2013年8月10日 星期六

韭菜炒蜆肉!

平時一見有特價,

我就買埋買埋好多食材放咗係冰箱,

攪到依家想再入貨都要考慮考慮;

所以今日決定清咁少少貨先,

摷摷下發覺蜆肉都有3包,

好,

一於清咗一包先啦!

點知炒埋份量得好少,

早知炒多包啦!




 


材料: 蜆肉1包、韭菜$2、薑蓉、蒜蓉和乾蔥蓉、紹酒少許

調味: 辣豆辮醬2茶匙、豉油、糖和粟粉各1茶匙、2湯匙水

做法: 燒熱水加入少許紹酒灼蜆肉15-20秒後,

瀝乾水份備用;韭菜洗淨後切細段;

燒熱白鑊(唔好落油)加入蜆肉快炒1分鐘後盛起;

燒熱油鑊加入薑蓉、蒜蓉和乾蔥蓉爆香,加入蜆肉和贊少許紹酒快炒,

落韭菜炒數十下後,加調味煮至汁濃便成。

P.S.白鑊炒蜆肉係想逼番蜆肉裡面D水出嚟,

咁炒起嚟就唔會水汪汪啦!




 
 
 
大家可以入嚟Facebook讚下我新開嘅Fans專頁呀!
 

3 則留言 :

  1. 想問下5用辣豆辮醬可改用辣椒醬

    回覆刪除
    回覆
    1. 用豆瓣醬惹味好多,唔落都可以呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!