2016年2月28日 星期日

東京,我嚟啦!


東京,我嚟啦!

今日我哋一行4人,

會搭中午飛機展開吃喝玩樂東京6日美食之旅!

屋企D喼俾大小魔怪攞哂去用,

近近哋係日本城買咗個超輕嘅喼,

應該可以裝幾多嘢,

不過就唔知襟唔襟用喇!

仲有買咗上網咭,(網上買$165咋!)

(click紅色睇更多優惠呀!)

咁就一路都可以上網啦!


2016年2月27日 星期六

自製蝦仁菜脯煎蛋


星期二整咗半斤蝦仁菜脯,(想知食譜點字啦!)

分咗大部份俾朋友仔,

剩番果D我留咗嚟煎蛋,

今次試下一手反蛋,

嘻嘻,

冇散到,

又俾我成功咗喎!

係唔夠圓之嘛!


2016年2月25日 星期四

一個人的晚餐~日式咖哩雞翼煎蛋飯


依家老公怕咗食咖哩,

所以襯今晚煮一個人的晚餐,

就咁簡簡單單煮個日式咖哩飯啦!

哈哈,

雖然睇落日式咖哩好似一人份量,

但其實煮起都幾多架!

配埋隻燶邊流心荷包蛋,

食落真係超正啊!


2016年2月24日 星期三

南乳蓮藕花生炆豬手豬腳



今日心血來潮想食豬手,

去到超市揀豬手時,

肉檔亞叔叫我買多隻豬腳,

2隻夾埋平少少賣俾我($86),

仲買埋蓮藕花生一齊炆添!

今次用我個新玩具~Staub 31 橢圓形煲就啱啱好啦!

仲有今日真係好好彩,

去相熟嘅雜貨舖買南乳,

見到亞姐入緊南乳,

請佢入多少少南乳汁俾我,

嘩,

D南乳汁先至係精華呀!



2016年2月23日 星期二

蝦仁菜脯粒


蝦仁菜脯粒,

我鐘意用佢嚟送粥、煎蛋和撈湯麵食就最啱啦!

不過平時街買嘅蝦仁菜脯就超多油浸住,

今次自己整,

應該健康好多啦!

不得了,

原來就咁炒香嚟食都好好食架!


2016年2月22日 星期一

香煎素蓮藕餅


大魔怪返嚟食飯,

緊係要整個好味素菜俾佢食啦!

今日就整個呢個素蓮藕餅,

雖然步驟多多,

不過啱哂大魔怪口味,

值得!


2016年2月21日 星期日

簡易版蒜香雞翼


簡易版蒜香雞翼,

真係冇難度,

簡簡單單用鹽、香草、黑椒和蒜頭粒醃雞翼,

煎起嚟又幾惹味喎!


2016年2月20日 星期六

食神到


噚日由朝食到晚呀!

中午時,

已經約咗blog友仔係銅鑼灣漢和食韓燒,

晚上就約咗另一班blog友仔係元朗大榮華食晚飯;

哈哈,

本來真係好飽架,

但見到大榮華嘅豬油撈飯,

嘻嘻,

我點忍得口吖!


2016年2月19日 星期五

新玩具~冬菇魷魚蒸肉餅


古語有云~無事出街小破材,

係真架;

某日係屋苑商場見到介紹呢部機,

睇人示範真係幾好用,

1部機有哂絞肉和榨汁功能,

見到又唔貴都係$250,

咁就買咗返屋企啦!

今日試下個絞肉功能先!

清洗都幾方便,

全機易拆又洗得。


2016年2月18日 星期四

蕃茄薯仔甘筍排骨湯


依家煲煲湯真係唔平架!

以為蕃茄薯仔湯好平DD啦!

點知計起煲湯都要成$70,

唔通真係要有情飲水飽!


2016年2月17日 星期三

照燒雞扒飯



噚晚煮咗個照燒雞扒飯,

兩公婆每人一碗慢慢嘆!

濃濃照燒醬汁配香甜洋蔥,

老公又添飯啦!



2016年2月16日 星期二

2016年2月15日 星期一

梅菜蒸鮮腐竹


呢碟梅菜蒸鮮腐竹,

都係整俾大魔怪用嚟送粥食的,

簡簡單單又惹味,

我都食咗唔少架!


2016年2月14日 星期日

新春行大運~南生圍


今日年初七兼西方情人節,

我哋嘅慶祝活動係約埋老公舊同學一行十一人,

齊齊去元朗南生圍嚟個新春行大運,

我哋由南邊圍沿路行去山貝河碼頭!

