2013年4月30日 星期二

前菜~青瓜拼海蜇!


 天氣開始熱,

又係時間整我鐘意嘅涼拌菜啦!

呢個前菜簡單又易做,

真係夏天不可缺少嘅菜式之一嚟架!

 

2013年4月29日 星期一

子蘿雞翼!


 
前幾日係雪櫃摷咗樽子薑,

剩得少半樽,

梗係要清埋佢啦!

唔係邊有得買新架!
 
 

2013年4月28日 星期日

紅蘿蔔粟米馬蹄無花果南北杏蜜棗豬展湯!

 
大小魔怪好鐘意飲湯水,

不過有時懶懶哋滾瓜湯比較多;

今個星期煲咗呢個簡單又好飲嘅湯,

全部都可以食落肚,

一D都唔嘥食材架!
 

2013年4月27日 星期六

手剁豬肉蓮藕餅!


 
昨日姑奶過嚟探奶奶,

順便買咗D蔬菜俾我,

有茄子、馬蹄和蓮藕,

有咁多食材,

就用蓮藕整好嘢俾大家食啦!

整呢個肉餅最好自己親手剁肉餅,

除咗好味之外,

最重要有我嘅愛心呀!


 

2013年4月26日 星期五

梅香咸魚蒸燕麥馬蹄豬肉餅!


 
呢排都唔知咩事,

沖涼嘅熱水爐有怪聲,

煮食爐又short short哋,

一次過換哂呢兩樣大型用品,

荷包傷呀!(好彩係老公俾錢換咋!)

仲有我又開始作感冒,

諸事不宜呀!

 
 

2013年4月25日 星期四

柱候牛展牛筋炆薯仔!

 
又係清雪櫃物資嘅時候啦!

見剩番一條牛展,

炒、滷、炆都唔係好夠,

於是買咗磅牛筋和2個薯仔一齊炆,

煮埋大大碟,

好送飯呀!
 
 

2013年4月24日 星期三

簡易咖哩雞!


呢掛天氣時晴時雨,

又濕又乾,

真係攪到人都顛呀!

最慘係我嘅豬朋狗友~鼻敏感又嚟咗探我,

每次食完藥就想瞓,

我唔想做豬太囉!

點去濕???


我諗起食咖哩呀!



 

2013年4月23日 星期二

世界變囉~金條!

呢排有個怪現象,

街市冇人買菜~嫌貴,

金行人頭湧湧買金~抵!

唉,

真係世界變囉!

金,我就冇錢買喇!

唯有整D金條睇下食下都唔錯架!
 

2013年4月22日 星期一

紹菜雲耳炒素咸肉!


其實間中食素菜都唔錯架!

起碼可以清清腸胃,

唔使食咁多肉落肚嘛!

不過,

正所謂齋口唔齋心,

要年青人食素菜都幾難,

唯有買D仿真度特別高嘅素食料返嚟,

等佢哋一路食,

一路估下係咩嚟呀!

 

2013年4月21日 星期日

蔥頭雞!

 
呢排個個人聞雞色變,

連街市雞檔亞姐都叫苦連天~生意難做喎!

見買慣買熟,

點都要幫襯下。

都係果句,

煮熟D應該冇問題呀!

今次我連煲雞水都唔嘥,

用嚟滾雙冬豬展湯(冬瓜、冬菇),

有湯有餸,

合乎慳家原則。

 
 

2013年4月20日 星期六

食得唔好嘥~豉椒炒雞雜!

 
走地雞雞雜唔係成日有得食o架!

食得唔好嘥呀,

加埋三色椒和洋蔥一齊炒,

超惹味呀!

嘻嘻,

今餐又扼咗一碟餸錢啦!
 

朱家小炒皇!

 
依家買餸真係好頭痕,

食物物價越來越貴;

4月頭韭菜花$9有3扎,

今日竟然加到$10先得兩扎,

其他菜仲貴到離哂譜,

十零廿蚊閒閒哋啦!

睇怕日日食芽菜都唔得掂呀!
 
 

2013年4月19日 星期五

家鄉炒米粉&咸鴨腎豬展粥!

呢排天氣太熱喇!

熱到我都唔想食飯,

於是噚晚煲粥和炒米粉。

用咗係廣州嬸嬸自家曬嘅鴨腎煲粥,

連一向唔多食粥嘅大小魔怪都話好食,

粥就一早食哂啦!

至於碟米粉呢,

我哋狂食後都仲有一大兜放咗係雪櫃囉!

(我又預多咗份量啦!)

 

2013年4月18日 星期四

西餅蛋糕製作精選實習班三(第六、七堂)


今次一連post兩堂學咗嘅蛋糕和甜品。

首先係第六堂(9/4)~蘋果金寶芝士蛋糕+什莓果凍布甸,

大小魔怪話金寶粒粒好好食呀!

2013年4月17日 星期三

2013年廣州祭祖之旅~第二日!


4月14日星期日,

由於早上8:30要出發到番禺祭祖,

老公未夠5點就嘈醒我,

佢驚再瞓會過鐘喎???

唔係嘛,

咁早!

