2014年8月31日 星期日

粟米魚肚肉碎羹

 
明天莘莘學子開學啦!
 
各位同學仔做哂功課未呀???
 
記得大小魔怪細細個時,
 
呢兩日就係趕功課嘅大日子;
 
嚟緊大小魔怪都要返學,
 
到時又係食冇定時架啦!
 
記得話個時間表俾我,
 
等我煮定D好嘢俾你哋食啦!
 

2014年8月30日 星期六

素湯~猴頭菇栗子粟米甘筍紅腰豆蜜棗湯

 
噚日煲咗呢個素湯,
 
真係超好飲,
 
母親大人連飲咗3大碗,
 
仲話素湯都煲得咁好味,
 
唔錯唔錯!
 

2014年8月29日 星期五

舊曆生日

 
今日係我舊曆生日,
 
所以提前約埋母親大人、姐姐和妹妹一家齊齊嚟慶祝,
 
多謝妹妹送給我的生日蛋糕。
 
喂喂喂,
 
我仲要慶祝新曆生日架!
 
 
 

2014年8月28日 星期四

椰香芋仔炆雞翼


臨近中秋,
 
街市又有芋頭仔賣啦!
 
買咗2斤返嚟,
 
除咗用鹽水烚嚟食外,
 
用嚟炆餸都得架!
 
 

2014年8月27日 星期三

蒜香香草焗雞髀

 
哈哈,
 
終於有人開口投訴啦!
 
話我打斧頭都唔係咁狼死喎!
 
幾隻雞髀係滿足唔到佢哋架!
 
好啦!
 
下次加多件咸魚俾大家食啦!
 

2014年8月26日 星期二

雜菜炒烏冬

 
今晚我要學整麵包,
 
所以炒定個烏冬俾大魔怪食,
 
但未到晚飯時間佢已經食咗大半碟囉!
 
 

2014年8月24日 星期日

粟米燴豬扒

 
今次煮呢個餸粟米燴豬扒,
 
真係老少咸宜,
 
至啱鐘意撈汁食飯嘅我添呀!



2014年8月23日 星期六

燕麥馬蹄蒸豬肉餅

 
每次買桶麥皮返屋企,
 
真係好有決心去食架,
 
不過我冇咩恆心,
 
食食下就唔想食,
 
唯有用嚟蒸肉餅,
 
蒸出嚟個肉餅真係滑好多架!

唔信???
 
妳哋都試下啦!
 


2014年8月22日 星期五

老火湯~馬蹄粉葛伏苓茶樹菇豬展湯


堂弟婦係惠州買咗好靚嘅馬蹄俾我,

粒粒都脹卜卜架;

我留起幾粒嚟煮餸,

其餘的馬蹄,

我攞哂嚟煲湯喇!

粉葛~袪骨火、土伏苓~袪濕熱解毒,健脾胃、

馬蹄~清熱、茶樹菇~降血壓,抗衰老和抗癌等功效!


2014年8月21日 星期四

客家菜~煎釀涼瓜

 
呢排返惠州真係好密,
 
噚日又同姑奶上咗去周圍行下食下;
 
記得上次返惠州買咗2條苦瓜落嚟,
 
整咗老公鐘意食嘅煎釀苦瓜。
 

2014年8月19日 星期二

麵包製作精選實習中班(第二堂)

 
今堂我哋學搓全麥麵包和粟米麥包,
 
雖然呢個係健康麵包,
 
但唔健康嘅我哋,
 
試食時加咗片厚牛油,
 
好味到冇朋友呀!
 

2014年8月18日 星期一

眼光光,飲咗豬肉湯~又係惠州

 
星期六下午,
 
我同小魔怪返惠州,
 
老公和如奶就一早上去辦少少事;
 
我哋去到惠州匯合姑奶和姪仔後,
 
姑奶帶我哋去飲豬肉湯;
 
一間家鄉砵仔豬肉湯都可以做到上市,
 
勁喎!
 
小魔怪大讚好好飲呀!
 

2014年8月16日 星期六

照燒洋蔥牛柳

 
一個快靚正嘅餸菜,
 
20分鐘唔使就有得食,
 
簡直啱哂上班一族呀!
 
唔鐘意牛肉,
 
落雞肉豬肉都可以,
 
但記住烹調時間可能要長少少啦!
 
