2017年5月6日 星期六

豉汁涼瓜排骨


老公鐘意食涼瓜,

而我就鐘意食豉汁排骨,

哈,

咁呢碟豉汁涼瓜排骨,

啱哂我倆口味啦!


材料: 涼瓜1個、一字排骨$30、蒜蓉、即食豆豉粒半湯匙、生粉水

醃料: 豉油1.5湯匙、糖1茶匙、生粉1茶匙、麻油少許

調味: 蠔油1湯匙、豉油半湯匙、老抽1茶匙、鹽半茶匙、糖1茶匙、1碗水

做法: 一字排骨洗淨後用醃料醃1小時;涼瓜去囊後切片;


燒熱水落少許鹽,灼涼瓜1分鐘左右後撈起瀝乾水份;

燒熱油鑊落一字排骨略煎兩面後,


加調味炆排骨10分鐘後盛起(餘下的排骨汁留用);

燒熱油鑊落蒜蓉豆豉爆香,落涼瓜和排骨快炒,

炆排骨汁煮5~8分鐘(全程唔使加鑊蓋),最後加生粉水埋獻汁便成。



苦瓜的食療價值(網上資料)

~苦瓜氣味苦、無毒、性寒,入心、肝、脾、肺經;

~具有清熱祛暑、明目解毒、利尿涼血、解勞清心、益氣壯陽之功效;

~主治中暑、暑熱煩渴、暑癤、痱子過多、目赤腫痛、癰腫丹毒、燒燙傷、少尿等病症。

 



大家可以入嚟Facebook讚下我新開嘅Fans專頁呀! 




4 則留言 :

  1. 我和仔仔永遠都離唔開苦瓜一排無食好似欠咁的嘢,所以見到你碟苦瓜炒得咁入味,流哂口水,失禮!失禮!

    回覆刪除
    回覆
    1. 哈哈,仲唔到小朋友都鐘意食苦瓜喎!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!