我再瞓至6:30起身梳洗後,

搵埋母親大人飲早茶。

早餐食咗63人仔咋!(3人)


2013年4月16日 星期二

2013年廣州祭祖之旅~第一日!


4月13日星期六,

母親大人、老公和我坐火車上廣州;

去到廣州已經下午12:30左右;

由堂妹帶路,

到叔父屋企附近食午餐;

嬸嬸和堂弟一早已經到咗酒樓啦!

唔知係咪肚餓呢???

我哋個個都話呢餐特別好味道;

上到廣州,

點可以唔食雞架!

(死就死啦!)

呢餐抵食埋單188人仔!(6人)

2013年4月15日 星期一

土伏苓粉葛紅蘿蔔赤小豆扁豆花豆排骨湯!


 
廣州嘅嬸嬸自家曬咗一包土伏苓俾我,

緊係要即刻煲嚟飲啦!

呢排天氣咁濕,

最啱飲呢個湯水啦!

 
 

2013年4月14日 星期日

2013年廣州祭祖之旅~手信篇!


受H7N9嘅影響,

大家都唔敢帶雞返香港。

我哋都好掛住嬸嬸整嘅雞,

今年大小魔怪冇口福啦!

雖然係咁,

嬸嬸、堂姐、堂妹和堂弟都好好客,

買咗好多手信俾我哋呀!
 

2013年4月12日 星期五

潤喉消脂減肥茶~羅漢果山楂茶!

 
噚晚上youtube一路睇住鄭多燕跳減肥操

我又一路跟住做,

做完運動出咗一身汗,

超攰但感覺尚算良好!


不過今朝有D腳軟咁囉!

唔只做運動,

我仲煲埋羅漢果山楂茶當水飲,

一於雙管齊下,

努力減減減呀!



 

2013年4月11日 星期四

叉燒!

 
我家族有糖尿病,

所以我都驚自己會有架!


今日同事幫我驗血糖(俗稱:拮手指),

空腹度4.1,餐後2小時度8.4,

偏高嗎???

不過我都係時候要check check我有冇三高啦!

 (高血糖、高血脂、高血壓)

 

2013年4月10日 星期三

香草雞扒芝麻醬蕎麥麵 !


呢個復活節假期日日胃口大開,

我都係時候要開始減減體重啦!

所以呢兩日好積極咁搵畢業禮表演舞蹈,

今日開始教學生(2歲小朋友)跳舞,

如果日日教半個鐘,

出一身汗嘅話,

望會有效啦!

明明問咗大魔怪話唔食架嘛,

點知佢見到又話食,

攪到我食得兩啖麵咋!


 
 

2013年4月9日 星期二

蒜頭豆豉排骨蒜陳村粉!


大小魔怪18歲成年啦!

成年就要換成人身份証。

半個月前已經上網同佢哋book咗時間做身份証,

上星期六我哋去到人民入境事務處,

嘩,

超多人,

插針都插唔入呀!

等咗成個鐘後,

佢哋完成成為成人嘅身份啦!


 

2013年4月8日 星期一

菜乾紅蘿蔔螺片豬展湯!



近排我煲特別多湯水;

考試期間我咩都幫唔到大小魔怪,

唯有煲多D湯水潤一潤啦!

加油呀!

2013年4月6日 星期六

經典~洋蔥豬扒!

 
洋蔥豬扒由細食到大,

我唔係咁鐘意食豬扒,

而係鐘意食洋蔥,

仲要係熟洋蔥,

生嘅就唔多like啦!

我要殺菌,

我要健康呀!

 

2013年4月5日 星期五

係福建都未必食到嘅~福建炒飯!

 
係福建都未必食到福建炒飯,

但係朱家就食到啦!

煮咗一大煲飯,

炒咗一大鑊餸,

都俾大小魔怪清哂喇!
 
 

2013年4月4日 星期四

XO醬豬頸肉魚乾仔炒韭菜花!

 
食埋呢餐,

D韭菜花終於食完啦!

今日用咗XO醬炒,

夠哂惹味,

送飯最啱呀!


今日本來約咗blog友仔飲茶,

點知左眼發炎要去睇醫生,

唉,

就係咁,

我要留係屋企養眼呀!

 

 

2013年4月3日 星期三

牛奶芝士方包!

 
睇開我blog嘅blog友都知大小魔怪鐘意食芝士。

所以襯仲放緊假,

整個芝士包俾佢哋做下午茶;

嗱,大小魔怪俾心機溫書,

媽咪我就整多D好嘢俾你哋補充腦力啦!

2013年4月2日 星期二

無花果雪耳紅蘿蔔豬展湯!

 
買咗盒土耳其無花果,

唔單只可以用嚟當涼果咁食,

仲可以煲粥仔俾BB仔食添!

而我就用無花果嚟煲湯俾家人飲啦!

健脾開胃架!


 

 

2013年4月1日 星期一

韭菜花炒鮮魷!


呢排D韭菜花幾嫩,

$9有3大扎,

梗係要買嚟食下啦!

今日用咗鮮魷魚炒呀!

嘻嘻,

攞咗個甘筍較飛,

學日整心心甘筍呀!