2012年9月30日 星期日

任務完成~鮮忌廉栗子蛋糕!

今日係中秋節,

呢幾年,

我哋一家人通常會約埋一齊燒嘢食應節架!

適逢姨甥就嚟生日,

等我整個蛋糕賀一賀佢啦!

芝士蛋糕整得多,

今次第一次整鮮忌廉栗子蛋糕,

唧花唧得好樣衰,

 
希望佢哋鐘意啦!

2012年9月29日 星期六

杏脯沙拉雞翼!

 
唔知點解,

天氣熱辣辣我就想食酸嘢啦o架!

今日整咗呢個沙拉雞翼,

加埋杏脯伴碟,

酸酸甜甜,

好醒胃啊!

熱氣,

唔怕啦!

我已經煲定涼茶o架啦!

(唔覺唔覺,呢個星期食咗好多餐雞呀!)

 

慳水慳力嘅迎月晚餐!


今晚係迎月夜,
大家有冇節目呀???
我就有個大任務要做啦!
希望成功啦!
係呢度,
雀后祝大家中秋人月倆團圓,
合家平安!
中秋節快樂呀!

今日唔煮飯~叫雞!

2012年9月28日 星期五

洛神花!

 


前幾日,

同事種咗好多洛神花,

攞咗一大袋返學校,

我都唔客氣咁攞咗少少返屋企,

其實都唔少有兩磅呀!

我煲咗一大煲俾大小魔怪飲,

佢哋話味道似利賓納,

酸酸甜甜,

雪凍飲都唔錯呀!

我將洛神花去核洗淨,

加水煲20分鐘左右,

加冰糖調味便成。
 

2012年9月27日 星期四

叉燒!

 
次次唔知食咩餸時,

我就會諗起佢架啦!

一次過焗咗幾條,

食剩放入雪櫃,

隨時食都得啦!

嗱,

唔好同我爭食叉燒頭呀!

 

2012年9月26日 星期三

娃娃菜肉卷!


上次做菜肉包整多咗餡料,

梗係唔好嘥啦,

用嚟整呢個娃娃菜肉卷就最啱啦!



2012年9月25日 星期二

山竹牛肉!



呢篇係打尖post嚟架!

因為噚日係蛋糕班度買多咗牛肉整咖哩酥皮牛肉角,

所以就做咗今日嘅山竹牛肉啦!

整呢個山竹牛肉真係唔可以對佢斯文架!

下下都要大大力撻和攪,

咁D牛肉先至滑,

真係攪到手軟架!

 

2012年9月24日 星期一

中式包包~冬菇菜肉包!


噚日,

响佳寶買咗包中筋粉,

係同事介紹我買架,

佢話D麵粉好靚喎,

於是買咗包返屋企試吓整中式包~冬菇菜肉包!

今次加咗娃娃菜落D餡料度,

好juice呀!

食時真係要小心,

唔係就燙親個櫻桃小咀啦!

 
 


 



材料: 中筋粉200g、依士2g、糖15g、暖水100g、油5g

做法: 依士、糖和暖水混合攪勻靜待15分鐘;

將依士水慢慢加入麵粉內搓勻,搓成粉糰後加油再搓至粉糰光滑;

將粉糰放入盆中加保鮮紙發酵20分鐘,

取出排氣壓平後,將粉糰平均分成8份滾圓靜待5分鐘;

把麵糰壓平成圓形,包入菜肉醃料,

慢慢將麵糰邊摺疊一起封口,並扭出封口面多餘粉糰,

放入蒸籠內進行最後發酵15分鐘;

凍水落鑊連菜肉包蒸20分鐘便成。

菜肉餡材料: 豬肉碎、娃娃菜、冬菇

醃料: 豉油、老抽、糖和鹽、麻油和水

做法: 冬菇浸軟切粒;娃娃菜灼熟後撈起,

揸乾水份後切碎,加入豬肉碎和調味醃15分鐘便成。
 
 
 
 
 

 
 


大家可以入嚟Facebook讚下我新開嘅Fans專頁呀!

 

2012年9月23日 星期日

蜜椒燒雞!



噚日母親大人食埋晚飯先走,

所以早一晚醃定隻雞焗俾佢食;

原來母親大人第一次見會轉嘅焗爐整燒雞,

佢話隻雞好嫩好滑仲好多汁添,

即係好味道啦!

我用咗牙籤固定D雞翼和雞髀位,

咁樣隻雞會轉得順D呀!
 
 
 

2012年9月22日 星期六

廿分鐘可以買到咩???

 
今日,

母親大人搵埋我一齊入流浮山行一轉,

老公仲專登揸架砵砵車車我哋兩個入去,

真係唔話得囉!

我哋用咗廿分鐘,

咁就洗咗$1860,

妳哋話女人錢幾好搵呢!


2012年9月21日 星期五

滑蛋炒蝦仁!

噚日食剩咗少半碟蝦,

今日用佢嚟炒蛋,

我已經用咗4隻蛋嚟炒架啦,

不過都係好細碟,

哎呀,

唔通依家D雞蛋都縮水???


2012年9月20日 星期四

又嚟慶祝啦喂!

 
今日係我舊曆生日,

又有藉日整番餐好嘢俾自己食啦!

拔,

點解碟碟餸都係大小魔怪鐘意食嘅嘢嚟啦!

2012年9月19日 星期三

厚切餐肉包&豆沙包!

 
前幾日唔係咁舒服,

噚日我差不多日瞓夜瞓咗十幾個鐘頭,

今日好番少少啦!

見有少少精神,

又想整包包食,

好在有部麵包機幫手,

係搓包嘅時候又可以瞓一陣呀!
 

2012年9月18日 星期二

魚香茄子煲!