坐橫水渡過山貝河冇加價,

每位$6。


2016年2月13日 星期六

松子腰果炒荷蘭豆


近日大魔怪唔係咁舒服,

微燒、咳和流鼻水,

同佢睇完醫生後,

佢話食粥口淡淡,

即刻炒個送粥小炒俾佢食,

清清哋,

就食多2碗粥都唔怕啦!


2016年2月12日 星期五

荃灣廣場~牛涮鍋


今日年初五,

約咗朋友仔去荃灣廣場牛涮鍋食lunch,

朋友仔係會員有張3送1嘅coupon,

叫咗黑毛和牛放題,

食到唔停得口添!

黑毛和牛、丹麥豚肉、蠔、蝦、廣島蠔、帆立貝和各款火鍋食材等等,

平均每人都係食咗$224,

抵啦!




2016年2月11日 星期四

惠州過年


初三、初四呢兩日,

我哋一行6人~大伯、大伯娘、姑奶、老公、大魔怪和我,

齊齊返惠州過年;

晚上好多親戚朋友都嚟嚟我屋企拜年,

仲開足2枱麻雀,

好熱鬧啊!


2016年2月10日 星期三

大年初三


今日好熱鬧,

我哋一行6人~大伯、大伯娘、姑奶、老公、大魔怪和我,

齊齊返惠州過年,

計計下大魔怪都有幾年冇返過鄉下囉!

講返噚日,

我哋去咗姐姐家拜年,

晚餐由姐姐做大廚,

我就準備咗咖哩豬皮蘿蔔魚蛋雞翼尖和生炒糯米飯架!



2016年2月9日 星期二

大年初二


今日一早就入咗廚房係咁煮,

除準備餐開年飯外,

仲要準備晚上去我姐姐度拜年嘅小食,

今年又係準備咗兩款佢哋食極都唔厭嘅~

咖哩豬皮蘿蔔魚蛋雞翼尖和生炒臘味糯米飯!


2016年2月8日 星期一

大年初一


朱家傳統習俗~大年初一食全日齋,

今年都唔例外;

雖然小魔怪去咗英國,

但佢踏正英國時間12點即香港時間朝早8點,

已經用whatsapp同我哋拜年,

好乖仔!

大魔怪有事做,

晚上先匯合我哋去大伯家拜年,

所以今朝早飯得我倆老食咋!



2016年2月6日 星期六

朱家團年飯


今日係年廿八,

我由朝忙到晚,

就係為咗呢餐團年飯,

母親大人和妹妹一家都嚟咗一齊團年呀!



2016年2月5日 星期五

2016朱家蘿蔔糕


今朝起身好忙,

忙於整蘿蔔糕;

今年冇咗工人姐姐幫手,

老公一早已經吩咐我要小心D唔好整親,

嘻嘻,

佢肯定知我做嘢好鬼蝦碌啦!

好彩今次順順利利,

好快攪掂咗啦!

呢個蘿蔔糕配方係母親大人教落~五斤蘿蔔1斤粘米粉,

想食削嘅蘿蔔糕就要加多少少蘿蔔喇!



2016年2月4日 星期四

沙律吞拿魚飛碟


前幾日為廚房大掃除,

發覺原來屋企罐頭存貨都唔少,

豆豉鯪魚、午餐肉、罐頭湯、吞拿魚罐頭等等,

哈哈,

老公話打風都唔使怕冇嘢食呀!

摷咗個古董飛碟機出嚟,

呢幾日嘅早餐都係食佢~沙律吞拿魚飛碟!


2016年2月3日 星期三

西洋菜甘筍陳腎豬展湯


經過上兩星期咁凍嘅天氣,

街市D菜完全貴到嚇死人呀!

菜芯賣$26斤,

豆苗$60斤,

連平時賣開$4~5扎嘅西洋菜,

依家都賣到$14斤呀!

所以今日煲呢個湯,

我一定唔會嘥嘢,

湯渣都要食埋呀!

好彩依家屋企得兩個人食飯,

簡簡單單一湯一餸已經足夠了。



2016年2月2日 星期二

沙爹金菇粉絲肥牛煲


噚晚凍凍哋,

緊係要煮番個煲仔菜暖下身啦!

首選沙爹金菇粉絲肥牛煲,

粉絲和金菇索哂D沙爹汁,

惹味得嚟好送飯,

嘻嘻,

今餐又添飯囉!



2016年2月1日 星期一

炸腰果


今日開始要為農曆新年做準備,

每年指定動作炸腰果,

可作小食或加少少係餸菜面,

咁一碟平平無奇嘅餸菜都立刻升呢呀!