2014年6月30日 星期一

豉汁帶子

 
今日冰箱底搵到包帶子,
 
即刻整咗呢個豉汁帶子,
 
個汁夠哂惹味,
 
小魔怪食到唔停得口呀!
 

2014年6月29日 星期日

紅綠豆糖水

 
噚日北上,
 
買咗D紅綠豆返嚟,
 
第一時間緊係用嚟煲糖水啦!
 
唔煲都唔知紅綠豆原來咁有益處,
 
綠豆有清熱解毒,
 
消暑利尿功效!
 
而紅豆就有潤腸通便,
 
降血壓血脂,
 
調節血糖等功效;

咁真係要食多幾碗先得啦!
 
 

2014年6月28日 星期六

北上

 
今日我同老公北上,
 
返深圳布吉睇下間屋有冇發霉;
 
未去掃貸前,
 
緊係要食飽飽先啦!
 
求求其其係屋苑附近食嘢,
 
土豆燒雞木桶飯、萵笋炒肉片木桶飯、金牌小炒皇,
 
呢度50蚊人仔咋!
 
 

2014年6月27日 星期五

減肥湯水~冬瓜海帶(昆布)排骨湯

 
夏天,
 
我真係好鐘意飲湯架!
 
見有包日本買嘅昆布係屋企,
 
即刻煲個啱哂我飲嘅湯水~冬瓜海帶(昆布)排骨湯,
 
減肥人仕至啱飲呀!



2014年6月26日 星期四

日式咖哩豆腐煲

 
今日主食又係食素菜~日式咖哩豆腐煲,
 
加埋盒舞菇,
 
煮咗一大煲,
 
開飯啦!
 
 

2014年6月25日 星期三

雜菜蘑菇蛋批


自從大魔怪轉食素菜之後,


每逢大魔怪係屋企食飯,
我都會煮一至兩碟素菜俾佢食;
依家連老公都話食素菜好,
佢話易消化喎,
仲叫我唔好煮咁多肉添!

2014年6月24日 星期二

醬爆雞丁

 
醬爆雞丁,

好多人都鐘意炒得乾身,
 
但我鐘意有汁,
 
撈飯正嘛!
 
雖然小魔怪話辣咗少少,
 
But,
 
我啱食喎!
 

2014年6月23日 星期一

麵豉蒸排骨

 
有時唔知食咩餸時,
 
我都會蒸排骨,
 
簡單又好味道嘛!
 
尤其麵豉蒸排骨,
 
我鐘意用佢個汁嚟撈飯架!
 
 

2014年6月22日 星期日

柴魚花生排骨粥&炒三絲

 
今日,
 
老公約咗班舊同學去屋苑會所打乒乓球,
 
我都有跟埋去玩架!
 
襯未齊人,
 
同老公打咗15分鐘波啫,
 
我已經出咗成身汗,
 
老公話以後每個星期都book場打波喎,
 
順便幫我減肥呀!
 

2014年6月21日 星期六

沙茶雞翼尖

唔該哂朋友仔幫我買咗樽沙茶皇;
 
我用佢嚟整咗個小食~沙茶雞翼尖,
 
呢個睇波送啤酒,
 
一流呀!

2014年6月20日 星期五

蜜汁叉燒

 
差不多有半年冇整過燒味啦!
 
今次整咗靚靚蜜汁叉燒;
 
個燶燶哋嘅叉燒頭,
 
唔好同我爭呀! 
 


2014年6月19日 星期四

2014年6月18日 星期三

由屯門食到元朗

 
今日約咗班朋友仔去三聖食海鮮,
 
由於識人嘅關係,
 
買到平靚正嘅海鮮,
 
再攞D海鮮去興記煮,
 
最like鹽焗奄仔蟹多膏兼超惹味;
 
除咗食海鮮,
 
我哋仲叫咗隻燒鵝,
 
8個人平均每人食咗$405左右,
 
好味道呀!
 
第一次見到Mable & 和女,
 
Nice to meet you!
 

2014年6月17日 星期二

蟲草花蒸雞


上次返廣州,
 
堂姐買咗包蟲草花俾我,

睇落同香港賣的蟲草花有少少分別,
 
佢話呢D係蟲草花孢子頭,
 
營養價值好高,
 
咁就要試下啦!
 
堂姐仲話唔好洗得太耐,
 
因為會洗走哂D孢子粉喎!



2014年6月16日 星期一

涼瓜炆排骨

 
苦瓜,
 
又名半生瓜;
 
以前我細細個時一定唔會食,
 
不過呢排又漸漸接受到佢嘅苦味,
 
仲越食越鐘意食添,
 
唔通我已經踏入一生嘅一半,
 
不過老公話我應該冇咁長命喎!
 
激死我啦!

 

2014年6月15日 星期日

蓮子百合紅豆沙

 
上次係茶樓食咗碗唔多掂嘅紅豆沙,
 
超冇癮呀!
 
