2017年8月31日 星期四

炒冷飯~蝦醬蝦仁肉碎蛋炒飯


雪櫃有一大碗冷飯,

摷埋冰箱睇下有咩其他物資,

咁就整咗呢個蝦醬蝦仁肉碎蛋炒飯喇!

咪話喎,

雖然話係剩餘物資,

但老公話呢個炒飯材料好豐富,

食到啖啖肉呀!


2017年8月30日 星期三

素湯~紫菜蕃茄豆腐蛋花湯


天氣咁熱,

真係唔係咁想食飯,

有咩好煮意???

呢個紫菜蕃茄豆腐蛋花湯一定啱哂大家喇!

雖然清清哋,

但營養價值超高,

我用佢嚟做湯飯,

一流架!


2017年8月29日 星期二

鮮淮山炒豬肉片

屋企附近街市有處理好嘅鮮淮山賣,

啱哂我呢個懶人呀!

雖然鮮淮山本身滑滑潺潺的,

但口感就相當爽脆,

用佢嚟炒雲耳肉片就最啱啦!


2017年8月28日 星期一

焗風琴薯仔


前幾日焗咗個風琴薯仔俾大魔怪食,

做法和調味都係超簡單,

賣相仲唔差添架,

喜歡芝士嘅朋友仔,

仲可以加埋芝士落去添!


2017年8月27日 星期日

清炒蘑菇


大魔怪至愛之一~清炒蘑菇,

簡單得嚟又好味,

少鹽少油兼冇糖,

夠哂健康啦!


2017年8月26日 星期六

超健康版~椒鹽焗豆腐


大魔怪係素食者大家都知,

近排佢仲學人玩健身,

食嘢方面仲好鬼清添(少油少鹽少糖);

佢話想食冇油嘅炸豆腐喎!

問我識唔識整???

冇話識唔識嘅,

試下咪知囉!

呢個超健康版嘅椒鹽焗豆腐,

真係一滴油都冇落架,

用焗爐焗都有脆嘅效果,

灑加咗少少椒鹽,

再點少少沙律醋食,

味道都唔錯架!

不過下次要買更幼細嘅麵包糠整先得,

今次粗粗哋食住先啦!


2017年8月25日 星期五

蟲草花猴頭菇螺頭豬腱湯


噚日小魔怪同女朋友仔返嚟食飯,

我知道女朋友仔係湯怪,

所以專登煲咗個靚湯俾佢飲呀!

最後小魔怪女朋友仔飲咗3大碗湯,

勁呀!



2017年8月24日 星期四

再嚟家常便飯


噚日10號風球根本冇可能出到街,

唯有摷下雪櫃有咩就食咩;

今日天氣晴朗,

終於可以出去街市買餸啦!

4餸1湯,

白飯任裝。


2017年8月23日 星期三

薑蔥蒜手撕雞


前日買咗隻冰鮮雞整薑蔥蒜手撕雞,

話時話,

雖然係冰鮮雞,

但處理得好嘅話,

冰鮮雞都可以整得好好食架!

2017年8月22日 星期二

麻辣蒜泥白肉


小魔怪同女朋友仔上星期去咗美食博覽,

買咗樽麻辣醬返嚟,

食落麻麻香香仲辣辣哋,

啱哂用嚟整呢個麻辣蒜泥白肉喇!


2017年8月20日 星期日

XO醬雜錦海鮮炒韭菜花


XO醬雜錦海鮮炒韭菜花,

簡單好惹味又好食,

最緊要係快靚正,

唔使5分鐘就有得食呀!

2017年8月19日 星期六

慶祝

今日嚟個大慶祝,

慶祝大、小魔怪大學畢業,

慶祝姨甥仔考入科大,

祈祈BB扣門成功入咗理想嘅小學,

仲有就係預祝我9月份生日呀!

小魔怪第一次帶女朋友仔見婆婆、姨媽和細姨,

好開心啊!

今晚我哋嚟咗石門彩福皇宴食晚飯呀!


2017年8月18日 星期五

嘉湖山莊會所~Ocean Dive Cafe


今晚我哋一家人4口同埋小魔怪女朋友仔一齊出街食飯,

揀咗去屋苑會所餐廳;

呢度餐牌上食品款式都幾多,

但素食就唔多得一款揀,

不過總好過冇啦!