呢排我嘅老朋友鼻敏感又嚟探我啦!

下午放咗工,

即刻返屋企食藥瞓覺,

瞓醒先嚟煮飯呀!



唔通連部相機都病埋,

點解影親張張相都係朦查查架???
嘻嘻,

又有換機藉口啦!




2012年9月17日 星期一

中式包包~豆沙包&豆沙卷!

 
買咗D豆沙蓉番嚟,

梗係要快快開工啦!

今日整嘅係豆沙包&豆沙卷!

好耐冇搓中式包,

睇嚟我又要多多練習先得啦!


材料: 中筋粉200g、依士2g、糖15g、暖水100g、油5g

餡料: 豆沙蓉

做法: 酵母、糖和暖水混合攪勻靜待15分鐘;

將酵母水慢慢加入麵粉內搓勻,搓成粉糰後加油再搓至粉糰光滑;

將粉糰放入盆中加保鮮紙發酵20分鐘,

取出排氣壓平後,將粉糰平均分兩份,

其中一份再分4份滾圓靜待5分鐘;

把麵糰壓平成圓形,包入豆沙蓉,

慢慢將麵糰邊摺疊一起封口向下,

放入蒸籠內進行最後發酵15分鐘;

燒熱水蒸8分鐘便成;

另一份壓成長方形,將豆沙蓉平均舖在麵皮上卷成長條,

切開後放入蒸籠內進行最後發酵15分鐘;

燒熱水蒸8分鐘便成。
 
 

 


大家可以入嚟Facebook讚下我新開嘅Fans專頁呀!

 
 

2012年9月16日 星期日

亞茂整月餅!

 
今日,

約咗麵包班和蛋糕班其中8位同學仔,

齊齊上亞sir屋企學整月餅,

我哋跟亞sir學整金腿五仁月餅和雙黃白蓮蓉月餅,

呢堂私人教都係$350,

每款有4個月餅攞走呀!

2012年9月15日 星期六

去大埔入貨呀!



今日,

美味娘娘、好子、sand sand和我,

齊齊入大埔掃貨,
最主要係入大埔街市梁九記掃凍肉呀!

2012年9月14日 星期五

翻版吉野家牛肉飯!


今日整咗個翻版餸,

就係佢~吉野家牛肉飯啦!

平時去親食牛肉飯,

真係好唔夠喉o架!

飯量少、牛肉少,

價錢又唔平,

都係自己煮抵食好多呀!


 

2012年9月13日 星期四

酸甜齋!


去親齋舖食飯,

通常都會叫碟齋鹵味,

咁多樣我最鐘意食就係酸甜齋,

酸酸哋好開胃o架!


 

2012年9月12日 星期三

涼拌雞絲海蜇配青瓜三色椒!

 
陪伴我哋一家十幾年嘅掛牆扇壞咗啦!

曾經有人問我點解會係客廳度裝把風扇???

我不求美觀,

但求實用,

起碼唔係下下都開冷氣嘛!

KDK鐵葉風扇$580,

又唔貴喎!

咁熱嘅天氣,

今日我又整涼拌餸啦!



2012年9月11日 星期二

西餅、甜品製作精選實習班(第七堂)~Fillo皮焗蘋果卷&吞拿魚角!

 
噚日係第七堂,

整我最鐘意嘅酥皮,

不過超邪惡,

簡直係魔鬼的誘惑呀!

唔得啦,

忍唔住食咗一件吞拿魚角,

超超超正呀!

呢堂,

亞sir又額外整多咗個酥皮蘋果提子條請我哋食啦!

2012年9月10日 星期一

米網餃子

好多blog友問點樣可以整到脆卜卜底,

其實好簡單,

只要煎餃子時,

將1.5茶匙麵粉加1碗水攪勻,

倒入煎pan內加蓋焗6-8分鐘,

待水蒸發後,
就會出現呢個脆卜卜底o架!


2012年9月9日 星期日

咖哩雞肉pita bread!



噚日下午開始上唔到網,

打咗幾次去電訊公司問問,

都話搶修中,

仲話起碼要等6-8個鐘先整好喎;

攪到我成個下午鬼咁悶,

都唔知做咩好,

唯有繼續玩粉啦!

今次玩pita bread!
到我夜晚瞓覺時都未整好呀!

激死我啦!

2012年9月8日 星期六

手搓Pizza!


依家真係好少出街食pizza,

因為又貴又唔好食;

都唔使出街食啦,

自己整pizza鐘意加咩料都得,

簡簡單單冇花巧呀!

2012年9月6日 星期四

2012年9月5日 星期三

日式咖哩雞蛋包飯!


我都幾鐘意食日式咖哩,

甜甜哋又唔辣,

啱哂大人細路食呀!

今次我仲整埋個蛋包飯,

真係好鬼可愛呀!

2012年9月4日 星期二

2012年9月2日 星期日

明天開學啦!



明天莘莘學子開學啦!

話咁快大小魔怪已經升上中六,

遲D仲要考大學添,

緊張???

佢哋一D都唔緊張,

求學不是求分數已經成為佢哋嘅座右銘啦!

同已往放暑假一樣冇變,

佢哋全程吃喝玩樂,

仲有就係臨返學前先嚟做暑期功課!

唉,

亞仔生性D啦!

2012年9月1日 星期六

提早慶祝生日!





雖然仲未到我生日,
不過就母親大人、姐姐一家和妹妹一家星期六冇咁忙,
所以提早入嚟和我慶祝生日!
為咗多謝大家請我食飯,
所以我整咗個藍莓芝士蛋糕和燒腩仔;
夜晚,
我哋去咗天水圍天盛新榕記食晚餐,
超值龍蝦宴$1888,
抵到呢!