2015年11月18日 星期三

客家菜~蘿蔔絲蛋角煲


上次係惠州食咗個蘿蔔絲蛋角煲,

真係好食到不得了,

食過翻尋味,

自己整應該唔難架!

不過煎蛋角就要俾多少少心機,

少少耐性和多多時間啦!












材料: 蘿蔔半個、手剁豬肉$15、雞蛋4隻、清雞湯500ml、薑2片、胡椒粉

醃料: 豉油1茶匙、糖半茶匙、粟粉少許、麻油少許、水1湯匙

做法: 豬肉剁碎後落醃料醃1小時;蘿蔔去皮切條;雞蛋落少許鹽發勻;

燒熱油鑊後轉小火落2大匙蛋液煎至蛋皮半熟後,

將豬肉碎放入蛋皮中間,用鑊鏟和筷子將蛋皮蓋住豬肉餡,

慢慢煎至蛋角形狀後盛起(豬肉餡唔熟唔緊要架);

將清雞湯和薑片放入煲內煮滾後落蘿蔔條煮10分鐘,

再加豬肉蛋角煮5~8分鐘,最後加適量胡椒粉和鹽調味,落蔥粒裝飾便成。

~胡椒粉落多多都唔怕,啖湯會好味D架!
 
  
  
大家可以入嚟Facebook讚下我新開嘅Fans專頁呀!  


20 則留言 :

  1. 這個餸清新得嚟又香口,真係好煑意!

    回覆刪除
  2. 我細時嫲嫲都有整蛋角,我自己試過失敗左,我知要用好多心機架。

    回覆刪除
    回覆
    1. 唔緊要啦,下次再試過,一定成功架!

      刪除
  3. 回覆
    1. 試下啦!整咗咪又學多一個餸囉!不過要有時間先好整,逐個蛋角慢慢煎,都幾嘥時間架!

      刪除
  4. 好吸引呀!找天試試先 ~

    回覆刪除
  5. 材料簡單,但係功夫菜呢~~

    回覆刪除
    回覆
    1. 哈哈,功夫菜,唔可以成日煮架!

      刪除
  6. 呢個一定好好味 , 煎蛋角真係要乖乖企定定係度煎 , 真係要心機同耐性

    回覆刪除
    回覆
    1. 逐個蛋角慢慢煎,真係要好有耐性先得呀!

      刪除
  7. 真係好心機,一定好食,

    回覆刪除
  8. 至愛,我姐婆以前成日整呢味餸

    回覆刪除
    回覆
    1. 客家婆婆煮呢個餸,肯好好好味道啦!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!