2013年10月31日 星期四

2013年10月30日 星期三

有朋自遠方來2!

T&P由澳洲返嚟香港,

緊係要約出嚟見見面啦!

今次我哋約食自助餐,

地點灣仔萬麗酒店。

出席有T&P伉儷、lonely&囡囡、mei和我。
 
 

2013年10月29日 星期二

白汁芝士焗西蘭花!


雖然話食素,
 
但大魔怪都有要求架!
 
佢話唔好求求其其烚菜俾佢食喎!
 
簡單啦!
 
包係我身上呀!
 


2013年10月28日 星期一

孤獨老人餐~瑤柱蝦乾排骨泡飯!

 
今晚大小魔怪和老公都唔返嚟食飯,
 
又要學習做孤獨老人啦!
 
一個人又想飲湯,又想食飯,
 
煮泡飯就啱哂啦!
 
摷哂屋企已有材料,
 
有咩煮咩呀!
 

有朋自遠方來!

網絡上認識好耐住在新加坡嘅Sophie,
 
昨日終於係香港見面啦!
 
今次blog聚有Sophie,Mei,lonely&囡囡和我,
 
我哋相約係灣仔陳勤記鹵鵝飯店食晚飯。
 

2013年10月27日 星期日

滾蛋......糖水!

天氣乾燥就要煲D嘢食潤下,
今次煲咗腐竹白果薏米雞蛋糖水,
各人喜愛唔同,
我鐘意食到有腐竹,
所以冇煲溶哂,
我鐘意食成隻蛋,
但家人鐘意蛋花,
兩款都有,
任君選擇!

2013年10月26日 星期六

我鐘意滾......湯!

 
呢排真係好鬼乾,
 
今日濕度仲得35%添咋!
 
乾成咁,
 
但我又懶煲湯,
 
滾(湯)係唔錯嘅選擇嚟架!
 
 

2013年10月25日 星期五

芝士豬柳蛋小漢堡包!

話時話,
 
我已經成4個月冇整包包啦!
 
部麵包機就嚟發霉都冇人理囉!
 
今日終於的起心肝整包包呀!
 

2013年10月24日 星期四

蒜香椒鹽雞翼!

哈哈,
 
我就係咁衰架啦!
 
前排先話肚痛唔舒服,
 
仲排毒咗幾日添;
 
今日除明目張膽食薯片外,
 
整埋碟炸雞翼食,
 
係咪抵死呢???
 



2013年10月23日 星期三

燒味雙拼~叉燒&豬頸肉!

為咗身體健康,
 
依家一星期行足5日運動場,
 
每日行起碼45分鐘,
 
再做2日瑜珈,
 
希望有效啦!
 
 

2013年10月22日 星期二

韓式炆排骨!



上次試咗樽韓國BBQ醬(牛味),
 
今日試另一樽辣豬味啦!
 
唔錯喎,辣辣哋啱哂我,
 
不過老公食食下狂打噴嚏,
 
佢話辣親個鼻喎,
 
吓,唔係嘛,
 
唔係好辣咋喎!
 

2013年10月21日 星期一

朱家例湯~西洋菜紅蘿蔔咸鴨腎豬展湯!

一見到街市有西洋菜賣,
 
我就即刻買2大扎返屋企,
 
因為呢個湯係我家例湯之一,
 
小魔怪超鐘意飲呢個湯架,
 
而我呢,
 
我食西洋菜當飯呀!
 

2013年10月20日 星期日

咸蛋燕麥蒸豬肉!


近日秋高氣爽,
 
涼涼哋好舒服啊!
 
連平時懶做運動嘅我,
 
都走咗落街做做簡單帶氧運動,
 
出一身汗都唔覺辛苦啊!
 
今日蒸咗個滑滑肉餅,
 
秘訣就係加咗燕麥片啦!
 
 

2013年10月19日 星期六

元朗~蓬萊咖哩屋!

今日約咗朋友仔食午餐,
 
我揀咗去食咖哩,
 
成年幾冇去食,
 
冇咩退步,
 
仲有驚喜添!
 

