2016年5月12日 星期四

一個人的晚餐~蕃茄雞蛋拌麵


一個人的晚餐~蕃茄雞蛋拌麵;

原本呢個蕃茄雞蛋拌麵係我嘅晚餐,

點知大魔怪失驚無神返咗屋企,

所以拿拿臨煮多個麵加多隻蛋,

就係咁,

今晚可以同大魔怪撐枱腳喇!

 





材料: 蕃茄2個、雞蛋2隻、担担麵2扎、唐生菜1棵

做法: 係蕃茄底部界十字,放入熱水內焗3~4分鐘至脫皮,

取出將蕃茄去皮及切粒;雞蛋加少許鹽發好後,炒至8成熟後盛起備用;

用烚蕃茄水煮担担麵至軟身後,將担担麵撈起沖沖熱水後放入大碗內;

唐生菜烚好放入担担麵內;凍鍋落油加蕃茄粒炒至出茄油,

落1碗水煮至蕃茄腍身後,加鹽和糖調味,

最後落雞蛋炒勻和少許粟粉水煮至汁濃後,

將蕃茄雞蛋淋在担担麵上便成。

~由於呢個担担麵冇落任何調味,味道會較淡,清清哋啱哂我啦!


 


大家可以入嚟Facebook讚下我新開嘅Fans專頁呀! 


4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!