2016年7月6日 星期三

雪菜雞絲炒烏冬


一係唔炒,

一炒就大大鑊呀!

今次一次過炒6個烏冬,

分2餐食,

啱哂我呢個懶人!

仲有2星期屋企就要進行大裝修,

今日一定要開始執屋,

睇見成間屋都係雜物,

仲有千千萬萬樣濕碎嘢,

好頭痛呀!






材料: 烏冬6個、椰菜1個、雞扒2塊、即食雪菜1包、紹酒少許、麻油少許

醃料: 豉油1湯匙、鹽半茶匙、糖1茶匙、生粉1茶匙、紹酒少許、麻油少許

調味: 豉油半湯匙、老抽2湯匙、糖1茶匙

做法: 雞扒去皮切絲,落醃料醃1小時;椰菜切大片;

即食雪菜沖沖水備用;燒熱水落烏冬灼至軟身後撈起;

燒熱鑊落少許油快炒椰菜,加少許鹽調味後煮至椰菜熟後上碟;

燒熱鑊落少許油加雞絲先煎好一面後,反轉煎另一面至熟後,

加入雪菜和3湯匙水煮至汁乾後,落埋烏冬和椰菜炒勻,

最後加入調味和少許麻油炒勻便成。






  



 
大家可以入嚟Facebook讚下我新開嘅Fans專頁呀!



12 則留言 :

  1. 下次有自家醃雪菜時整吓呢個先。

    回覆刪除
  2. 講到執屋裝修,真係諗起都頭痛。

    回覆刪除
    回覆
    1. 都唔知由邊度入手好呀! @@"

      刪除
  3. 我香港返來都清左D廚房野,要恨心D,無用的掉左去。我遲D個廳裝修,一樣煩。

    回覆刪除
  4. 炒烏冬賣相一流好正 , 裝修前後都好煩 .

    回覆刪除
    回覆
    1. 依家日日都係度執嘢,好攰架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!