2014年7月23日 星期三

菠菜素餃子

 
自大魔怪為環保而轉素食後,

我哋一家都開始多菜少肉,

間中我仲會包素餃子當主食,

今日包咗菠菜素餃子,

配埋個蕃茄薯仔湯底,

食到大魔怪話好飽呀!
 
 





 


材料: 菠菜、冬菇、豆腐卜、新鮮粟米、雞蛋

湯底材料: 蕃茄、薯仔、甘筍和薑片

調味: 素食蠔油、糖、鹽、麻油和水

做法: 將粟米拆粒;冬菇浸軟切粒;豆腐卜洗淨揸水切碑;

菠菜洗淨後切碎;雞蛋落少許鹽打發好,燒熱油鑊倒入蛋液快炒上碟;

燒熱油鑊落粟米粒、冬菇和豆腐卜,加入調味炆煮一陣,

加入菠菜和雞蛋碎炒至乾身便成;待餡料涼後就可以包餃子啦!

另外湯底方面,燒熱油鑊煎香薑片,加入蕃茄快炒至出茄油,

落薯仔和甘筍炒勻後,落5碗熱水,煮成湯底;

燒熱水加入餃子煮熟後,加入蕃茄薯仔湯便成。




  
 

大家可以入嚟Facebook讚下我新開嘅Fans專頁呀!  
 
 

 

20 則留言 :

  1. 為環保而轉素食>> 食本地菜仲環保. 碳里程都短D.

    回覆刪除
    回覆
    1. 我哋果邊好難買到本地菜架!

      刪除
  2. 我星期一至五都可以素食,然後weekends就發癲咁咩都食。

    回覆刪除
  3. 回覆
    1. 花少少心思,素菜都可以好美味架!

      刪除
  4. 素食非常好 , 餃子材料豐富正呀 !

    回覆刪除
  5. 呢個配搭幾好, 我都試吓整先

    回覆刪除
  6. 芙芙身邊有位朋友自從轉食全素之後,芙芙都受佢影響,
    開始多菜少肉,不過有時真係忍唔住要食肉,
    素菜其實都好多變化,芙芙呢位朋友個媽媽有時都會整素餃,
    比起肉餃,芙芙覺得素餃都一樣咁好食呢。

    回覆刪除
    回覆
    1. 我都係,間中都要食下肉中和下,未能好似大魔怪食全素呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!