2015年6月30日 星期二

素食版~芝士焗釀大蘑菇


噚日整咗個素食版~芝士焗釀大蘑菇,

用咗屋企已有嘅食材做釀蘑菇餡料,

包括洋蔥、粟米和蘑菇蒂;

分咗2餐焗(午、晚),

第一次冇焗過蘑菇,

所以蘑菇勁出水;

之後學識了預先焗一焗個蘑菇,

咁出水嘅情況改善咗好多呀!

日式麵包制作精選實習中班(二)


南瓜杏仁合桃包&鑽石皇冠包,

味道其實唔錯架,

不過皇冠包加咗有咗藥水味嘅櫻桃和果皮粒後,

屋企冇人肯食呀!


2015年6月29日 星期一

鮮淮山粟米甘筍馬蹄豬展湯


係惠州買咗幾枝新鮮淮山返嚟,


緊係要拿拿臨煲個清潤湯水飲下啦!


提提大家,


刨淮山時記得帶手套呀,


唔係當隻手黏到淮山汁液後,


真係會痕到七彩架!



2015年6月28日 星期日

惠州3日雜記

26/6星期五,
 
我哋又連同大伯和大伯娘齊齊返惠州,
 
姑奶又係早一日返惠州打點;
 
辦理私事前,
 
緊係要搵食啦!


2015年6月26日 星期五

台式鹵肉飯


今日我和老公又要返惠州3日!

昨晚已經煮定個台式鹵肉放係冰箱,

等小魔怪放學返嚟,

隨時攞出嚟解凍翻熱後,

用嚟撈飯或撈麵食都得呀!


2015年6月25日 星期四

Blog聚~沙田新強記燒鵝大王

昨日Sophie由新加坡返咗香港,
 
我哋緊係要爭取時間見面啦!
 
今朝相約於沙田新強記燒鵝大王,
 
出席有Sophie、Mei、Lonely和我;
 
我哋叫咗個五和菜,
 
有燒鵝皇和4個小菜,
 
都係$288咋!
 
加埋3個點心和2隻金牌燒乳鴿,
 
呢餐食咗$540。
 
 

2015年6月24日 星期三

椰汁咖哩雞

仲有D椰漿係雪櫃,


用佢嚟煮咖哩就最啱啦!


我仲搵埋田師傅出馬添;


嘩,


呢鍋咖哩香到呢!


大愛呀!



2015年6月23日 星期二

2015年6月22日 星期一

麵醬青瓜炒素鴨



大魔怪5月尾已經開始放暑假,


所以呢排我都會煮幾款素菜俾佢食;


(遲下佢要住宿舍,又要開始冇啖好素食囉!)


但今日我真係冇咩素煮意,


求求其其買咗2條青瓜,


見屋企有包素鴨,


摷埋樽麵醬出嚟,


炒埋一碟,


開飯囉!



2015年6月21日 星期日

父親節快樂


今日係父親節,

我雀后祝天下父親~父親節快樂呀!

今日簡簡單單煮咗個節日晚餐,

一家人開開心心過節囉!

2015年6月19日 星期五

2015包糭日


又到咗一年一度嘅包糭日,


推到咁遲先包糭,


係因為雪櫃空位有限,


包完隔日就可以攞去送禮,


咁就唔使擺哂入雪櫃啦!


今年一如往日都係包客家糭,


總共包咗55隻,


42隻有蛋黃和肉,


6隻冇蛋黃但有肉(小魔怪);


7隻素糭有紅豆、花生、綠豆(大魔怪)。



2015年6月18日 星期四

XO醬豬頸肉魚乾仔炒韭菜花


老公和小魔怪好鐘意食魚乾仔,

有時清蒸後淋上豉油熟油;

今次我就用佢嚟炒餸,

加埋XO醬炒豬頸肉和韭菜花,

好惹味架!


2015年6月17日 星期三

支竹炆茄子


其實我煮餸真係好得鬼隨意,

屋企有咩就煮咩,

呢條支竹係上次煲湯時用剩,

咪加埋落去炆茄子囉!

嘻,

咁又一碟餸喇!




2015年6月16日 星期二

日式麵包制作精選實習中班(一)

上個星期二,

我又要開始夜晚返學嘅日子啦!

今次學整日式麵包,

不過升咗一級~中班!

第一堂學整香草蒜蓉芝士蕃茄包和香芋煙肉包。

2015年6月15日 星期一

夏日涼浸浸~薯仔沙律



今日挑起條筋想食沙律,

於是咪一早去百佳買材料,

點知百佳收銀機竟然擺工,

老公叫我唔好等放低D嘢走人,

我又唔想將成車整沙律嘅材料放回原處,

其實有好多人就咁將D嘢放係收銀前,

但我又做唔出囉!

唯有繼續死死氣排隊等俾錢,

足足等咗半小時先走得,

所以今日我要食多幾碗沙律補番數呀!


2015年6月14日 星期日

金沙骨

金沙骨,


唔一定要用焗爐焗嘅,


其實用鑊煎煮都一樣咁好食架!


