2015年5月30日 星期六

日式麵飽制作精選實習初班(八)


今堂整青芥吞拿魚飽&蔬菜飽,

初初以為會好重wasabi味,

點知食落又唔覺,

仲同吞拿魚好鬼夾添呀!
 

2015年5月29日 星期五

炒爽藕

 
我哋呢頭嘅街市,
 
冇冷氣兼又多人,
 
地下永遠都係濕嘅,
 
所以每次去親買餸,
 
我真係會由頭濕到落腳架,
 
所以好多時候我都走咗去超市買餸,
 
雖然價錢起碼貴1/4,
 
但勝在有冷氣嘛,
 
就係咁,
 
我嘅打虎頭錢又減少了,
 
哼!
 
今餐炒爽藕,
 
老公讚好食,
 
條氣即刻順番哂囉!
 
 

2015年5月28日 星期四

芝士洋蔥蘑菇焗薯蓉(素食版)


大魔怪終於考完試啦!

即係代表佢嘅悠長的暑假即將開始了;

見佢日日都係屋企,

我又要開始煮多D素菜先得囉!

今次就整個呢個芝士洋蔥蘑菇焗薯蓉啦!(素食版)



2015年5月27日 星期三

豉汁帶子蒸豆腐



豉汁帶子蒸豆腐,


快靚正之餘,


仲要係高貴得嚟又出得大場面,


哈哈,


好似我咁樣呀!


2015年5月26日 星期二

姬松茸冬菇焗飯(健康素食版)

呢排天氣真係好差,

日日都落大雨,

今日早上仲掛起黑色添,

真係超潮濕呀!

濕濕淋淋,

懶筋又起,

下午煲咗個姬松茸冬菇焗飯(健康版),

煲緊飯時菇香四溢,

食得飯未呀???


2015年5月25日 星期一

滷水鴨翼和火雞腎

今日有節目,

我整咗呢個滷水鴨翼和火雞腎,

帶埋呢支冇酒精嘅提子汁去妹妹家,

姐姐和妹妹就提供清酒和紅酒,

有鴨翼和火雞腎,

送酒一流呀!


2015年5月24日 星期日

豉汁燒釀茄子


真係好鐘意食釀茄子,

今次加咗冬菇和蝦米做肉餡,

配埋個濃濃嘅豉汁,

送飯真係一流架!



2015年5月23日 星期六

涼拌萵苣

 
小魔怪話同同學食飯時食過涼拌萵苣,
 
佢話好好食,
 
問我識唔識整喎???
 
其實呢個都唔難,
 
難就難買到靚萵苣囉!
 
搵咗成個街市得一檔有得賣,
 
呢兩條萵苣買咗我廿皮呀!
 

2015年5月22日 星期五

古法浸雞


老公開到口話想食雞,

仲話要食古法雞添!

咩叫古法雞???

嘻嘻,

咪就係白烚雞囉!

不過今次唔只白烚,

仲係用浸熟的方式去煮雞,

浸熟嘅雞D肉滑一滑架!

配埋秘製薑蓉,

巧巧味啊!



2015年5月21日 星期四

腐竹白果生熟薏米馬蹄排骨湯


前日煲咗素湯,

今日就煲肉湯啦!

呢個腐竹白果生熟薏米馬蹄排骨湯,

有清熱潤肺、利尿袪濕等功效,

一個字~好!

2015年5月20日 星期三

燕麥咸魚馬蹄煎肉餅


今朝係街市買咗片超薄嘅梅香咸魚$8,
 
用佢嚟整肉餅就最啱啦!
 
整咗燕麥咸魚馬蹄煎肉餅,
 
咸咸香香好惹味架,
 
唔想煎,
 
蒸都可以架!
 

2015年5月19日 星期二

素湯~南瓜蕃茄薯仔甘筍支竹湯


大魔怪呢排成日都生痱滋,

所以每隔兩個星期我都煲定涼茶擺係雪櫃,

等大家隨時都有得飲;

唔單只有涼茶,

加埋呢個愛心湯水~南瓜蕃茄薯仔甘筍支竹湯,

增強維他命B2,

希望可以幫到佢啦!






2015年5月17日 星期日

素沙茶小炒

 
去台灣旅行時買咗呢樽素沙茶醬,
 
點知原來依家百佳都有得賣,
 
價錢緊係貴少少啦!
 
不過都幾惹味架!
 
大魔怪好鐘意食呀!
 

2015年5月15日 星期五

柱候蘿蔔炆牛筋腩牛肚

 
朋友仔幫我買咗個新LC鍋,
 
呢個藍色,
 
真係越睇越鐘意呀!
 
今次用新鍋嚟炆柱候蘿蔔牛筋腩牛肚,
 
煮咗一大煲,
 
送飯送麵都得,
 
開飯啦!
 
(炆定隔日食仲入味呀!)
 