 

2014年8月15日 星期五

蕃茄薯仔椰菜湯

 
雜菜湯,
 
材料隨個人喜好可以加南瓜、甘筍、西芹或紅菜頭;
 
我見屋企有齊蕃茄、薯仔和椰菜,
 
簡簡單單滾咗個靚湯水!
 
怕寒涼嘅話,
 
拍片薑落去一齊煲啦!
 
今日我的早午晚餐,
 
靠哂佢啦!
 
 

2014年8月14日 星期四

Prima Taste百胜廚~新加坡叻沙拉麵

 
呢包叻沙麵係姐姐出差新加坡時買俾我架,
 
一食便愛上;
 
其實香港都有得賣,
 
見過百佳1包賣$2X,
 
超超超貴囉!
 
朋友仔叫我提提大家,
 
碗麵裡而D餸係我自己加架,
 
哈哈!
 
 

2014年8月13日 星期三

麵包製作精選實習中班(第一堂)

 
2012年4月學過手搓麵包後,
 
已經2年冇學啦!
 
我唔係唔想學,
 
係元朗工聯會冇開中班課程,
 
足足等咗2年零4個月,
 
終於係上星期二開班啦!
 
今日呢堂學搓芝士方包和意大利包,
 
2年冇用手搓麵包,
 
唔係好熟手呀!
 

2014年8月12日 星期二

合掌瓜粟米甘筍螺頭豬展湯

 
年頭係流浮山買嘅乾螺頭終於煲哂啦!
 
買咗1斤可以煲5~6次,
 
真係超抵食呀!
 
嘻嘻,
 
食哂又有藉口去入貨囉!



2014年8月11日 星期一

食住在惠州

 
前兩日返咗惠州,
 
依家我哋又有個新落腳點啦!
 
唔使下下返惠州住親戚家或租酒店,
 
簡簡單單嘅裝修,
 
最緊要係有張新自動麻雀枱!
 

2014年8月8日 星期五

干扁素肉四季豆

 
收到消息,
 
菠菜、白豆角、青豆角和芥菜驗出農藥超標,
 
為安全計,
 
都係唔好食住囉!
 
今朝,
 
98歲的婆婆離開了我們,
 
願一路好走!
 

2014年8月7日 星期四

韓式燒豬頸肉


唉,
 
每次去完旅行後,
 
吃喝玩樂嘅心情仲未走,
 
條懶筋通通出哂嚟!
 
而且呢排天氣熱,
 
直頭唔想入廚房添呀!
 



2014年8月6日 星期三

2014年台中之旅~第四日


2014年7月31日

快樂不知時日過,

4日台中之旅玩埋呢日又結束啦!

係台灣酒店食咗咁多日早餐,

發覺佢哋對素食者好照顧,

準備咗唔少素菜俾大家選擇,

啱哂我呀!

 

2014年8月5日 星期二

2014年台中之旅~第三日

 
2014年7月30日
 
簡簡單單食咗早餐後,
 
我哋係酒店周圍影相,

每次同親祈祈BB影相,

發覺佢有好多神態好似我,

話佢係我個女都有人信呀!
 
 

2014年8月4日 星期一

梅菜炆排骨

 
噚日上facebook見到有網友煮我舊食譜嘅~梅菜炆排骨,

攪到我又想食埋一份添呀!

依家好多時煮排骨,

我鐘意買飛排,

佢又腍又滑,

煎、炒、炆定炸,

點整都咁好食架!
 



2014年8月3日 星期日

2014年台中之旅~第二日

 
2014年7月29日
 
因為有祈祈BB係度,
 
所以我哋揀團都會係比較悠閒,
 
唔會晨早morning call的。
 
所以呢幾日通常都係8點半起身,
 
10點半出發去景點,
 
抖足精神食早餐囉!
 

2014年8月2日 星期六

2014年台中之旅~第一日

 
2014年7月28日
 
今次我哋參加東瀛遊~台中、南投「湖光山色」玩4天溫泉之旅,
 
全團共有18位團友;
 
去到機場集合、寄行李和入閘後,

第一件事緊係搵食啦!
 

2014年8月1日 星期五

2014年台中之旅~手信篇


今次去咗台灣台中4日,

本來諗住唔買嘢架,

(哈哈,識我嘅人肯定唔會信!)

點知每日都見到想買嘅嘢,

唔覺唔覺又買咗好多手信啦!