2016年4月30日 星期六

蕃茄薯仔三文魚頭豆腐湯


今餐簡簡單單滾咗個蕃茄薯仔三文魚頭豆腐湯,

有營養又好味道;

食三文魚頭時,

我最鐘意點豉油加少少胡椒粉一齊食,

諗起都想再食呀!


2016年4月29日 星期五

柱候支竹蘿蔔炆牛展牛筋


通常炆牛腩或牛筋條,

凍咗會有層厚厚嘅油浮係面,

不過炆牛展就唔會有呢個情況出現喇!

唔信???

妳哋都試下啦!

話時話,

呢個餸我至愛唔係牛展,

而係蘿蔔和支竹呀!



2016年4月28日 星期四

一個人的晚餐~香蒜肉碎意粉


一個人的晚餐,

快靚正嘅香蒜肉碎意粉,

唔使30分鐘就有得食,

灑上我至愛嘅芝士粉,

好滿足啊!

我唔係咁like雜豆(尤其係青豆),

所以冇落到呀!


2016年4月27日 星期三

冬菇雲耳生菜


我真係幾鐘意食呢種一口冬菇,

細細隻容易食,

上次就係用呢D冬菇仔,

炆咗個簡單素菜俾大魔怪食,

真係多多冬菇都食得哂呀!



2016年4月26日 星期二

2016年4月25日 星期一

可樂骨


買咗一大樽可樂返嚟,

飲咗幾日都飲唔完,

可樂都開始冇咩氣囉!

唔想嘥哂D嘢,

用佢嚟煮餸就最啱啦!

今次唔係整可樂雞翼,

而係煮可樂骨,

哈哈,

一樣咁好味道呀!



2016年4月24日 星期日

紅腰豆薯仔蘋果青瓜栗米沙律


大魔怪已經三星期冇返嚟屋企喇!

因為就嚟學期尾,

呢排佢忙做project外又忙做功課,

下個月又係考試嘅時候;

所以噚晚講咗返嚟食飯,

我一落郵輪拿拿臨即刻去買材料,

整佢鐘意食嘅~沙律!

佢係噚晚和今朝都食咗一大碗沙律,

食完早餐又趕返學校囉!


2016年4月23日 星期六

郵輪新體驗


妹妹妹夫之前睇到有個去郵輪耍樂嘅團購活動,

星期一至四出發$249,

星期五六日出發就$299;

我哋見未玩過就一齊試下啦喂!

一行6人(包括祈祈)指定時間係下午6點係尖沙咀鐘樓集合,

做個簡單登記準時6點35分上接駁船去停泊在海中心嘅郵輪啦!


2016年4月22日 星期五

黑椒青瓜炒牛柳粒


之前買定幾包包裝醬汁,

諗住俾小魔怪拎去英國用,

點知都係唔記得俾佢,

為咗要消滅呢幾包醬汁,

今餐就用佢煮牛柳粒,

簡簡單單加埋青瓜落去一齊煮,

咁又一碟小菜喇!


2016年4月21日 星期四

2016年4月20日 星期三

蝦仁蛋炒飯


依家好多時候都係得兩個人食飯,

真係幾難洗米架,

每餐只洗一杯米,

好似好嘥電咁,

所以通常我都會一次過煮2杯~2.5杯米,

分兩餐食;

今日就將食剩咗嘅飯用嚟做炒飯食喇!

呢排煮飯都加咗少少燕麥飯一齊煮,

高膳食纖維和含鈣,

健康DD啦!


2016年4月19日 星期二

鹽焗雞髀


今晚整咗兩隻鹽焗雞髀,

老公和我每人一隻,

我唔食飯,

加半碟清炒椰菜咁就一餐喇!


2016年4月18日 星期一

2016年4月17日 星期日

拜山


仲有幾日係父親大人嘅死忌,

今日就約齊家人齊齊去拜祭,

簡簡單單買了一束花,

代表我哋對死去嘅父親大人一種愛意和懷念!

之後順道去妹妹妹夫家耍樂,

母親大人和妹妹佢哋上月底去完馬來西亞玩,

帶咗好多手信送俾我,

真係多謝哂啊!

夜晚懶出街食飯,

叫咗pizza和炸雞,

咁就過咗一個愉快嘅週日了!


2016年4月16日 星期六

咸蛋皮蛋排骨粥


我又有一個習慣,

好鐘意用醃咸咗嘅排骨或豬展,

用嚟煲粥或煲湯,

食落D排骨和肉都係咸咸哋,

好惹味架!



