2015年1月12日 星期一

蠔油素鮮竹卷


噚日偷懶咗一日冇寫blog,

我唔係冇煮,

不過煮得求其,

不值一提;

今日就唔同啦!

今朝一早買哂材料,

整素鮮竹卷,

大魔怪鐘意有茨汁,

煎完再炆下佢,

特別惹味呀!














材料: 腐皮2塊、銀芽$3、甘筍1條、金菇1包、鮮冬菇6隻、木耳適量、蔥粒

調味: 素食蠔油1湯匙、水1湯匙

茨汁: 素食蠔油1湯匙、豉油半湯匙、糖1茶匙、水4湯匙(4條鮮竹卷份量)

做法: 甘筍去皮切絲;木耳浸軟切絲;鮮冬菇用濕布抹淨菇身切片;

金菇去蒂切半;燒熱水灼芽菜30秒後撈起;

用濕毛巾抹腐皮兩面和修硬邊對摺一開八;

燒熱油鑊先炒甘筍絲快炒,後落鮮冬菇和木耳絲和金菇炒至軟身,

加調味煮至乾身後,最後加芽菜炒勻後上碟,


涼後將餡料包入腐皮內,燒熱易潔鑊落少許油,將有摺口先放入鑊煎,

用慢火煎腐皮卷至兩面少許金黃色,加入茨汁炆至軟身,


鮮竹卷上碟灑上蔥粒,芡汁加少少粟粉水煮杰身,淋上鮮竹卷面便成。


 

 
  
  
大家可以入嚟Facebook讚下我新開嘅Fans專頁呀!  

24 則留言 :

  1. 素鮮竹卷, 一次食多多都唔會滯...

    回覆刪除
  2. 請問腐皮係邊度有得買????

    回覆刪除
  3. 天氣凍咗~我都煮得求奇咗~懶咗~!

    回覆刪除
  4. 冇肉都好喎, 唔怕食得多.

    回覆刪除
    回覆
    1. 係呀,唔想食咁多肉,整呢個素鮮竹卷就最啱啦!

      刪除
  5. 我愛這個素鮮竹卷呢 !! 我又要食

    回覆刪除
  6. 我都鍾意整這個,但係需要等香港貨到,哈哈哈!

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!