2016年2月25日 星期四

一個人的晚餐~日式咖哩雞翼煎蛋飯


依家老公怕咗食咖哩,

所以襯今晚煮一個人的晚餐,

就咁簡簡單單煮個日式咖哩飯啦!

哈哈,

雖然睇落日式咖哩好似一人份量,

但其實煮起都幾多架!

配埋隻燶邊流心荷包蛋,

食落真係超正啊!






材料: 雞翼6隻、薯仔1個、甘筍1條、洋蔥半個、日式咖哩磚半盒

做法: 雞翼解凍後用廚紙抹乾水份,落少許鹽和胡椒粉醃30分鐘;

洋蔥、 薯仔和甘荀去皮切粒(薯仔切大粒少少);

落少許油先略煎雞翼兩面後盛起備用;

原鑊爆香洋蔥至轉少許金黃色,加埋薯仔和甘荀快炒數十下後,

落雞翼和2碗水煮約15分鐘,最後加日式咖哩磚煮溶便成。

  
大家可以入嚟Facebook讚下我新開嘅Fans專頁呀!



9 則留言 :

  1. 回覆
    1. 係呀,要分兩餐先食得哂呀!

      刪除
  2. 日式咖哩飯正呀, 加塊炸豬排,哈哈哈

    回覆刪除
    回覆
    1. 哈哈,炸豬排,好魔鬼啊!

      刪除
  3. 請問略解我個玫瑰鍋會勁痴低既?
    我已凍油落鑊,等油好熱先放肉,但都痴.
    一我用完會放涼後先落水浸,請指教

    回覆刪除
    回覆
    1. 玫瑰鍋雖然係凍油落鑊,但唔可以用大火燒的,要用中火慢慢加熱,過熱會好傷個鍋的。
      仲有係玫瑰鍋煮完餸後唔可以即刻清洗,要待涼之後先洗架!
      玫瑰鍋亦唔可以用金屬鑊鏟,要用膠的比較好;
      仲有洗時係用軟布洗,千祈唔好用鐵絲刷洗。

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!