2016年7月19日 星期二

準備就緒


聽日屋企開始裝修啦!

成屋嘅嘢掉剩呢度咁多,

一間房都可以裝得哂呀!

唔講都唔知,

原來我果層另一個單位今日開始裝修,

呢次真係熱鬧囉,

肯定嘈到七彩呀!



  


 
大家可以入嚟Facebook讚下我新開嘅Fans專頁呀!




2016年7月17日 星期日

咸鴨腎蠔豉瑤柱豬腱粥


仲有3日屋企就會進行大裝修,

雀后煮埋呢餐就要收爐啦!

希望裝修工程可以係2個月內完成,

到時就可以再見大家啦!

不過我都會定時上facebook,

同大家say hi架!

今次呢餐煲咸鴨腎蠔豉瑤柱豬腱粥

加埋油炸鬼和牛脷酥,

快靚正呀!


2016年7月14日 星期四

亂嚟~韭菜煎餅


呢幾日執屋執到我傻咗,

都唔知點解屋企會有咁多嘢架!

老公仲攪笑,

一路執相簿,

就一路睇舊相,

由佢自己細路哥嘅相,

睇大小魔怪嘅BB相,

越睇越津津有味,

點呀???

幾時先執完呀!

講番正題,

係廚房摷到包麵粉,

唔好嘥用嚟整嘢食,

份量係亂嚟架,

不過食落都唔錯喎!


2016年7月13日 星期三

芝士焗肉醬意粉

話咁快一個月就過咗,

小魔怪今晚就會返英國,

佢會先留係倫敦玩兩星期,

跟住8月中又會和同學去歐洲玩,

真開心!

昨晚我整咗個芝士焗肉醬意粉俾佢食,

芝士係佢至愛,

唔使講佢食咗半盆有多啦!


2016年7月12日 星期二

2016年7月11日 星期一

涼拌茄子


呢幾日熱到呢,

係時間煮番幾個涼拌餸菜食下喇!

今次整咗呢個涼拌茄子,

簡單又好味道,

正架!


2016年7月10日 星期日

出走惠州


噚日,

老公、姑奶和我3人齊齊返惠州,

去到羅湖火車站,

我哋第一時間唔係返惠州,

而係搵酒店,

我哋決定屋企裝修時,

會暫時租住酒店,

雖然遠係遠D,

但勝在夠平嘛!

返到惠州,

見到有平民快餐店,

6個小菜加2個湯再加3碗飯,

都係66蚊人仔,

超抵啦!


2016年7月8日 星期五

大澳半日遊


大澳,

一個好熟悉嘅名字,

但又唔會成日去嘅地方;

老公見小魔怪返咗嚟,

想同佢出外行下;

今朝大清早起身,

坐輕鐵去屯門碼頭,

落車就見到碼頭架啦!

左面去大澳,

右面去澳門,

呢一刻心動想去澳門添!


2016年7月7日 星期四

豐衣足食~蠔豉花生瑤柱豬肉粥


老公買埋買埋好多蠔豉仔係冰箱,

雖然細細隻,

但用嚟煲粥就最啱啦!

摷埋其餘物資花生和瑤柱,

煲咗一大鍋粥;

哈,

得我2個人食,

竟然食得哂,

勁呀!

(分兩餐)



2016年7月6日 星期三

雪菜雞絲炒烏冬


一係唔炒,

一炒就大大鑊呀!

今次一次過炒6個烏冬,

分2餐食,

啱哂我呢個懶人!

仲有2星期屋企就要進行大裝修,

今日一定要開始執屋,

睇見成間屋都係雜物,

仲有千千萬萬樣濕碎嘢,

好頭痛呀!



2016年7月5日 星期二

夏日靚湯水~冬瓜生熟薏米排骨湯


夏日靚湯水~冬瓜生熟薏米排骨湯,

冬瓜有利尿袪濕功效;

而生熟薏米就健脾胃、利小便、袪水腫。

加埋幾片薑一齊煲,

咁就唔怕寒涼啦!

小魔怪仲有一個星期就返英國,

呢排要煲多D湯水俾佢飲先得喇!



2016年7月3日 星期日

雜菌炒麵


大魔怪話想食脆卜卜麵,

整呢個係唔難,

但好鬼煩囉!

不過見佢食得咁滋味,

我係廚房熱到出嘅所有汗,

係冇白費架!





2016年7月2日 星期六

七一晚餐


噚日係七一假期,

我哋約埋母親大人姐姐妹妹佢哋一齊玩下啦!

有咩玩???

哈哈,

緊係坐係冷氣房度打牌啦!

晚餐姐夫負責煮海鮮餐,

有齊魚、蝦、蟹、鮑魚和嘉美雞

我就煮咗兜南乳蓮藕炆支竹木耳豆腐卜。