Sunday brunch~香茅豬扒湯河粉!

 

男人買嘢真係唔靠得住；

佢話想食炒河粉，

仲話出開街會順便買埋河粉返嚟喎，

咁我咪係屋企切定菜和甘筍等囉，

點知，

買返嚟唔係粗河粉而係幼河粉，

仲反問我:有分別架咩???

 

 

  

材料: 飛排豬扒8塊、蒜頭5粒、乾蔥1粒(大)、香茅1枝

醃料: 魚露3湯匙、老抽半湯匙、糖1茶匙、

蒜蓉、乾蔥蓉和香茅切碎

做法: 豬扒清洗後用廚紙抹乾水份，

可用刀背剁豬扒兩面數十下，

用醃料醃隔夜；燒熱易潔鑊落油，

盡量將香茅、蒜蓉乾蔥碎抹走，

煎豬扒至兩面金黃色或熟後盛起便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page