2013年1月12日 星期六

生日快樂呀!

 
今日係奶奶97歲生日,

就奶奶行動唔方便,

我哋訂咗個盆菜返屋企食,

驚唔夠食,

老公斬料燒肉和燒鴨,

我就煲埋個蓮藕鱆魚馬蹄綠豆排骨湯,

兼煮多2個菜,

仲有呢個黑糯米椰汁糕做飯後甜品添呀!





呢個盆菜味道唔錯,

不過好似蘿蔔芋頭多咗少少囉!

個盆菜係元朗萬里緣訂架,

12人用$920呀!

黑糯米椰汁糕食譜

材料: 黑糯米半碗、快達椰汁1罐(大)400g、花奶1罐(小)、大菜絲10g、

粟粉100g、糖180g和6碗水(飯碗)

做法: 黑糯米洗淨後用水浸半小時,

用3碗水煲腍黑糯米(約45-60分鐘),

將黑糯米隔去水份盛起備用,黑糯米水留用

大菜絲用水浸軟;把椰汁、花奶和粟粉混合過篩備用;

將3碗水(包括黑糯米水)煲滾後,加糖和大菜絲煮至溶,

把黑糯米、椰汁漿倒入煲內煲滾至杰身,

將黑糯米椰汁糕倒入器皿內,待涼放入雪櫃雪6小時或隔夜!
 
 
 



大家可以入嚟Facebook讚下我新開嘅Fans專頁呀!
 
 
 

2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!