2015年1月30日 星期五

豆腐蒸水蛋

每次整呢碟豆腐蒸水蛋,
一定要煮3杯米以上先夠食,
因為大魔怪一個人起碼可以食3碗飯架!

2015年1月29日 星期四

生炒牛肉飯


整炒飯,

我鐘意用新鮮飯炒,

只要洗米落水時,

比平時落少D水,

咁煮出嚟嘅飯就會比較乾身和粒粒分明架啦!

 
 

2015年1月28日 星期三

蜜糖雞翼

 
死火,
 
今朝諗極都唔知煮咩好,
 
求求其其買咗磅雞翼就返屋企,
 
點煮???
 
哈哈,
 
唔知架,
 
求其啦!
 
 

2015年1月27日 星期二

麵飽製作精選實習高班~第九堂

 
第九堂整咩???
 
整甘筍軟包、芝士士干和合桃軟包,
 
估唔到咁齋嘅麵包,
 
大小魔怪和老公都鐘意食喎!
 
 

2015年1月26日 星期一

髮菜冬菇眉豆花生雞腳排骨紅棗湯(加陳皮)

 
噚日行完山,
 
今朝起身兩條小腿和膝頭勁酸軟,
 
真係唔係好想落街買餸呀!
 
唔得,
 
我要煲番煲雞腳湯,
 
以形補形先得囉!
 
見屋企有幾粒馬蹄,
 
一於加埋落去一齊煲。
 

2015年1月25日 星期日

親親大自然~行山

 
今日約咗老公舊同學一齊去行山。
 
老公一早講話唔難架,
 
總之有驚喜啦!
 
未行山之前食飽飽先得!
 
燒鵝瀨粉配奶醬包加杯凍飲都係$28,
 
又幾抵喎!
 

2015年1月24日 星期六

妹妹,生日快樂(附咖哩蘿蔔魚蛋魷魚食譜)


今日妹妹正日生日,

冇咩禮物送俾佢,

係咁二準備咗兩款小食~咖哩蘿蔔魚蛋魷魚&黑糯米椰汁糕,

當禮物啦!


2015年1月23日 星期五

素炒荷蘭豆


依家唔單只鐘意飲素湯,
 
連素菜都越來越鐘意食,
 
簡簡單單又好味道,
 
多食健康又唔怕肥,
 
對身體好好架!
 

2015年1月22日 星期四

姬松茸猴頭菇茶樹菇素湯


噚日大魔怪唔使返學,

見好耐冇煲過素湯,

即刻搵齊材料煲個靚湯俾佢飲啦!

大魔怪大讚好飲之餘,

仲連所有湯渣都食埋添,

真係一D都唔浪費呀!


2015年1月21日 星期三

蜜汁豬頸肉

 
好耐冇食過豬頸肉,

見到佳寶啱啱開箱,

件件都鬼咁靚,

厚薄適中,

唔買真係對唔住自己啦!


2015年1月20日 星期二

麵飽製作精選實習高班~第八堂

 
第七堂因病走咗堂,
 
今堂唔可以唔返,
 
因為整我鐘意食嘅酥皮包,
 
有咖哩牛肉酥和酥皮豬肉卷,
 
老公和小魔怪話有餡嘅包好食好多呀!
 

2015年1月19日 星期一

蟹柳蒸水蛋

蒸水蛋係我家家常菜嚟架!
(打斧頭餸之一)
今次加咗蟹柳絲落去,
咁就大人細路都啱食啦!

2015年1月18日 星期日

又嚟買買買

 
星期五返惠州,
 
除睇下間屋起成點之外,
 
最大收穫係去行街街shopping!
 
唔理咁多,
 
坐低嘆杯茶先得!
 

2015年1月16日 星期五

沙葛豆豉炆雞翼


老公和我都好鐘意食沙葛,

鐘意佢夠爽脆,

鐘意佢清甜呀!

噚晚就用咗沙葛嚟煮餸,

整咗個沙葛豆豉炆雞翼,

加咗D辣豆瓣醬落去,

辣辣哋,

好惹味架!

2015年1月15日 星期四

日式咖哩配唐揚炸雞

 
自從部相機壞咗後,
 
我咪用部三叔電話影相囉!
 