2015年5月14日 星期四

又聚~兜記即燒乳豬專門店(灣仔)

 
哈哈,
 
今個月真係食神駕到;
 
今晚又約咗另一班朋友仔食晚飯,
 
出席有lonely和囡囡、mei、Pinky和我;
 
預訂咗個豬肺湯、乳豬、燒鵝、花尾躉兩食、蓮藕餅、干撈粉絲煲,
 
送埋碗紅豆沙,
 
呢次真係好飽呀!
 
乳豬脆皮,豬肺湯掂,燒鵝正,干撈粉絲夠惹味,
 
呢度D小菜唔錯呀!
 
 
 

Blog聚~百樂小館

噚晚又有blog聚啦!

今次出席嘅朋友仔有Jenny,Mable,Bonnie,Pinky,金魚、娘娘和我,

我哋約咗係尖沙咀美麗華商場4樓嘅百樂小廚見面呀!

呢度碟碟餸都好的的式式,

大食D都會唔夠飽呀!

至於價錢呢,

收嘅雜費都唔少囉!



2015年5月13日 星期三

2015年5月12日 星期二

芽菜薑蔥手撕雞


最鐘意食手撕雞,
 
啖啖肉,

真係啱哂一家大細食架!
 
唔用雞髀,
 
用全隻雞都得架!
 
 

2015年5月11日 星期一

羅宋湯

 
前日整咗pizza用剩半罐茄膏,
 
攞嚟煲羅宋湯就最啱啦!
 
今次煲咗一大煲,
 
真係有排飲囉!

P.S 作病中,

今日喉嚨開始痛,

千祈唔好咳,

一咳就有排先好啦! >.<



 

2015年5月10日 星期日

雙菇燴冬瓜環


今日係母親節,

雀后祝天下母親~母親節快樂呀!

一早起身收到小魔怪送的花,

巧開心啊!


2015年5月9日 星期六

自製手搓pizza

 
拿拿拿,
 
外表係唔重要架!
 
重要係我自己親手搓呢個pizza皮;
 
學咗整麵包有一年幾,
 
終於又拎起心肝自己搓包,
 
今次整呢個pizza最簡單,
 
啱哂一家大細食呀!
 
整咗一個素pizza啱大魔怪食,
 
另一個就加咗腸仔,
 
緊係啱小魔怪食啦!
 

 

2015年5月8日 星期五

日式麵飽制作精選實習初班(六)




第六堂學整起酥方飽&奶油千層麵飽,


因太鬆軟和好味道,


又係拎到返屋企,


唔使10分鐘就已經食哂囉!



2015年5月7日 星期四

黑椒香草燒雞


終於有時間挑戰Sophie燒雞啦!

其實唔一定要食新鮮雞,

有時冰鮮雞都可以好好食架!

醃料同食譜一樣,

不過我冇放落架焗,

我用焗爐嘅旋轉功能自轉燒雞!

今次用200度焗色水唔夠深,

可以再加度數呀!

(髀位、雞翼用牙籤固定位置和底盆放水)



2015年5月6日 星期三

粟米汁燴豬扒

今日百佳豬肉有七五折,


我緊係唔會執輸啦!


拿拿臨買幾塊飛排做豬扒,


煮埋個粟米汁,


撈飯一流呀!

2015年5月5日 星期二

清潤湯水~無花果粟米甘筍馬蹄湯

 
我要飲湯呀!
 
返咗惠州幾日都冇飲過湯水,
 
個人真係好鬼乾架;
 
拿拿臨買D簡單嘅材料,
 
煲番個清潤湯水飲下先得囉!
 

2015年5月4日 星期一

五一勞動節

 
五一勞動節返咗惠州3日,
 
本來冇打算搬屋,
 
姑奶見間屋已經整好,
 
咪搵人打價囉,
 
點知搬屋公司話可以即日搬屋,
 
係就係趕咗D,
 
好彩都可以順利完成,
 
P.S當時冷氣機係未拆和未裝架!
 
呢餐係1/5果日中午午餐(堂弟婦煮)
 

2015年5月3日 星期日

一間屋的誕生

 
由舊年10月中開始,
 
我、老公和姑奶來來回回惠州好多次,
 
就係為咗呢間屋;
 
由一間唔似屋嘅屋,
 
整到現在有三層半,
 
真係花咗好多心機;
 
全靠堂弟婦,
 
佢真係幫咗我哋好多,
 
由賣料至裝修,
 
都係佢幫我哋搵人做,
 
佢嘅功勞真係好大架!
 
雖然唔係咩大屋豪宅,
 
但住得舒服就已經開心架啦!
 
我哋住天台加建果層,
 
地下和二樓,
 
應該會租出去,
 
不過租金唔會太多囉!

(全屋都係2房一龐)
 
 

2015年5月1日 星期五

芝士焗薯角

 
上次焗咗2個薯仔,
 
大魔怪話食得唔夠喉喎!
 
今次就整咗3個薯仔,
 
仲要加埋佢至愛嘅pizza芝士,
 
睇見佢食到lam lam脷,
 
就知啱哂佢口味啦!