XO醬蝦仁海味炒粉絲

今朝一早已經落大雨，

懶懶哋唔想落街買餸添!

於是摷下個寶箱睇下有咩物資，

蝦仁、蝦乾、乾魷魚，

加埋我至愛嘅粉絲，

炒炒埋埋就一碟餸喇!

好簡單啫!

材料: 急凍蝦仁1包、蝦乾20隻、乾魷魚仔2隻、粉絲1包、XO醬1湯匙、

蒜蓉、薑絲、蔥段

醃料: 鹽少許、胡椒粉少許、麻油少許

調味: 蠔油1湯匙、豉油1湯匙、老抽少許、糖1茶匙、生粉1茶匙、水1碗

做法: 蝦仁解凍後用廚紙索乾水份，落醃料醃30分鐘；

蝦乾和乾魷魚浸軟，魷魚切絲；粉絲浸軟剪段；

燒熱油鑊落蝦仁炒熟後上碟；

原鑊落薑絲、蒜蓉和XO醬爆香，加入調味煮至滾後，

落粉絲和蝦仁煮至汁乾，最後加入蔥段炒勻便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page