2014年2月10日 星期一

黃金組合~菜乾咸鴨腎排骨粥&上海粗炒麵

 
 
新年過後,
 
可能食得太多得油膩嘢,
 
小魔怪口生痱子,
 
今日仲又要去見牙醫,
 
所以午餐煲咗個下火粥和上海粗炒麵!
 
 
 





菜乾咸鴨腎排骨粥


材料: 唐排$30、菜乾6棵、瑤柱3粒、咸鴨腎2個、1杯米

醃料: 鹽1茶匙

做法: 唐排洗淨出水後用醃料醃1小時;菜乾浸軟洗淨切碎:

洗米後用鹽和油各半茶匙醃15~20分鐘;

燒熱水唐排、咸鴨腎、菜乾和瑤柱先煲1小時,

落米煲至綿後加鹽調味便成。(夠味就唔使落鹽呀!)
 
上海粗炒麵


材料: 上海麵3個、雞扒2塊、椰菜半個、甘筍1條、乾冬菇7隻、雪菜3棵和蒜蓉

醃料: 豉油1湯匙、鹽半茶匙、糖和粟粉1茶匙、麻油少許

調味: 蠔油1湯匙、豉油半湯匙、老抽3湯匙、鹽1茶匙、

糖1茶匙、麻油少許和水1碗

做法: 雞扒去皮切絲後用醃料醃半小時;冬菇浸軟切絲;

椰菜切片;甘筍切絲;燒熱水加1茶匙鹽,放入上海麵灼至軟身撈起;

白鑊不同落油,加雪菜炒至乾身後,加1茶匙糖炒勻上碟;

燒熱油鑊爆香雞絲至熟後盛起;

再燒油鑊加入蒜蓉、甘筍絲、椰菜和冬菇絲快炒,

最後加入上海麵和調味炆至汁濃,落雞絲和雪菜炒勻便成。





 

  
  
大家可以入嚟Facebook讚下我新開嘅Fans專頁呀!
 
 
 
 

22 則留言 :

  1. 夜瞓加食得多煎炸野,牙肉好易腫的,
    呢果粥啱晒!

    回覆刪除
  2. 日本有隻痱子貼好好用架

    回覆刪除
  3. 生痱子,食野會好辛苦。

    回覆刪除
    回覆
    1. 咪就係囉,一食嘢就痛呀!

      刪除
  4. 我都成日咬到面豬,好痛呀~~

    回覆刪除
    回覆
    1. 我間中都會架,因為我哋火氣重嘛,所以要下下火先得囉!

      刪除
  5. 回覆
    1. 等我裝一大碗粥和麵俾妳啦!

      刪除
  6. 新正頭,真係好容易熱氣嘅,因太多立雜食呀,試吓用大荳芽菜,豆腐滚魚湯,又或煲吓沙參,麥冬和無花果水飲喇。

    回覆刪除
  7. Hello 雀后,

    你LEE 個粥一定好夠味呀! 咁足料 ! ^_^

    另外, 昨天我看左一篇你的舊POST, 講去流浮山買海味....今日我自己一個人去買野.....嘩~~~ 真係多謝你之前的介紹...我見到生曬金蠔都係賣$160/ 半斤...仲有好多好多價錢杷宜的海味...你那天是去牛記買東西嗎? 今天他們無開呀!

    我今日去左入口左手邊第2 檔(合記) 買野....雀后呀, 請問未開的花膠, 是不是一定要放雪櫃呢?......那兒簡直....樂而忘返...^_^

    多謝多謝 ! 多謝你在BLOG 中介紹了一處好地方. 萬分感激....我而家仲開心緊呀!...^_^

    回覆刪除
    回覆
    1. 入到流浮山,真係買到唔停得手架,樣樣海味都平靚正,我住得近,所以一年都入去幾次入貨架!
      花膠存放在乾爽哋方就OK,我通常會將花膠出水後放入冰格,隨時可以用嚟煲湯煮餸都得呀!

      刪除
  8. 我熱氣食牛王解毒片,無睇醫生,因為西醫無熱氣呢回事,佢地會話係抵抗力差。不過如果嚴重,醫生會比消炎藥食。

    回覆刪除
    回覆
    1. 我哋好少食藥,佢哋會搽痱子膏呀!

      刪除
  9. 回覆
    1. 佢真係好俾面,食咗2大碗粥呀!

      刪除
  10. 我家都有黃金組合呢,係菜乾豬骨粥 + 豉油皇肉絲炒麵

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!