2015年11月11日 星期三

上湯素鮮竹卷(素食)


大魔怪話今晚返嚟食飯,

即刻拿拿臨去街市買菜,

包咗佢鐘意食嘅腐皮卷;

不過煎就熱氣咗少少喇!

所以改咗用素上湯蒸嚟食,

健康又好味道;

整咗3條做午餐,

飽飽囉!


















材料: 腐皮2塊、椰菜半個、甘筍1條、冬菇10隻、木耳3朵、金菇1包、

粉絲適量、薑蓉、有機素湯半碗

調味: 素食蠔油2湯匙、豉油1湯匙、鹽半茶匙、糖1茶匙、粟粉1茶匙

做法: 椰菜切絲;甘筍切絲、冬菇浸軟去蒂切絲;木耳浸軟切絲;

金菇去蒂切半;粉絲切浸軟切段;用濕毛巾抹腐皮兩面和修硬邊對摺開八;


燒熱油鑊落薑蓉爆香,順序落冬菇、甘筍、椰菜、木耳絲炒勻,

加入調味煮至菜腍後,加金菇和粉絲撈勻上碟,

待涼後將餡料包入腐皮內,燒熱易潔鑊不需落油,將有摺口先放入鑊煎,

用慢火煎腐皮卷至兩面少許金黃色後上碟,加入有機素湯,


放入鑊裡蒸10分鐘便成。(先煎後蒸嘅鮮竹卷,夾時冇咁易散架!)

(2塊腐皮可以整到16件呀!)


 
  
  
大家可以入嚟Facebook讚下我新開嘅Fans專頁呀!  



24 則留言 :

  1. 回覆
    1. 唉,佢一星期先返嚟一次食飯,佢鐘意食咩就煮咩俾佢食呀!

      刪除
  2. 我喺度買過一次腐皮,一陣膠味o既,怕怕.

    回覆刪除
  3. 腐皮卷蒸同煎都一樣咁好味

    回覆刪除
    回覆
    1. 蒸就清,煎就香口,各有特色呀!

      刪除
  4. 請問有機素湯邊度可以買度呢?

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!