2016年4月1日 星期五

蝦醬雞翼


今日又要清清雪櫃嘅物資啦!

樽蝦醬用得八八九九,

剩得少少就用佢嚟醃雞翼啦!

雞翼炸到酥酥脆脆的,

咸咸香香,

又勁juice,

哈!

好想飲罐啤酒啤啤佢呀!












材料: 雞翼10隻、蕃薯粉3湯匙

醃料: 蝦醬1湯匙、糖1茶匙、粟粉1茶匙、紹酒少許

做法: 雞翼洗淨後,係雞翼背面界開少少肉(會入味D架),

用廚紙抹乾水份,加醃料醃1小時左右;

燒熱煎pan加多少少油,將雞翼沾上蕃薯粉後靜待3分鐘,

拍去多餘的蕃薯粉,然後落pan煎至兩面金黃色,


用廚房紙索油後上碟便成。

~沾蕃薯粉後要靜待3分鐘,就係要等蕃薯粉吸收咗雞翼面上的水份,


咁雞翼就有酥脆嘅效果架啦!

~各款蝦醬咸度不一,份量可以略為加減呀!


 


大家可以入嚟Facebook讚下我新開嘅Fans專頁呀!



12 則留言 :

  1. 你好似用好少酒就可以煎到D雞翼好似炸咁靚! 煎o固陣要唔要加蓋?
    我有時煎雞翼, 即使慢火, 煎到2面都燶咁滯, 但入面都唔係好熟, 可以點搞?

    回覆刪除
    回覆
    1. 通常我會將放咗入雪櫃嘅雞翼,取出放空溫半小時或1小時,等雞翼唔會太凍,咁煎時會易熟D;
      另外,如用豉油醃雞翼,雞翼真係好易燶,所以我會改用魚露醃肉,咁就冇咁易燶呀!
      煎雞翼,我會用中火慢慢煎,煎完一面再煎另一面,跟住將雞翼打側煎兩邊,
      最後轉大火再煎煎兩面,咁就熟哂架啦!

      刪除
  2. 噢!好想食啊,好耐無食炸雞翼

    回覆刪除
  3. 隔住個芒都聞到香味。

    回覆刪除
  4. 回覆
    1. 係呀,冇咗小魔怪係屋企食飯,我都好少開鑊炸嘢呀!

      刪除
  5. 蝦醬好耐冇買添。去開要買番樽睇門口.

    回覆刪除
    回覆
    1. 我屋企雪櫃,緊有一樽蝦醬睇門口架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!