2016年4月14日 星期四

冬菇豆腐火腩煲


有舊燒肉係屋企,

本來想買舊冬瓜嚟炆,

點知搵勻成個街市都唔見有冬瓜買,

多口問下菜檔先知原來冬瓜來貨價好貴($14蚊斤),

仲貴過菜,

所以唔攞嚟買喎!

冇冬瓜食,

食豆腐都得啦!


2016年4月13日 星期三

青松齋菜


奶奶離開我哋差不多一百日了。

今日,

我哋為佢係青松觀做了一場法事;

法事未開始時,

我哋先到青松觀裡食午餐,

4餸1炒麵,

1個小菜送1碗粥或飯,

另叫多個粥或飯就要$8,

呢餐食咗$354。


2016年4月12日 星期二

生菜薑粒餐肉雞蛋炒飯


今日下午要去博愛醫院見營養師,

聽講座和見營養師後,

希望我可以將依家嘅食量要再減半,

即係話~我唔到80歲都唔會有飽飯食呀!

(老公事後加咗句~唔係我講架,醫生話架咋!)

未見營養師之前炒定個飯做午餐,

噢,

真係要好好食真D午餐肉嘅味道,

因為呢個午餐肉屬於唔健康食品,

應該短時期唔會再食囉!


2016年4月11日 星期一

西芹炒肉絲


買咗棵有機西芹超幼嫩,

用嚟炒就最合適啦!

今次加埋豬肉絲、木耳絲、豆腐乾和甘筍絲一齊炒,

落少少辣豆瓣醬調味,

嘩,

真係超級惹味呀!


2016年4月10日 星期日

吃喝玩樂麻雀團


哈哈,

呢兩日一行6人,

上咗大伯深圳屋企玩,

噚日十一點左右去到羅湖城小桃園飲茶,

6人食咗$350左右。


2016年4月8日 星期五

鮮菠蘿雞翼


見到有新鮮菠蘿賣,

處理得乾乾淨淨,

老公第一時間話想食,

OK,

買嚟當水果食都唔錯,

不過用嚟煮餸都一樣咁好食架!

2016年4月7日 星期四

蓮藕甘筍眉豆花生雞腳豬展湯


我有一個習慣,

每次買雞時,

都會留起對雞腳放入冰箱,

儲儲埋埋,

咪可以用嚟煲湯囉!

(嘻嘻,好慳家啊!)

今日原本諗住煲個簡簡單單2人湯水,

點知材料加哂落煲時,

已經成煲滿哂喇!



2016年4月6日 星期三

蜜汁黑椒薯仔牛柳粒


我哋呢邊天耀街市執咗,

唯有改去領展新裝修嘅天盛街市買餸;

其實呢個新街市都幾乾淨,

又有冷氣,

不過餸菜價錢緊係唔會好平啦!

今次買咗包澳洲安格斯牛柳粒,

2磅$149加$1有包冇激素雞翼尖,

價錢又幾合理喎!


2016年4月5日 星期二

荷塘小炒(炒蓮藕)


荷塘小炒,

個名好似好靚咁,

其實咪即係炒蓮藕囉!

今次加埋翠肉瓜、雲耳和腰果,

大魔怪又添飯喇!

2016年4月4日 星期一

素湯~菜乾甘筍羅漢果湯


呢排喉嚨乾乾癢癢的,

好唔舒服啊!

襯大魔怪返嚟佢話想飲湯,

即刻煲個菜乾甘筍羅漢果湯;

好鐘意煲素湯,

因為煲完一滴油都冇,

洗煲都唔使落洗潔清,

仲慳好多水添呀!


2016年4月3日 星期日

芥菜黃豆排骨煲


芥菜黃豆排骨煲,

我鐘意將排骨先醃咸,

咁食起上嚟就更入味喇!

上次已經提過,


仲好有營養價值添呀!

(想知更多,click入紅字睇下啦!)


2016年4月2日 星期六

西餅、蛋糕製作精選實習班(四)~第八堂


低脂Tiramsu芝士凍餅&手指餅,

呢個餅我哋落咗兩種芝士和好多酒,

真係好香,

可惜我唔係咁鐘意食Tiramsu,

我都係鐘意食有蛋糕嘅蛋糕囉!


2016年4月1日 星期五

蝦醬雞翼


今日又要清清雪櫃嘅物資啦!

樽蝦醬用得八八九九,

剩得少少就用佢嚟醃雞翼啦!

雞翼炸到酥酥脆脆的,

咸咸香香,

又勁juice,

哈!

好想飲罐啤酒啤啤佢呀!