2014年10月13日 星期一

蓮藕鱆魚馬蹄綠豆煲豬展

 
每次見到街市有蓮藕賣,
 
我就諗起呢個湯啦!
 
我好鐘意飲鱆魚湯架,
 
飲湯兼食埋湯渣,
 
可以唔使食飯囉!

 


 



材料: 蓮藕2節、豬展仔$35、鱆魚1隻、綠豆2把(手抓)、馬蹄15粒、

蜜棗4粒和果皮一塊

做法: 豬展出水備用;果皮浸軟去囊備用;馬蹄去皮;

蓮藕去皮,將綠豆塞入蓮藕孔內(8成滿好啦,唔係好易爆架);

用熱滾水烚烚牙籤後,把蓮藕口封好;鱆魚乾和蜜棗略清洗;

凍水落果皮火煲滾後,加所以材料煲3小時,加鹽調味便成。

P.S.

~果皮要凍水落,唔係會有苦味;
 
~蓮藕和綠豆係絕配,一熱一涼,中和咗個湯冇咁燥熱;
 
~綠豆塞入蓮藕中間D窿窿度,個湯會清好多,而且唔會有綠豆殼浮面添!
 
 
 
大家可以入嚟Facebook讚下我新開嘅Fans專頁呀! 
 
 

14 則留言 :

  1. 你惠州起一間村屋, 要多少錢呀?

    回覆刪除
  2. 呢間屋係人哋起咗一半冇再起,我哋咪買咗佢嚟自己起囉!呢度買咗43萬呀!

    回覆刪除
    回覆
    1. 買這屋, 有無地契和屋契拿到的呢?
      及你再去埋尾及裝修, 你預要用多多少錢呀?

      刪除
    2. 地契和屋契緊係有齊先買啦!冇就肯定唔買呀!埋尾和裝修應該唔使廿萬呀!

      刪除
    3. 那都好抵,60多萬就已有一座屋. 那每層有多少呎? 是兩層的嗎? 即是現在你在惠州有一層樓及一座屋? 這屋日後你會做渡假或放租?
      另外想問你, 你現時的惠州屋, 入面的傢具是你自己買, 還是親戚為你買?

      刪除
    4. 每層有100平方左右,即約1000尺呀!我哋仲未諗放租定自住喎!
      傢俬係我哋同親戚係惠州買架!

      刪除
  3. 原來果皮要凍水落,我尋日煲綠豆沙後落,好苦。

    回覆刪除
    回覆
    1. 係呀,果皮一定要凍水落架!

      刪除
  4. 這款湯好好味 , 湯渣又可以做餸 , 一流 !

    回覆刪除
  5. 您好呀雀后,請想問下你,你用呢個煲會大火煲幾耐才轉慢火煲幾耐時間呀? 可唔可以教下我。。。因我都緊呢個煲,總是未能控制到,煲d湯總是唔太出味,水keep唔到7成,另外我是用電磁爐的,有什麼要留意,謝謝喔

    回覆刪除
    回覆
    1. 我用明火煲架,通常我會用中火煲滾10~15分鐘後,轉最小火慢慢煲呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!