2015年11月25日 星期三

豉油皇雜菜肉片炒烏冬


飯桶,

我唔係;

我鐘意食雜糧多D囉!

尤其係烏冬,

我至愛之一呀!

嘻嘻,

一次過炒咗5個烏冬,

唔知食唔食得哂呢???








材料: 梅頭瘦肉$25、烏冬5包、椰菜半個、甘筍1條、蛋2隻、

鹽半茶匙、糖半茶匙

醃料: 豉油1湯匙、鹽半茶匙、糖1茶匙、粟粉1茶匙、麻油少許

調味: 干炒豉油皇2湯匙、老抽少許

做法: 梅頭豬肉切片後醃料醃1小時;
將椰菜切片,甘筍去皮切絲;

燒熱水,將烏冬煮至軟身後瀝乾水份備用;

雞蛋發勻後,燒熱油鑊將發好的蛋液快炒上碟備用;

燒熱鑊落肉片炒熟後上碟備用;燒熱油落椰菜、甘筍絲快炒,

落鹽半茶匙、糖半茶匙和3湯匙水煮至菜軟身後,

加肉片、烏冬和調味煮至乾身,最後加入蛋碎炒勻便成。



  
  
大家可以入嚟Facebook讚下我新開嘅Fans專頁呀! 


12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!