2016年1月26日 星期二

冬菇蝦米豬肉丸鍋(兩食)


天氣凍到呢,

首選就係煮個暖鍋食下啦!

自製咗個冬菇蝦米豬肉丸,

加埋其他配料,

熱辣辣嘅煲仔菜又出場啦!

記得落多D粉絲,

索哂D湯,

超正呀!

食唔哂,

第二日當肉餅蒸嚟食都好好味道架!













材料: 豬肉碎$25、冬菇3隻、蝦米仔2湯匙、乾蔥1個(切碎)

醃料: 豉油1湯匙、鹽半茶匙、糖1茶匙、粟粉1茶匙、麻油少許、

胡椒粉少許、油少許、2湯匙水

做法: 豬肉用醃料攪至起膠後放入雪櫃雪2小時;

冬菇和蝦米浸軟切碎後撈入豬肉和乾蔥碎攪勻就得!

用手唧出豬肉丸,放入微滾的湯中慢慢浸至定型和肉丸熟,

加埋自己喜愛的配料煮滾盲食得啦!

(記得留起浸冬菇和蝦米水做湯底呀!)

(湯底方面,可以落清水或清雞湯!)

(配料就隨個人喜好,鐘意加咩都可以啊!)


 
  
  
大家可以入嚟Facebook讚下我新開嘅Fans專頁呀!  



8 則留言 :

  1. 天气变的利害。。记得好好保暖啊~
    我住在马来西亚就超热。。

    回覆刪除
    回覆
    1. 香港真係好少咁凍,今日雖然冇咁凍但落雨,濕凍仲辛苦呀!

      刪除
  2. 天氣咁凍,食完暖煱,成身暧晒。超正!

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!