唔知係咪心理作用呢,
 
部電話影出嚟嘅相好似冇以前咁靚,
 
唔通連部電話都開始唔鐘意我???
 
咁換電話好定換相機好呢???
 
 

2015年1月14日 星期三

娃娃菜粉絲雜丸煲


呢兩日天氣真係凍咗好多,


雖然今日出太陽,


但係屋企越坐越凍;


諗起夜晚要入廚房洗菜煮餸就頭痕啦!


因為D水喉水真係好鬼凍架!


所以今日選擇一煲過,


洗少好多嘢架!
 

2015年1月13日 星期二

姬松茸蓮藕淮山排骨湯


今日又嚟煲老火湯啦!
 
姬松茸蓮藕淮山排骨湯,
 
姬松茸有抗癌、提升免疫力等功效,
 
真係要飲多幾碗先得啦!

超鐘意姬松茸味道嘅湯水,

好香架!


2015年1月12日 星期一

蠔油素鮮竹卷


噚日偷懶咗一日冇寫blog,

我唔係冇煮,

不過煮得求其,

不值一提;

今日就唔同啦!

今朝一早買哂材料,

整素鮮竹卷,

大魔怪鐘意有茨汁,

煎完再炆下佢,

特別惹味呀!



2015年1月10日 星期六

鹽焗雞翼

 
執廚房時,
 
俾我摷到幾包鹽焗雞粉,
 
包包都用剩少少,
 
用得唔好嘥,
 
攞嚟醃雞翼焗咗佢嚟食先得!
 
 


2015年1月9日 星期五

粟米燴雞絲飯



2015年一開始就病咗咁多日,
 
噚晚終於正正經經食第一餐飯喇!
 
唔會煮得太複雜,
 
簡簡單單一碟粟米燴雞絲飯,
 
加埋喜愛嘅芝士粉,
 
已經覺得好好味道架啦!
 

2015年1月8日 星期四

南乳芋頭炆排骨

 
上星期六,
 
係惠州買咗個好似飯碗咁大隻嘅芋頭返嚟,
 
擺咗咁多日都唔爛,
 
見小魔怪終於返屋企食飯,
 
即刻攞出嚟炆個排骨煲先得!
 

2015年1月7日 星期三

又嚟素雜錦煲

 
病咗4日,
 
我都冇好好哋煮過一餐飯,
 
全部都係工人姐姐煮簡單餸菜;
 
今朝小魔怪終於問我有冇湯飲啦!
 
至於大魔怪呢???
 
唔使講,
 
緊係煮個素雜錦煲俾佢嘆啦!
 

2015年1月6日 星期二

盅頭飯~燕麥馬蹄豬肉蒸飯

 
唔通連部相機都唔鐘意我,
 
佢竟然玩擺工;
 
由2015年頭開始已經咁黑,
 
咁幾時先捱到年尾呀!
 
今次呢個盅頭飯,
 
係呢部相機嘅遺作嚟架!
 

2015年1月5日 星期一

乾淮山肉片粥

 
我都唔知食錯咩嘢,
 
係惠州返嚟果晚就開始攪肚痛,
 
條腸好似洗衣機咁攪來攪去,
 
仲瀉到七彩添呀!
 
唔通係小魔怪D感冒菌傳染咗俾我???
 
因為佢都痾咗幾日呀!

差不多48小時冇食嘢,

今日先食第一餐粥咋!
 


2015年1月3日 星期六

惠州手信大豐收

 
接近3星期冇返惠州,
 
噚日我、老公、姑奶和她的朋友,
 
一齊返惠州飲飲食食;
 
呢排個個聞雞色變,
 
我哋冇有怕,
 
因為呢D雞係弟婦自己養,
 
隻隻雞都生生猛猛,
 
煮熟D就唔怕啦!
 

2015年1月2日 星期五

元旦晚餐兼交換禮物

 
噚日係黃氏家族元旦聚會,
 
我哋冇出街食飯,
 
每個家庭自己準備2~3個餸菜,
 
簡簡單單又一餐,
 
啱哂大家口味呀!
 
仲有係年年都有嘅交換禮物活動,
 
今次抽到的禮物好實用呀!