2012年11月30日 星期五

鹽焗雞髀!

今日係facebook post 咗呢幾隻雞髀出嚟,

大家都有疑問,

係咪用焗爐焗架???

真係冇花冇假,

焗到D雞油出哂嚟,

睇落健康好多呀!

最梗要係塊雞皮脆卜卜架!



2012年11月29日 星期四

朱家例湯~蓮藕鱆魚綠豆馬蹄排骨湯!

 
天氣涼涼哋,

飲碗熱湯暖吓身就最啱啦!

我好鐘意煲呢個蓮藕湯,

因為全部湯渣都食得,

一D都唔浪費架!


2012年11月28日 星期三

西餅蛋糕製作精選實習班(第四堂)~魔鬼蛋糕&朱古力脆脆!

 
噚日果堂係教整魔鬼蛋糕,

呢個蛋糕係大小魔怪嘅至愛嚟架!

所以當我一攞到返屋企,

唔使5分鐘個蛋糕已經唔見哂啦!

2012年11月27日 星期二

2012年順德之旅~第二天!

 
星期日,

今朝唔使morning call,

因為我哋會係酒店hea到11點先出發呀!

一早起身就睇下窗外景色,

唔錯喎,

可惜天氣又係麻麻哋,

有霧不過冇咩雨囉!

朝早係酒店餐廳食早餐,

種類唔多,

但都食得飽啦!

2012年11月26日 星期一

2012年順德之旅~第一天!


星期六嘅天氣真係麻麻哋,

有雨有霧仲有風添;

我哋到達深圳灣時,

已經聚集咗好多旅遊人士,

個個都係去短線旅遊,

無論過香港關、中國關和去廁所等等,

都大排長龍呀!

唔單只人多,

車仲多;

因天雨路滑,

車速慢上加慢,

過中國虎門大橋果段路,

又時時塞車;

唔好理咁多,

導遊帶我哋去餐廳食飯先啦!








2012年11月25日 星期日

2012年11月23日 星期五

南乳蓮藕炆腩肉!


上星期四訂嘅新電話,

今日終於到手啦!

一攞上手之後,

我就唔願放低,

好彩今日主要係炆餸,

炆落餸後就可以繼續玩機啦!

 

2012年11月22日 星期四

碟頭飯+例湯!

3呀3,

唔該妳哋服務好少少啦!

次次續完新約都有新攪作,

今次
係巧立明目亂收費用,

好在我成日check賬單,

唔係交多咗錢都
唔知點追呀!

仲有係所謂嘅熱線電話,

我打咗3次,

每次等20分鐘都冇人接聽,

唔只熱,

我仲好"慶"呀!

 
 

2012年11月21日 星期三

中意fusion菜~芝士菠菜雞肉餃子配鮮茄肉醬汁!


心靈相通,

心靈相通呀!

我好日唔買蕃茄,

點知老公又買咗4個返屋企,

咁嘅情況已經唔係第一次,

買麵包、公仔麵、生果都係一樣,

次次都撞到七彩架!



 

2012年11月20日 星期二

西餅蛋糕製作精選實習班(第三堂)~天使蛋糕&焦糖脆脆

終於等到呢堂啦!

因為今日學整我鐘意食嘅天使蛋糕&焦糖脆脆呀!

雖然我整嘅蛋糕造型唔靚,

但大小魔怪和老公都話好味道,

呢個蛋糕我一定會再整呀!
 

2012年11月19日 星期一

韓式泡菜炒五花腩片!


呢幾日天氣涼涼哋,

攪到我D鼻敏感又發作,

食咗粒藥好鬼攰架,

瞓咗一陣就起身煮飯啦!

好彩我預先烚定舊腩肉用少少鹽醃咗佢,

簡簡單單煮個惹味嘅餸菜先得!

呢個餸真係懶人首選餸菜之一呀!

 

2012年11月18日 星期日

白菜木耳豬肉餃子!


唔嗅米氣嘅我,

最鐘意就係食餃子啦!

今日買咗2斤餃子皮,

諗住包多D可以放入冰箱慢慢食啦!

點知買唔夠肉,

剩咗嘅餃子皮唯有放入雪櫃,

遲幾日再包過啦!

今日包咗48隻煎餃和53隻湯餃,

總共101隻呀!

而未煮嘅餃子,

可用保鮮紙包碟,

逐一將餃子平放及避免疊埋,

放入冰箱內急凍後用盒或袋裝好,

存放1個月都冇問題架!

不過都係果句,

最緊係要盡快食哂佢啦!

2012年11月17日 星期六

又係打邊爐嘅時候啦!


日學校下午有活動,

本來我唔使咁早返學架,

不過撞啱學校上午有個講座,

參加人數唔多,

我唯有早D返學校做旁聽生呀!

下午活動完畢,

我哋一大班同事齊齊去打邊爐啦喂!

又係呢間~元朗Yoho Fong!

呢餐又係有85折,

埋單有竹蔗水和汽水等等,

加加埋埋$1480咋!

最最攪笑係我叫杯冰水,

攞到嚟嘅真係冰加水囉!


 

2012年11月16日 星期五

咖哩豬皮蘿蔔魚蛋!

 
記得細細個時,

我最鐘意食嘅街邊小食就係咖哩豬皮蘿蔔魚蛋啦!

同朋友仔一齊行街街篤魚蛋,

真係別有一番風味架;

可惜依家物價越來越貴,

一串魚蛋5粒都買成6-7蚊,

咁不如自己整嚟食好過啦!

