2014年7月24日 星期四

魚露煎雞扒

 
今朝小魔怪一早起身返學,
 
仲話唔返嚟食飯添!
 
點知中午突然間返嚟問有冇嘢食,
 
好彩我早有準備,
 
好快有得食架啦!
 
哈哈,

呢排日日都用個玫瑰鍋煎pan煎嘢,
 
今次又用佢嚟煎雞扒,
 
太好用啦! 









 



材料: 雞扒3塊

醃料: 魚露2湯匙、老抽半湯匙、糖1茶匙、獨子蒜2粒(剁碎)、

乾蔥1粒(切絲)

做法: 雞扒解凍後用廚紙抹乾水份,在雞扒厚肉部份界開幾刀,
 
用醃料醃2小時或以上;煎雞扒前,盡量將蒜蓉和乾蔥絲抹去(留用);

不需落油開中火,將雞皮向下放入玫瑰鍋煎pan煎至金黃色,

反轉煎雞扒另一面至熟後,再將蒜蓉和乾蔥蓉回鑊爆香便成。

配埋生菜包住雞扒、蒜蓉和乾蔥絲一齊食,好味道啊!
 
(一滴油都冇落都煎到成鑊油,記得裝起D油先好爆蒜蓉和乾蔥絲呀!)
 
(在雞扒厚肉部份界開幾刀,煎時就更易熟啦!)
 
(想雞皮脆口,煎完雞肉後再煎煎雞皮,咁個皮就更脆口!)
 
(唔煎用焗爐焗都得,用200度先焗雞肉15分鐘,反轉焗雞皮15分鐘就得!)




 


  
大家可以入嚟Facebook讚下我新開嘅Fans專頁呀! 
 

25 則留言 :

  1. 煎得巧靚啊!
    雀后教路, 好容易做喎!
    焗仲啱晒天時暑熱, 唔使煮到一頭煙!
    昨天早上八點幾, 驚鴻一瞥, 好像見到閣下風度優雅咁行過, HEHE !

    回覆刪除
  2. 雞扒同個煎pan都好吸引呀!!!

    回覆刪除
    回覆
    1. 哈哈……呢個玫瑰窩系列,搞到我心思思!!!
      我無開facebook,又唔識網上訂購,睇怕要買,都要去百貨公司lu ^^
      好多謝妳既分享!!!

      刪除
    2. 百貨公司會買貴好多架!

      刪除
    3. 係呀!妳講得好啱!
      其實早前,唔記得係邊度,有睇過呢個品牌既煲煲,當時無人講解,只係拎上手覺得超輕。
      除非係g~market訂,我驚其他網上訂購,買咗“A”貨。^^

      刪除
    4. 買1個試下先,好用嘅話再去g~market訂呀!

      刪除
    5. 正有此意!始终見到實物好啲!^^

      刪除
  3. 個煎Pan幾好用How much ar? 邊樹買架

    回覆刪除
    回覆
    1. 係韓國g~market訂架!呢個pan好似$250左右咋!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!