2014年1月29日 星期三

2014足料自家製蘿蔔糕

 
一年一度自家製蘿蔔糕又出爐啦!
 
呢個係亞媽教落嘅配方,
 
五斤蘿蔔1斤粘米粉,
 
以前母親大人年年都整架,
 
自從我嫁人之後,
 
依家輪到我年年整俾佢食囉!
 
 
 
 














晚餐煎咗幾件嚟食,正呀!
 

材料: 3個半蘿蔔(約5斤多少少)、粘米粉一包(600g)、臘腸4條、

臘肉1條、蝦米4兩、薑數片、冰糖3小粒和浸蝦米水1碗

調味: 鹽2.5茶匙、胡椒粉適量(按自己喜好落鹽調味)

做法: 蘿蔔去皮洗淨刨絲;臘腸、臘肉蒸熟切粒備用;蝦米浸軟;

唔使落油爆香臘味和蝦米後盛起;

唔使洗鑊加薑片炒蘿蔔絲滾起後加冰糖,

煮至蘿蔔變透明色,(如水多不用加蝦米水)

落臘味和蝦米攪勻,加鹽和胡椒粉調味熄火,

將1包粘米粉逐少分3-4次左右加入蘿蔔絲裡,

不斷攪拌至粉和蘿蔔絲混合為止,

隔水蒸1小時便成。(記得留番少少臘味舖係蘿蔔糕面)


呢個份量我整咗2底9寸和1碗仔嘅蘿蔔糕呀!


 


大家可以入嚟Facebook讚下我新開嘅Fans專頁呀!
 
 

 

20 則留言 :

  1. 唔該......我要三底吖,明天下午取可以嗎))))))
    好正好足料呀

    回覆刪除
  2. 祝雀后闔府
    馬年一本萬利, 心想事成呀!!

    回覆刪除
    回覆
    1. 祝大家心想事成、萬事如意、身體健康!

      刪除
  3. 我 Ho-ma 都係話五斤蘿蔔 1 斤粘米粉喎!

    回覆刪除
    回覆
    1. 傳統整蘿蔔糕配方,簡單又易整呀!

      刪除
  4. 雀后:祝您闔府 迎春接福!萬事勝意!龍馬精神!財源廣進!恭喜!恭喜!

    回覆刪除
    回覆
    1. 祝大家心想事成、萬事如意、身體健康!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!