專登留起一大碗,

等聽日攞返學校與同事分享呀!


唔知依家1串魚蛋買幾錢呢???

 

2012年11月15日 星期四

金針雲耳冬菇紅棗臘腸蒸雞!


今日我又敗家啦!

訂咗部Samsung白色Galaxy Note II LTE,

要兩至三星期先有貨,

好想快D有機玩呀!

仲有係我要再勤力D打斧頭先得啦!



 

2012年11月14日 星期三

薑蔥牛肉煲!

 
近日小魔怪開始出智慧牙,

食親嘢都有D食物渣黐牙,

攪到佢食唔安,坐唔落,

唯有排期睇政府牙醫(公務員家屬唔使錢),

點知新症要排到2014年初,

唉,

有排等囉!

 

2012年11月13日 星期二

西餅蛋糕製作精選實習班(第二堂)~班蘭雪芳蛋糕&馬德連貝殼小蛋糕!

 

今堂亞sir教整班蘭雪芳蛋糕和馬德連貝殼小蛋糕!

個班蘭雪芳蛋糕真係好鬼軟熟架,

可惜老公同小魔怪唔鐘意班蘭味,

唉,

唔通要我一個人食哂佢???

2012年11月12日 星期一

芝士餐肉包&芝士腸仔包!


點解?

點解鼻敏感呢位老朋友係都要嚟探我架???

今日天氣一轉涼,

我D就不停流鼻水和打噴嚏,

攪到我都冇哂心機上堂啦!

放工返到屋企,

食粒藥打打底先得,

不過係眠一眠之前,

擺哂D材料入麵包機,

起身後可以焗麵包食啦!

2012年11月11日 星期日

印尼沙爹雞配木薯片!

今日買咗包印尼木薯片,

細細塊,

啱哂我一啖一塊呀!

雖然要開油鑊炸,

我唔係用好多油,

D油炸完用嚟炒個薑米炒飯就啱啱好啦!

配埋個印尼沙爹雞,

絕配呀!

 

2012年11月10日 星期六

花膠淮山杞子圓肉紅棗雞腳豬展湯!


好消息!


祈祈B B 終於出院啦!

除尿道炎外,

佢仲出埋玫瑰疹,

所以咁多日以嚟佢都係發高燒;

依家祈祈BB已經回家休息,

最攪笑係當佢午睡時,

指住天花板話要睇電視呀!


 

2012年11月9日 星期五

膽粗粗畫國畫!

 
依家每逢星期五,

我哋老師都會留校學畫國畫1小時,

雖然自知天份和資質都唔高,

但經國畫老師指導後,

我越畫越感興趣呀!

提提大家,

我畫嘅畫只可以遠觀,

而不可近望架!



2012年11月8日 星期四

祈祈BB的近況!

 
祈祈BB入院已經踏入第四日啦!

醫生確診她是大腸桿菌引致尿道炎,

好彩細菌不是太惡不難殺死,

所以醫生之前為祈祈BB打抗生素是對的;

不過祈祈BB此終未有退燒,

每日傍晚就開始燒38-39度左右,

妹妹和妹夫都非常擔心啊!

噚日,

我去醫院探祈祈BB時,

當時佢未有發燒,

所以特別精靈呀!

2012年11月7日 星期三

西餅蛋糕製作精選實習班(第一堂)~cup cake!

 
噚日開始,

每逢星期二我又要返學啦!

今次係跟另一個亞sir學整西餅蛋糕,

我唔係好習慣咁正正經經上堂嘅日子囉!

第一堂學整~雲呢拿、香橙、櫻花籽cup cake!

2012年11月6日 星期二

雜菜雙丸煲&生炒糯米飯!

 
呢個生炒糯米飯,

本來係星期日炒俾母親大人佢哋食架!

樣樣都準備好哂,

點知母親大人攞咗D擺咗好耐嘅糯米出嚟,

唔靚呀!

(睇番仲有蟲蟲添!)

我惟有攞番D材料返屋企,

益哂大小魔怪食啦!

唔知係咪大魔怪肚餓呢???

佢竟然賞面食咗2大碗呀!


 (平時佢唔食架!)

姐夫真係唔好意思,

又一次引死你添!
 

 

2012年11月3日 星期六

再接再厲~牛奶方包!


經過上次整嘅全麥亞麻籽牛奶方包

最後發酵唔夠時間,

所以個包發得唔夠高身;

噚晚我又嚟整過,

今次足足發酵咗30分鐘以上,

應該會靚仔少少啦掛!

唔抵得個包咁新鮮,

即刻整番個超級奶醬多士嘆下先得!
 

2012年11月2日 星期五

蒜香南乳焗雞翼!


 
大小魔怪鐘意食雞翼人人都知,

不過我唔想佢哋食得太多,

所以依家一星期食一次左右啦!

 

2012年11月1日 星期四

女人唔補好易老~鮑汁蠔皇花膠冬菇炆鴨腳!

 
上次去流浮山買咗包花膠粒,

我本來都唔識買架,

點知有班師奶專登入嚟大量入貨,

見咁多人買,

我梗係要問下班師奶買嚟做咩啦???

佢哋話呢D係花膠粒,

同花膠功效一樣,

不過價錢用市區爭一截啦!

佢哋入親嚟都會大量入貨,

仲話用嚟煲湯和炆都好好食架!

見有筍嘢我緊係唔執輸買番包啦!