菜甘筍咸鴨腎豬腱湯,

係朱家常飲例湯之一,

今日見有西洋菜賣,

緊係要買嚟煲湯啦!

2017年9月14日 星期四

滷豬手


好耐冇食過豬手,

响百佳超市肉檔買一隻新鮮豬手又唔貴喎!

肉檔靚姐計我$60隻,

滿$60仲有得平$6(即豬手$54隻),

而且俾多舊肥肥哋嘅腩肉添!

今次自己整滷水汁,

用剩嘅汁可以留番下次用呀!


2017年9月13日 星期三

2017年9月12日 星期二

小魔怪馬來西亞手信

哈哈,

小魔怪真有我本色,

佢將半個馬來西亞嘅特色食品,

搬咗返香港呀!

佢仲大讚馬來西亞D嘢食超正又抵食,

緊係啦!

女朋友仔帶路,

緊係搵到好嘢食啦!


2017年9月11日 星期一

節瓜鱆魚雞腳眉豆花生豬腱湯



今日黃昏時間,

小魔怪會由馬來西亞飛返香港,

結束佢嘅悠長假期,

開始要實實際際搵工,

投入呢個現實社會了;

攪笑係佢噚晚whatsapp我,

佢話嚟緊呢個星期都要食素,

點解???

咪就係佢呢16日馬來西亞之旅,

餐餐都大魚大肉,

肥咗好多囉!


2017年9月10日 星期日

涼茶~雞骨草羅漢果茶


今日老公買咗1斤雞骨草返嚟,

話要飲涼茶喎!

簡單煲咗個雞骨草羅漢果茶,

清清肝毒呀!



2017年9月9日 星期六

一人前~日式豬肉生薑燒


一個人可以煮D咩食???

簡簡單單煮個~日式豬肉生薑燒,

都係一個唔錯嘅選擇嚟架!


2017年9月8日 星期五

魚露雞翼


平時整魚露雞翼,

好多時都會用生炸呢個做法,

好處係雞翼比較脆口和乾身;

而用半煎炸嘅做法呢,

脆口都有架,

但雞翼嘅肉質就juice好多喇!

不過最緊要係唔使用好多油去炸嘛,

嘥油呀!


2017年9月7日 星期四

白菜素餃子


大魔怪8月中開始返工喇!

不過好多時放工返到嚟屋企都成8點幾,

由於佢唔係咁鐘意食米飯,

所以好多時我都會煲定素湯,

又或買定盒沙律菜、雞蛋或麵包煮俾佢食;

唔想佢餐餐都食得齋,

今日就包定D素餃子放係冰箱,

咁就隨時都可以煎俾佢食啦!


2017年9月5日 星期二

蟹肉伊麵


今日又大一歲了!

簡單嘅生日願望~就係身體健康喇!

另外,

今日收到好多朋友仔係facebook和whatsapp嘅祝福,

真係好感動,

Love you all!

生日要食長壽麵,

為自己和老公準備咗呢碗蟹肉伊麵,

做我哋嘅晚餐呀!


2017年9月4日 星期一

金針雲耳蟲草花蒸雞


8月中開始,

大魔怪正式返工喇!

而近排小魔怪同女朋友仔去咗馬來西亞玩,

所以好多時都係得我哋2個公婆食飯咋!

咁今餐食咩餸???

就係佢~金針雲耳蟲草花蒸雞!


2017年9月2日 星期六

蕃茄雞蛋燴牛肉碎


今日呢個餸~蕃茄雞蛋燴牛肉碎,

簡單易做又富營養,

仲濕濕哋好送飯添!

唔食牛牛嘅朋友仔,

可以改用豬肉煮架!


2017年9月1日 星期五

土魷冬菇馬蹄蒸肉餅


今朝買咗6隻魷魚乾$70(4兩),

真係貴過新鮮魷魚呀!

不過檔主話係本地生曬,

個心都安慰少少啦!

不過呢,

今日好鬼懶,

冇自己剁豬肉呀!