泰式紅咖哩金不換炒蜆!

上星期五去九龍城食完泰國菜，

順便去賣泰國食品嘅舖頭買嘢，

朋友仔買咗一袋金不換，

分咗一半俾我，

今日有好嘢食啦!

可惜大魔怪生痱子，

唔食得太辣，

加咗少少紅咖哩咋，

等佢好番，

我要再炒多次嚟食先得!

材料: 蜆2斤、金不換、蒜蓉和乾蔥蓉各1湯匙、辣椒1隻

調味: 紅咖哩1湯匙、魚露1湯匙、老抽1茶匙、糖2茶匙、

粟粉1茶匙和水大半碗

做法: 蜆買番嚟後，用少許鹽水浸2小時等佢吐沙後隔去水份：

燒熱水落蜆灼1-2分鐘至蜆微開口後倒去灼蜆水；

預先將調味混合成汁；燒熱油鑊先爆香乾蔥蓉和蒜蓉，

加調味汁煮滾後落蜆炒勻，加蓋焗2分鐘後落金不換炒一陣便成，

加隻辣椒做裝飾，正呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page