2013年11月18日
終於到咗係華東之旅最後一日啦!
今日又係一早6點morning call!
食完早餐，
大家都要準備收拾行李囉!
上車冇耐，
導遊哥哥就話帶我哋去食100分鐘大閘蟹喎!
佢哋想我哋慢慢嘆喎!
拔，
餐廳急急上哂其他餸俾我哋食，
起碼等咗成40分鐘先有大閘蟹到，
唔算數呀!
我whatsapp俾老公睇D大閘蟹，
佢問我係咪好大隻，
我即刻影相相俾佢睇，
一個茶杯仲大過隻蟹蓋，
諗下有幾大隻吖!
最後，
我係食咗8隻大閘蟹呀!
(綜合少少心得~外形越唔靚就越多膏呀!)
(綜合少少心得~外形越唔靚就越多膏呀!)
食飽飽，
我哋去咗天祿城(貏貅店)和睇玉石!
想發達就要雙手由貏貅頭摸到尾，
再係patpat位轉3個圈，
跟著雙手袋落袋，
咁就發過豬頭啦!
五日行程就咁就完結啦!
3點幾已經到機場，
搭6點半機返香港，
可惜又遇上中國航空管制，
話要延遲一個鐘頭先起飛，
坐係飛機等係好辛苦架，
好彩等咗半個鐘就起飛。
大家可以入嚟Facebook讚下我新開嘅Fans專頁呀!
細隻都好多膏喎。咁細隻，梗係要食八隻至夠喉嘅。
回覆刪除食咗8隻都未夠架，不過全團裡面食得最多果個係我，唔係咁好嘅!>.<
刪除咁細隻但見到好多膏喎。
回覆刪除咪睇個樣衰衰又細隻，原來都好多膏架!
刪除見到你這團食住都唔錯，請問边間旅行社？thx
回覆刪除我跟康泰呀!
刪除國內飛機延誤嘅問題好嚴重，今年暑假去北京玩，回程時係機場候機室，呆坐五個鍾頭先可以起飛，簡直悶到爆呀。
回覆刪除係機場坐五個鐘，頭都暈埋呀!@@"
刪除大閘蟹真係好多羔喎！
回覆刪除樣衰衰都好多膏架!
刪除等咗成40分鐘先有大閘蟹＞＞咁取巧架！
回覆刪除佢話食得多大閘蟹對身體唔好喎!
刪除好多美食！..0.o好肚餓添....
回覆刪除睇番D大閘蟹，好想食呀!
刪除啲大閘蟹又真係好細喎, 不過多膏就得啦.
回覆刪除真係細到離哂譜呀!
刪除D大閘蟹係咪食完再上架?
回覆刪除佢第一輪每人預食3隻，唔夠可以再叫呀!
刪除細細隻但係好好膏呀
回覆刪除樣衰衰都好多膏架!
刪除好茅呀，咁遲先有大閘蟹
回覆刪除咪就係囉!
刪除團餐好豐富呀
回覆刪除菜多過肉，夠哂健康呀!
刪除等40分鐘先有得食, 好過份喎~
回覆刪除咪就係囉，好鬼取巧呀!
刪除蟹好多膏好正喎 , 飛機餐都唔錯 .
回覆刪除哈哈，我覺得D飛機餐都唔錯呀!
刪除食8隻？ 夠哂喉啦！
回覆刪除哈哈，仲未夠喉架!
刪除咁好野揾到d咁細隻蟹，食飽其他餸都飽啦，食唔到幾多蟹喎，唔抵！
回覆刪除佢哋大隻嘅大閘蟹都運哂出香港啦!
刪除細細隻都咁多膏, 正
回覆刪除估唔到咁細隻大閘蟹都幾好食呀!
刪除