2015年10月17日 星期六

柱候蘿蔔牛筋腩


今朝買餸時見到白蘿蔔個個圓碌碌,

好鬼靚呀!

就用佢嚟整柱候蘿蔔牛筋腩煲啦!

當爆緊牛腩時,

引到小魔怪即刻走入廚房問做咩咁香???

今次佢有口福喇,

佢仲話一定要食埋午飯先去返工喎!







材料: 牛肋條1.5磅、急凍熟牛筋1磅、蘿蔔1條、薑4片、八角1粒、

乾蔥頭1個(切片)、紹酒、熱水2碗、蔥絲、老抽1湯匙

調味: 柱候醬1湯匙、豉油1湯匙、冰糖1~2粒

做法:燒熱水放薑和紹酒,加入牛肋條出水10分鐘,

取出沖洗後,牛肋條切件;熟牛筋洗淨後切件;蘿蔔去皮切件;

凍鍋落油,落薑片、乾蔥片和柱候醬爆香,

加入牛肋條炒勻和贊紹酒(半蓋),落調味、冰糖、八角和熱水2碗,

煮滾後轉小火慢慢炆45分鐘;落蘿蔔和熟牛筋,

炆多45分鐘或1小時(全程滾後轉最小火繼續炆),最後加老抽調色,


食時加蔥絲裝飾便成。

(如果用普通煲炆嘅話,要落多1~2碗水和炆耐少少啦!)


(呢個餸炆定隔日食仲入味呀!)


 
  
大家可以入嚟Facebook讚下我新開嘅Fans專頁呀! 


19 則留言 :

  1. 柱候醬好味,鹹香鮮一樣不缺,超級下飯。

    回覆刪除
    回覆
    1. 係呀,我都幾鐘意柱候醬嘅味道呀!

      刪除
  2. 我我唔多食牛,但係鍾意食牛腩.

    回覆刪除
  3. 我阿表在FB睇到你呢個柱候蘿蔔炆牛筋腩,成晚瞓唔著呀!

    回覆刪除
    回覆
    1. 哈哈,快D叫佢整番煲嚟食啦!

      刪除
    2. 作者已經移除這則留言。

      刪除
  4. 請問柱候醬是否前後要落兩次?一次是和葱薑開鑊, 另一次是加在調味中? 共兩匙, 對嗎?

    回覆刪除
    回覆
    1. 噢,其實應該係一湯匙就夠味,想食濃味就落多一湯匙柱候醬呀!

      刪除
  5. 請問佳寶售賣的牛根是熟的牛孖嗎?溶解後要和牛肋一齐汞水嗎?
    打算今晚炆, 明日食呀, 唔該。

    回覆刪除
    回覆
    1. 佳寶牛筋係熟牛筋,唔使炆太耐架!牛筋我冇出水架,洗洗就得!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!