2012年5月4日 星期五

腐竹洋薏米雞蛋糖水!

唔知係咪人病會易D"瞓厲頸"呢???

今日條頸痛到彎唔到腰,

但我又要彎低身照顧小朋友,

攪到我次次起身都好似大肚婆咁托住條腰,

痛死人咩???

今日煲咗腐竹洋薏米雞蛋糖水,

本來想加埋白果o架,

點知拍開粒粒都乾哂,

(我放咗入雪櫃呀!)

惟有下次先加啦!

呢個糖水,

大家鐘意熱食定凍食呀???








材料: 腐竹1包、洋薏米$2、冰糖適量、雞蛋3隻

做法: 洋意米浸洗半小時;雞蛋打發好備用;

燒熱一鍋水,加入洋薏米和腐竹煲60分鐘,

加入冰糖調味後,熄火後將蛋液攪勻便成。

(唔想D腐竹煲爛哂嘅話,就要遲半個鐘先好落呀!)
 


大家可以入嚟Facebook讚下我新開嘅Fans專頁呀! 


沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!