2014年6月16日 星期一

涼瓜炆排骨

 
苦瓜,
 
又名半生瓜;
 
以前我細細個時一定唔會食,
 
不過呢排又漸漸接受到佢嘅苦味,
 
仲越食越鐘意食添,
 
唔通我已經踏入一生嘅一半,
 
不過老公話我應該冇咁長命喎!
 
激死我啦!

 


 


材料: 涼瓜1個、飛排$30、蒜蓉、豆豉半湯匙、紹酒少許和粟粉

醃料: 豉油和老抽各半湯匙、糖和粟粉1茶匙、麻油少許

調味: 蠔油1湯匙、豉油和老抽半湯匙、糖1茶匙和1半碗水(包括炆排骨汁)

做法: 飛排洗淨後用醃料醃1小時;豆豉浸一陣;涼瓜去囊後切片;

燒熱油鑊爆香飛排後落1碗半水炆25分鐘後盛起(餘下的排骨汁留用);

燒熱油鑊落蒜蓉豆豉爆香,落涼瓜和飛排後贊酒,
落調味炆20分鐘,

最後加少許粟粉水埋獻汁便成。

(苦瓜可以用鹽醃一陣,洗淨瀝乾水份;又可以出水去苦味;)


苦瓜的食療價值(網上資料)

~苦瓜氣味苦、無毒、性寒,入心、肝、脾、肺經;

~具有清熱祛暑、明目解毒、利尿涼血、解勞清心、益氣壯陽之功效;

~主治中暑、暑熱煩渴、暑癤、痱子過多、目赤腫痛、癰腫丹毒、燒燙傷、少尿等病症。

 


 

大家可以入嚟Facebook讚下我新開嘅Fans專頁呀! 

16 則留言 :

  1. 苦瓜唔使出吓水先咩?咁好似話冇咁苦

    回覆刪除
    回覆
    1. 苦瓜可以用鹽醃一陣,洗淨瀝乾水份;又可以出水去苦味;
      但老公好鐘意苦瓜甘甘苦苦的味道,所以唔出水都可以呀!

      刪除
  2. 我26,7歲開始愛上苦瓜,我仲短命過你呀^^

    回覆刪除
    回覆
    1. 哈哈,古時D人係咁講,我唔信架!

      刪除
  3. 細時我何媽已經迫我食苦瓜炒牛肉,所以我都偏愛食苦瓜炒牛肉!

    回覆刪除
    回覆
    1. 苦瓜牛肉,我都鐘意食呀!

      刪除
  4. 食一兩塊我都OK, 但唔會主動煮/叫.

    回覆刪除
    回覆
    1. 其實我都唔常煮,不過耋咗唔抗拒食囉!

      刪除
  5. 老DAD相反,以前食,依家唔食,攪到我都無得食。

    回覆刪除
  6. 回覆
    1. 哈哈,原來妳唔食苦瓜架!

      刪除
  7. 我好鐘意食苦瓜的甘味, 尤其雷公鑿, 不過見街市近排賣到8-9元/斤,唔捨得買, 太貴啦! 直條型那種我就麻麻地, 不過最近在大陸食過都好好味.

    回覆刪除
    回覆
    1. 我買唔到雷公鑿,我買長型果D,味道都唔錯架!

      刪除
  8. 回覆
    1. 佢話我咁肥,冇咁長命呀!@@"

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!