都係自己煲好食好多,
 
一路睇波一路食糖水,
 
爽呀!
 
 

2014年6月14日 星期六

蜜蜜黑椒燒雞翼

 
燒雞翼,
 
我自細鐘意食;
 
但大熱天時燒嘢食,
 
熱爆!!!
 
唔怕,
 
搵屋企個焗爐幫手啦!
 
 
 

2014年6月13日 星期五

新鮮藍莓馬芬

 
依家好多人都講求食得健康,

所以係煮食方面,

我都會選用一些對身體健康有益的食材,

如橄欖油、黃糖等;

橄欖油除可嚟煮餸外,

還可以代替牛油做蛋糕,

食落健康又好味道!

多謝Filippo Berio 百益橄欖油嘅公關小姐,

送給我健康的好食材!
 
 
 

2014年6月12日 星期四

涼拌腐皮

 
天時暑熱,

涼拌菜係我家常客嚟架,

今次整呢個涼拌腐皮,

即撈即食又得,

雪凍嚟食都得,

任君選擇呀!
 

2014年6月11日 星期三

日式咖哩雜菜煲

 
3月去日本買咗好多盒日式咖哩,
 
係時候要清咁少少囉!
 
今日整呢個日式咖哩雜菜煲,
 
簡單又易煮,
 
快靚正!
 


2014年6月10日 星期二

椒鹽老少平安

 
蒸老少平安食得多,

煎老少平安又食過未呢???
 
灑埋椒鹽落去,
 
咁咪變咗椒鹽老少平安囉!
 

2014年6月9日 星期一

消暑祛濕靚湯~冬瓜粟米豬展湯


冬瓜有利尿、清熱消腫功效,

而薏米就有健脾開胃、利尿、去水腫,

呢個湯,

夏天最啱飲;

如買到新鮮蓮葉的話,

加埋落去煲仲消暑啊!



 
 

2014年6月8日 星期日

元朗緣聚together西日放題

 
噚日約咗朋友仔落元朗食嘢,
 
我哋揀咗去呢間食自助午市放題,
 
雖然下午食物種類唔多,
 
但呢間D虎蝦壽司好爽口,
 
我哋食完又食,
 
唔錯啊!
 
其實仲有日式烏冬和飯架,
 
不過我哋冇叫嚟食;
 
午市$88位加一,
 
我哋加多$10有甜品食,
 
埋單每人$109咋!
 
應該會有下次呀!
 
地址: 元朗西菁街好順泰大廈地下35號舖
 
電話: 2682 0566
 
 

2014年6月7日 星期六

客家梅菜炆腩肉

 
一碟客家梅菜腩肉,
 
真係啱哂我哋一家大細食;
 
奶奶鐘意食梅菜葉,
 
老公和細仔就鐘意食腩肉,
 
而我呢???
 
我鐘意有咬口嘅梅菜芯,
 
各有所好呀!
 
 
 

2014年6月6日 星期五

外食~元朗煌府婚宴專門店

 
今晚去博愛醫院探病,
 
之後同大伯、大伯娘、姑奶、老公和我,
 
去元朗煌府食晚飯,
 
4餸1湯,
 
叫咗2個飯、3罐啤酒和1罐汽水,
 
埋單$604左右呀!
 
 
 

2014年6月5日 星期四

鮮茄洋蔥燴豬扒

 
今日買咗條靚飛排(妃排),

本來諗住切件蒸嚟食,

但屋企原來冇哂豆豉和麵豉,

即刻轉陣煮鮮茄洋蔥燴豬扒,

個汁用嚟撈飯,

Yummy yummy!



2014年6月4日 星期三

蠔油蔥花雞髀


噚晚半夜熱醒咗,
 
原來部冷氣唔涼兼結冰,
 
捱咗一晚冇冷氣,
 
今朝即刻搵人嚟整,
 
師傅話應該係好耐冇洗機,
 
好少事啫,
 
希望係啦!
 
 

2014年6月3日 星期二

沙爹焗排骨

 
天氣又熱又焗,
 
每次入親廚房對住個火爐,
 
真係熱到煮完都唔想食架!
 
所以好多時我都會轉用焗爐焗嘢,
 
放哂入去夠鐘就食得,
 
開飯啦!
 

2014年6月2日 星期一

端午節快樂

 
今日端午節,
 
應節緊係要煲粥食糭啦!
 
小魔怪口生咗粒大痱滋,
 
所以煲咗個下火靚粥~瑤柱鴨腎蠔豉豬展粥,
 
加埋我的愛心靚糭、油炸鬼咸煎餅牛脷酥和油鹽水菜芯,
 
齊齊過節啦喂!


2014年6月1日 星期日

夏天涼浸浸~雜錦沙律

 
一早起身氣溫已經有成30度,
 
下午肯定仲熱啦!
 
點算呀???
 
熱到咁,
 
真係唔想走入廚房煮餸架,
 
又見冇咩胃口食嘢,
 
整個沙律做午餐都唔錯架!