叫咗一份2人套餐(豬手、燒雞、大蝦、黑松露飯),

一份素食套餐和沙丹豬扒套餐,

總共食咗$504。


2017年8月17日 星期四

自製照燒雞翼


雞翼,

真係點煮都咁好食架!

只要屋企有支味醂,

咁就隨時都整到照燒雞翼喇!



2017年8月16日 星期三

椰汁紫米糕


噚日同麵包班同學仔開大食會,

簡簡單單整咗個椰汁紫米糕和咖哩豬皮蘿蔔魚蛋,

好唔好食就唔知,

不過同學仔話我今日冇落陳皮魚蛋,

要我下次再整過喎,

哈哈,

咁即係又多一個藉口可以再開大食會啦!

話時話,

噚晚咁多嘢食邊食得哂架,

我又食又拎,

哈,

真係唔好意思喇!


2017年8月14日 星期一

鮑魚鴨腳生菜


上星期五,

我同母親大人飲茶,

佢攞咗隻澳洲鮑魚俾我做手信。

(最近佢同姐姐一家和妹妹一家去咗澳洲玩)

母親大人仲裝咗好多鮑魚汁俾我,

用嚟炆鴨腳就最啱啦!



2017年8月13日 星期日

沙爹金菇粉絲黑豚肉


買咗包靚靚黑豚肉片,

整咗呢個沙爹金菇粉絲黑豚肉,

食到小魔怪Lam Lam脷,

又要添飯啦喂!



2017年8月11日 星期五

咸魚煎肉餅、客家釀苦瓜和魚香茄子


醃咗一大碗咸魚豬肉,

可以整出三款唔同嘅菜式,

咸魚煎肉餅、客家釀苦瓜和魚香茄子,

三款菜式簡單又易做,

梗有一款啱妳哋嘅口味架!


2017年8月10日 星期四

冬瓜粒海鮮湯


唔知係咪小魔怪好耐冇飲過有肉嘅湯水呢???

今日我煮呢個冬瓜粒海鮮湯,

佢大讚超正,

仲飲咗兩大碗添呀!

亞仔,

我用咁多料嚟煮呢個海鮮湯,

肯定正啦!


2017年8月9日 星期三

英國&意大利畢業之旅~威尼斯第四日&第五日(旅程結束)

英國&意大利之旅

7月21日,

今日威尼斯繼續陽光普照,

小魔怪plan咗帶我哋去麗都,

一個陽光與海灘嘅地方呀!


2017年8月8日 星期二

英國&意大利畢業之旅~威尼斯第三日


英國&意大利之旅

7月20日,

今日行程係小魔怪係網上參加咗免費(英語)導賞遊威尼斯,

早上11點至下午2點,

見仲未夠鐘,

而去周圍影下相先啦!


2017年8月7日 星期一

英國&意大利畢業之旅~威尼斯第二日

英國&意大利之旅

7月19日,

食過早餐後,

又要開始我哋今日嘅旅程啦~遊玻璃島和彩色島。

轉咗幾次船都係企位,

不過吹下海風都幾爽架!


2017年8月6日 星期日

返惠州

歐遊返嚟抖咗一星期,

噚日我又同小魔怪、老公和姑奶,

4個人齊齊返惠州,

因為小魔怪未去過惠州呢間新屋,

所以要帶佢返去一次呀!


2017年8月4日 星期五

英國&意大利畢業之旅~維羅納&威尼斯

英國&意大利之旅

7月17日,

咁快又要離開博洛尼亞喇!

今日要搭火車落去意大利另一個城市~維羅納!

維羅納係羅密歐和茱麗葉故事嘅發源地。

2017年8月3日 星期四

英國&意大利畢業之旅~意大利博洛尼亞第一、二天


英國&意大利之旅

7月15日,

今朝連早餐都冇食就準備去機場喇!

因為我哋會先去紐卡素轉機返倫敦,

再由倫敦飛去意大利博洛尼亞。


2017年8月2日 星期三

英國&意大利畢業之旅~畢業禮


英國&意大利之旅

7月14日,

今日係小魔怪嘅大日子~佢畢業喇!

一早食過早餐,

我哋就出發去畢業禮會場喇!


2017年8月1日 星期二

鹵水牛腱金錢肚


上星期整咗呢個鹵水牛腱金錢肚,

買咗支現成鹵水汁,

方便又簡單,

早上炆定放雪櫃,

開飯前加熱就食得啦!