2015年5月19日 星期二

素湯~南瓜蕃茄薯仔甘筍支竹湯


大魔怪呢排成日都生痱滋,

所以每隔兩個星期我都煲定涼茶擺係雪櫃,

等大家隨時都有得飲;

唔單只有涼茶,

加埋呢個愛心湯水~南瓜蕃茄薯仔甘筍支竹湯,

增強維他命B2,

希望可以幫到佢啦!



















材料: 南瓜1斤、蕃茄2個、薯仔3個、甘筍1條、乾支竹2條、薑2片、鹽


做法: 支竹浸軟撕成條備用;南瓜、薯仔和甘筍去皮切件;


蕃茄切件;凍鍋落少少油,待鍋熱後先炒香蕃茄(炒出茄油)和薑片,


加薯仔、甘筍、南瓜和熱滾水先煲45分鐘,(水滾後轉中細火),


再落支竹煲多30分鐘,落鹽調味便成。


**想蕃茄湯有蕃茄味,就要連皮炒蕃茄,爆香蕃茄會出紅色油,


呢D就係茄油,佢會帶出蕃茄嘅甜味,咁煲湯就會好飲D架啦!




 
  
大家可以入嚟Facebook讚下我新開嘅Fans專頁呀! 




21 則留言 :

  1. 回覆
    1. 佢話食咗薯片,所以生痱滋喎!

      刪除
  2. 回覆
    1. 晚晚打機打到12點,點會夠瞓吖!

      刪除
  3. 你個仔好幸福~有愛心媽媽湯~!

    回覆刪除
    回覆
    1. 嘻嘻,愛心湯水真係唔少得架!

      刪除
  4. 每次見到雀后煲的湯水 , 真係有衝動想飲番幾碗

    回覆刪除
    回覆
    1. 妳煲嘅湯我都會流哂口水架!

      刪除
  5. 我今晚冇煲湯呀 , 過嚟黐湯飲 ^^

    回覆刪除
  6. 這款湯好飲又送得飯 , 正呀 !

    回覆刪除
  7. 佢係咪讀書壓力大,唔夠瞓呀。煲D下火野比佢飲啦,個煲菊花水都有效。也可以晚上採牙膏在患處。

    回覆刪除
    回覆
    1. 呢排係就係考試,但應該冇咩壓力囉,因佢都係晚晚打機打到12點,應該係唔夠瞓就真!@@"

      刪除
  8. 回覆
    1. 我都鐘意加支竹,好有豆香味架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!