2014年4月30日 星期三

外食~天水圍薩莉亞

 
今日,
 
同小魔怪出街食午餐,
 
揀咗去意式餐廳~薩莉亞,
 
呢度都幾多學生幫襯,
 
因夠哂抵,
 
食午餐包無限添飲飲品,
 
唔錯啊!

2個人食咗8樣嘢,

飽飽囉!

 
 

2014年4月29日 星期二

粟米洋蔥蘑菇燴豬扒&粟米豆腐蘑菇湯

 
今日好慳家,

用咗1罐粟米蓉和1罐蘑菇(小)煮咗2樣嘢,


粟米洋蔥蘑菇燴豬扒&粟米豆腐蘑菇湯,

 
個湯係俾大魔怪飲架,

 
佢話要減肥喎!

 
吓!

 
 佢肥???

 
咁我點算呀???



2014年4月28日 星期一

韭菜煎餅

$1韭菜可以做D咩???
仲要係摷勻成間屋企都係得果少少麵粉添;
資源有限,
簡簡單單整咗幾塊韭菜餅;
正所謂仔多餓死娘,(我得2個仔咋)
我一路煎,
大小魔怪就已經問有咩咁香,
仲問可唔可以食先喎!

2014年4月26日 星期六

蒜頭豆豉炆南瓜


每次去旅行,

總會食食食唔停口喇,
 
所以嚟緊呢幾日,
 
都係食下素菜清清腸胃囉!
 
係百佳買咗個南瓜$6,
 
煮咗一個餸,
 
抵過出街食啦!
 
 

2014年4月25日 星期五

2014年澳門遊~第二日

 
4月22日
 
今朝係酒店食完自助早餐後,
 
第一站我哋去咗澳門科學館,
 
入場費大人$25,小朋友$15,
 
呢度總共有14個展覽館,
 
而每個展覽館都有唔同主題,
 
如食物、運動、氣象、科學、水、航空等等,
 
真係啱哂大人細路一齊玩,
 
祈祈BB緊係玩到唔捨得走啦!
 
最重要係呢度有免費wifi呀!
 
 

2014年4月24日 星期四

超級至愛~CALBEE北海道連皮薯條


嘩嘩嘩,

今次真係超開心囉!

最近收到樂天市場的公關小姐送上的CALBEE北海道連皮薯條;

依家唔使親身去北海道,

都可以安坐家中食到咁好味道嘅薯條,

真係越食越唔停得口架!

おいしい!

 
 

2014年4月23日 星期三

2014年澳門遊~第一日


2014年4月21日

今次我哋係買酒店套票,

妹妹夫佢哋搵咗好多間旅行社,

以前住開平靚正嘅酒店,

唔係俾內地旅客訂哂,

就係酒店房租貴咗好多,

可能我哋踏咗1日復活節假期啦!

好彩妹妹佢哋終於搵到呢個酒店套票,

酒店3日2夜包來回船票外,

仲包有1晚萄國餐和早餐添!

2人同行價承惠$2500。

 
 

2014年4月20日 星期日

惹味三杯雞

 

本來呢個復活節我冇諗過出門架, 


而妹妹一家和母親大人原定明日去澳門玩3日2夜,
 
但近日母親大人身體不適,
 
就係咁,
 
我會代咗佢個位置,
 
可以同祈祈BB齊齊去玩啦!
 
老公吩咐我咩手信都唔好買,
 
但我驚我忍唔到手喎!

 
 


2014年4月19日 星期六

粟米魚肚羹

 
復活節假期第二日,
 
今日好大工程嚟個冬夏大換季;
 
攪咗一個下午,
 
冇時間煲湯,(其實係懶咋)
 
求求其其滾咗一個簡單好味嘅湯羹,
 
粟米魚肚羹!
 
 
大魔怪都有份飲架,
 
裝起一碗冇魚肚嘅粟米湯俾佢呀!
 
 

2014年4月18日 星期五

蝦醬豆腐卜蒸腩肉

 
又煮咗一個唔可以唔添飯嘅餸菜,
 
蝦醬豆腐卜蒸腩肉;
 
呢個餸係要蒸帶肥腩肉先至好食,
 
最好係肥腩隔住嘅五花腩,
 
蒸出嚟特別爽滑架!
 


2014年4月17日 星期四

沙爹豬扒

 
Jimmy's 沙爹醬,
 
唔單只可以用嚟煮雞翼
 
仲可以醃豬扒添;
 
本來呢個餸係噚晚食,
 
不過個個都唔話唔返嚟食,
 
醃咗一日一夜,
 
更入味呀!
 

2014年4月16日 星期三

魚露雞翼

 
噚日上網睇番肥媽嘅新節目,
 
第一集就整咗10款雞翼;
 
雞翼,
 
真係點整都咁好食,
 
除咗呢10款唔同口味外,
 
我覺得魚露雞翼都好好食架!
 