2013年10月18日 星期五

蝦膏豆卜蒸豬肉!


呢個餸真係有得睇冇得食呀!
 
因為依排我唔食得肥膩嘢,
 
但又要整俾小魔怪和老公食,
 
睇到佢哋食得咁滋味,
 
等我好番又再encore先得!
 

2013年10月17日 星期四

紅湯~羅宋湯!


呢兩日我個肚不斷咁奄奄痛,
 
而且排毒得好犀利,
 
真係唔使食排毒美顏佬都排得好清呀;
 
除咗食粥外,
 
呢兩日食得最多係方包,
 
食到個口都冇哂味覺,
 
我要食搵D有味嘢食下先得啦!
 
 

2013年10月15日 星期二

雜菇雞絲炆伊麵&咸鴨腎豬展粥!

屋企好多病人,
 
大小魔怪和老公都唔舒服,
 
而且我近排腸胃都唔係咁好,
 
所以今晚煲粥炒伊麵,
 
清清腸胃都唔錯啊!
 


2013年10月13日 星期日

清炒蓮藕片!


今日係農曆九月初九重陽節,
 
我哋一行十人返元朗舊居登高祭祖,
 
大小魔怪今年好幫得手,
 
將雜草除得乾乾淨淨,
 
日後我哋可以唔使做得咁辛苦啦!
 


 

2013年10月12日 星期六

韓式牛仔骨!


4月時買嘅新熱水爐,
 
噚日壞咗,
 
今日嚟整話部機冇反應,
 
一係換機,
 
一係換零件,
 
我話換機,
 
佢就話換零件先喇,
 
如果再壞先換機;
 
咁化學,
 
有冇攪錯呀! 
 




2013年10月11日 星期五

羅漢果水!


近日,
 
大小魔怪和老公都有幾聲咳,
 
仲有少少痰添,
 
拿拿臨煲D羅漢果水俾佢哋潤一潤先得。
 
 

2013年10月10日 星期四

咖哩雞翼!

 
終於搬哂亞虎blog過嚟啦!
 
係亞虎果邊有1989篇架,
 
不過依家計埋我9月份開始係呢度寫blog,
 
搬哂過嚟得番1517篇,
 
因為其中有好多篇有死圖嘅情況,
 
所以冇得copy過嚟,
 
咁都好,
 
我唔使搬得咁辛苦呀!
 
搬blog真係仲辛苦過返工,
 
由朝坐到黑,
 
連煮飯食飯都要快呀!




2013年10月9日 星期三

素炒粒粒!

炸咗D腰果有咩用???
 
除咗我間中偷嚟當零食外,
 
有時炒餸都可以加一D落去,
 
一碟素炒粒粒,

即刻升呢呀!

2013年10月8日 星期二

黑糯米椰汁糖水!


咁多種糖水之中,
 
呢款黑糯米椰汁糖水我都好like架!

 
而且黑糯米有補血作用,

 
女人梗有幾日啱食架!
 
 

2013年10月7日 星期一

2013年10月6日 星期日

魚露焗虎蝦!


前排係美食博覽買咗2盒虎蝦都未食,
 
今次用咗其中一盒整魚露焗虎蝦,
 
好鐘意用魚露煮餸,
 
特別惹味架!
 
 

2013年10月4日 星期五

秋天進補~藥膳蒸雞!


漸入秋天,
 
係時候開始要進補啦!
 
今次整咗個藥膳蒸雞,
 
補得嚟又好味道呀! 
 

2013年10月3日 星期四

金銀蒜粉絲蒸勝瓜!


係街市買咗2條勝瓜$9,
 
簡簡單單一碟整咗金銀蒜勝瓜蒸粉絲,
 
勝瓜又甜又脆,
 
蒜蓉又夠香,
 
正呀!
 

2013年10月2日 星期三

生日會!


襯噚日係十一國慶,
 
所以姐姐為姨甥舉行15歲生日會。
 
今年大廚都係姐夫,
 
整到成枱都係餸,
 
都俾我哋清哂呀!