1打金沙骨,


真係手快有,


手慢冇架!

2015年6月13日 星期六

肉醬意粉



今日又係煮雜糧,


整咗個我至愛嘅肉醬意粉;


買咗罐頭香甜蕃茄醬,


簡直快靚正呀!




2015年6月12日 星期五

素湯~木瓜雪耳花生眉豆紅棗南北杏湯

 
前日係佳寶$10有3個木瓜,
 
唔執輸即刻買咗返屋企,
 
今日就用佢嚟煲素湯,
 
木瓜雪耳花生眉豆紅棗南北杏湯,
 
好潤架!
 
 

2015年6月11日 星期四

蠔油薯仔炆雞翼

 
蠔油薯仔炆雞翼,
 
係朱家嘅家常菜之一,
 
簡單好味又好送飯,
 
真係啱哂一家大細食架!
 
 

材料: 雞全翼6隻、薯仔2個、洋蔥半個、蒜蓉、老抽

醃料: 豉油1湯匙、鹽半茶匙、糖1茶匙、粟粉1茶匙、麻油、紹酒

調味: 蠔油1湯匙、糖1茶匙和1碗水
 
做法: 將雞全翼解凍後切件,用醃料醃1小時;薯仔去皮切大件;
 
洋蔥切片;凍鍋落油放雞翼略煎兩面,加蒜蓉、洋蔥和薯仔炒勻,
 
落調味炆15分鐘後,最後加老抽調色便成。
 
(洋蔥會出水,所以我落1碗水,如水乾就要加多少少滾水啦!)
 
 
 
  
大家可以入嚟Facebook讚下我新開嘅Fans專頁呀! 

2015年6月10日 星期三

炒素米粉

午餐,
 
我鐘意食雜糧,
 
有時煮個麵,
 
有時就炒個米粉,
 
呢個習慣大魔怪就好似我喇!
 

2015年6月9日 星期二

日式麵飽制作精選實習初班(九)

 
呢堂係第九堂,

學整奶露麵飽&煙肉芝士飽。

一睇就知係大小魔怪鐘意嘅麵飽啦!

第十堂我冇返學,

走咗去睇顧嘉輝榮休演唱會呀!
 
 

2015年6月8日 星期一

涼拌榨菜腎片



咁熱嘅天氣,

真係唔想入廚房煮大餐架!

拔,

整涼拌小食我就唔抗拒,

仲好樂意添呀!



2015年6月7日 星期日

酥皮腸仔卷


今日食午飯後冇耐,

小魔怪已經係度嘈生哂話好肚餓;

屋企冇麵包,

剩得幾塊酥皮係冰箱,

拿拿臨攞出嚟即刻整個酥皮腸仔卷,

咁就可以塞住小魔怪個胃啦!

2015年6月6日 星期六

生日快樂~沙田功德林上海素食

 
今日係母親大人和姐夫正日生日,
 
老人家話想食齋,
 
大家都知母親大人錫哂大魔怪,
 
我哋緊係唔反對啦!
 
訂咗去沙田功德林上海素食,
 
今餐大魔怪食得最開心呀!
 
 

2015年6月5日 星期五

冬菇雲耳蒸雞


兩仔爺即係兩仔爺,


就連食咩都好相似,


兩個都話想食雞;
 
係街市買咗隻冰鮮雞,
 
雞檔亞姐話佢D雞係大陸半夜先劏,
 
5~6點就即刻運過嚟買,
 
都好新鮮架!
 
雖然話係冰鮮雞,
 
但肉質又真係幾嫩滑,
 
比起超市買的,
 
都食得過架!
 


2015年6月4日 星期四

蒜蓉韭菜花炒鮮魷魚


不時不食,

係街市見到有韭菜花賣,

又唔貴喎$10有3扎,

即刻買埋斤鮮魷魚返屋企,

今日我要炒魷魚呀!


2015年6月3日 星期三

木耳榨菜炒薯絲


今餐炒咗碟薯絲俾大魔怪食,

點知小魔怪話如果出街食,

呢碟薯絲要收成$30~$40,

但我呢碟炒薯絲成本都唔使$8,

所以話响屋企食飯係最經濟架啦!


2015年6月2日 星期二

麵醬豆角炒雞粒


買咗樽原豉醬返嚟,

除咗可以用佢嚟蒸排骨之外,

我好鐘意用嚟炆豆角,

炆起大大碟,

有時懶懶哋煮一個餸都得架!



2015年6月1日 星期一

吃喝玩樂在惠州

 
上星期六,
 
我哋1行4人(大伯、大伯娘、老公和我)齊齊返惠州,
 
而姑奶就早一日星期五就返咗去打掃屋企;
 
呢幾日惠州天氣都好差,
 
日日下午就落大雨,
 
落雨真係冇咩好做,
 
唔係食就係打麻雀啦!
 
姑奶仲煮埋飯等我哋返去食添!
 
真係辛苦哂囉!