2014年4月15日 星期二

咸魚雞粒豆腐煲

 
平時晚上我唔多食飯,
 
食餸食菜飲湯多;
 
但噚晚煮咗呢個煲仔菜,
 
不得了,
 
打難咗我個齋砵,
 
唔食飯係唔得嘅,
 
仲要添飯呀!
 
 

2014年4月14日 星期一

照燒鯖魚


前排行超市,

見到鯖魚做緊特價,

梗係要買定幾條放係冰箱,

咁就可以隨時攞嚟加餸都得啦!



2014年4月13日 星期日

素湯~羅漢果菜乾湯

 
近排天氣悶熱,
 
老公感冒完到我病,
 
呢幾日小魔怪仲開始咳添!
 
所以今日煲咗個羅漢果菜乾湯,
 
咁就啱哂大家飲啦!
 
(唔想飲素湯,加舊豬展去煲都得架!)
 

2014年4月12日 星期六

香菇木耳粟米粥

 
呢排唔知咩事,
 
老公病完輪到我,
 
噚日唔單只狂流鼻水和咳,
 
成身發熱但又唔係發燒,
 
仲有周身骨痛添!
 
食咗抗敏感藥就攤咗係床,
 
真係唔想郁架!
 
冇咩胃口,
 
煲咗個粟米粥食呀!
 
配埋即食榨菜木耳絲,
 
又一餐囉!
 
 

2014年4月11日 星期五

油豆腐粉絲肉碎湯

 
日日諗食咩餸都幾難架???
 
有時唔知食咩時,
 
煮呢個湯就最啱,
 
一煲過,
 
咁就可以唔使煮其他餸喇!
 
 

2014年4月10日 星期四

生炒臘味糯米飯

 
今朝清理食物膠箱時,
 
俾我摷到包糯米,
 
記得對上一次用係舊年10月,
 
唔經唔覺又過咗半年,
 
唉,又要開始清埋佢啦!

呢餐剩係買咗8蚊包鹽焗花生,

其餘材料屋企有齊,

嘻嘻!

又慳咗啦!
 
 

2014年4月9日 星期三

豆豉鯪魚炒油麥菜

 
豆豉鯪魚炒油麥菜,

一個非常普通的家常小菜;

但隨著菜價和豆豉鯪魚越來越貴後,

我都已經好少煮呢個餸囉!

今日突然好想食,

一於滿足一下自己啦!
 

2014年4月8日 星期二

菜乾咸鴨腎蠔豉豬展粥

 
係萬寧換咗個新煲~26cm Staub,
 
超鐘意呢個綠色,
 
搶眼得嚟夠哂醒神,
 
不過感覺上比LC重好多,
 
我要練練手力先得啦!
 
今日就用佢嚟煲粥,
 
快靚正呀!
 

2014年4月7日 星期一

椒鹽豆角

 
今日去街市買餸真係嚇死我啦!
 
菜芯最平果檔都賣到$22斤,
 
仲要係淋哂水添!
 
咁貴真係買唔落手,
 
唯有忍下唔食菜,
 
食瓜食豆呀!
 
(連續兩日食豆,好彩冇人投訴呀!)
 

2014年4月6日 星期日

欖菜豆角炒豆腐乾

 
今日去拜老爺,
 
天氣認真麻麻哋,
 
初初都冇落雨架,
 
點知就嚟走時先嚟落大雨,
 
正所謂上山容易落山難,
 
果條山路真係滑都呢,
 
我都驚自己會"轆"落山,
 
到時都唔知點算囉,
 
好彩有驚冇險,
 
下星期五再去拜父親大人呀!
 
 

2014年4月5日 星期六

蘋果降脂湯


 
今日煲芝芝姐嘅蘋果降脂湯!
 
腰果代替肉, 

啱哂大魔怪和我飲呀!

呢個湯水適合高血脂者飲用,

 因白木耳能軟化血管,

紅棗能強心補血兼補脾胃,

 蘋果則調理腸胃助消化。


(網上資料)


2014年4月4日 星期五

2014年4月3日 星期四

照燒帶子

 
踏入春天,
 
勁濕漉漉,
 
又成日整大雨,
 
冇得出街,
 
令人好煩悶;
 
冇嘢攪,
 
留係屋企狂煲劇呀!
 

2014年4月2日 星期三

沙薑雞腳

 
呢排老人病發作~風濕又骨痛,
 
尤其啱啱新扭親嘅右手,
 
酸酸軟軟,
 
冇咩力添!
 
我要補補先得!
 
 

2014年4月1日 星期二

韓式部隊鍋


係日本京都玩嘅時候,

食咗一個好惹味嘅韓式部隊鍋,
 
一吃便愛上;
 
雖然食材大部份都係罐頭食品,
 
但睇見咁大堆頭,
 
真係好鬼吸引架!

食材自由配搭,

有喜好呀!