2012年1月31日 星期二

另類喜好!

 

熟識我的朋友都知道我鍾意買嘢,

唔係買衫買鞋買手袋,

而係鍾意入超市買小食手信,

次次我都會忍唔住手會入一大堆貨o架!

但唔講唔知,

我仲有另類喜好o架!

就係鍾意買碗碗碟碟啦!

今日我又敗咗幾隻碟返嚟啦!

2012年1月30日 星期一

梅菜鴨!


噚日整咗呢個梅菜鴨,

超正啦,

大小魔怪差D連骨都食埋呀!

所以次次我返惠州,

一定要帶D靚梅菜返嚟整呢個餸o架!

今次我買呢個鴨有成4斤,

超巨型呀!

我個24 cm LC煲都擺唔落隻鴨,

所以今次改用生鐵鑊嚟炆呀!



 

2012年1月29日 星期日

初七~人日快樂!

 
今日係年初七~人日,

祝各位人日快樂呀!

人人生日梗係要食得豐富少少啦!

今晚唔食雞囉,改食鴨呀!

2012年1月28日 星期六

燒味滷水拼盆!

 
唔經唔覺今日已經係年初六啦!

今晚煮得簡單,

摷到雪櫃有雞翼和牛展,

簡簡單單用豉油雞汁滷咗佢哋,

再加埋朱家秘製叉燒和即食酸辣海蜇,

一個燒味滷水拼盆便完成啦!


 

2012年1月27日 星期五

甜甜蜜蜜愛心芝麻湯丸!

 
天寒地凍,

最適合食碗熱辣辣嘅湯丸啦!

今日整呢個湯丸,

唔係一般街買貨式,

而係我精心炮製,

大大粒,多多餡,

甜甜蜜蜜愛心芝麻湯丸啦!
 

2012中國惠州探親!

 
雖然今年返惠州又濕又凍,

不過係家鄉親人熱情招待下,

我哋個個都感覺到好溫暖啊!

尤其係大魔怪,

佢超鐘意食走地雞,

日日都有兩大碟雞食,

食得好滿足啊!

至於童心未泯的我,

都要放下煙花玩下啦! 

2012年1月26日 星期四

2012中國惠州探親~手信篇!

 
我返嚟啦!
係中國超凍呀,

又風又雨,

仲只得6度咋!

好彩我霸
定部暖爐擺係牀邊,

唔係就凍死我啦!

今次我哋帶咗好多家鄉手信返嚟呀,

攞到手軟啊!

五斤大肥雞,甜和咸梅菜各6斤,花生8磅,

自家種油麥菜,自家製臘肉,自家種蘿蔔和自家製豬肉丸!

 
 
 
 

 
大家可以入嚟Facebook讚下我新開嘅Fans專頁呀! 

2012年1月22日 星期日

朱家團年飯!


今日係年廿九即係大除夕晚,

成朝都好忙碌啊!

我忙於炮製朱家團年飯,

母親大人和妹妹一家3口都會嚟我家齊齊團年,

今年還多咗祈祈BB參與呢!

9餸1湯,白飯任裝,

開飯啦!

新年快樂!



(大桔、風信子和金蘋果)

(自家製XO醬蘿蔔糕)
 
 
今年好特別,

年廿九亦即係年三十晚,

明天就係年初一啦!

我雀后係度祝大家:

心想事成!

身體健康!

萬事如意!

步步高陞!

笑口常開!

財源滾滾!

新年快樂!

係舊年我嘅願意係~
繼續雀壇無敵手,

今年加多一樣~希望減肥成功啦!



 

 
 
大家可以入嚟Facebook讚下我新開嘅Fans專頁呀! 


 

2012年1月21日 星期六

酸甜京都豬扒!



今日係年廿八洗邋遢,

我、老公和工人姐姐合力大掃除,

每人負責清潔一部份,

咁就唔使咁辛苦啦!

我負責將D烹飪書和物資用個膠箱裝起,

咪睇咁少嘢,

其實係我個廚櫃已經爆滿,

要搵地方安置佢哋,

仲有一箱出前一丁添!


 

2012年1月20日 星期五

頭啖糕!

 
今日係年廿七,

係我放假的第一日;

晨早7點半落街市菜檔買蘿蔔和菜,

嘩,

使唔使咁誇張呀,

竟然已經有50-60人係度排隊俾錢,

唔使錢咩???

我排隊俾錢都排咗半個鐘,

個個人都好聰明攞埋手推車去買餸,

咁重點攞呀???

今日我整呢個蘿蔔糕,

簡簡單單,

勝在有我嘅愛心係哂裡面;

啱啱蒸出嚟嘅頭啖糕,

正,

因為我落好勁多胡椒粉呀!

2012年1月19日 星期四

菜脯煎蛋餅!


 
返埋今日終於放農曆年假啦!

幾時返工???

嘻嘻,年初十呀!

開心!

不過我都唔係好得閒,

因為聽朝我要早D去街市買蘿蔔整蘿蔔糕!

至於今餐呢,

嗱,

呢D唔係打斧頭,

係想食得清淡啫!

今次真係好手勢,

一次過反蛋冇爛呀!


 

2012年1月18日 星期三

魚露炸雞翼!



 前日炸腰果用咗咁多油,

梗係唔會嘥咗佢啦,

攞多少少油,

用半煎炸方式,

整咗呢個魚露炸雞翼,

送酒就最啱啦!


 

2012年1月16日 星期一

我的寶貝~炸腰果!

 
話就話要食得健康,

但鐘意食腰果嘅朋友,

一定覺得用油炸嘅腰果特別香口;

係新年期間,

用佢嚟招呼朋友就最啱啦!

簡直係送酒佳品呀!

炸腰果亦都係大小魔怪嘅至愛之一,

我要搵個安全的地方,

收埋我嘅寶貝先得!

妳哋估我收埋咗係邊度呢???

2012年1月15日 星期日

生日會&團年飯!


今日好忙呀,

連走幾場;

首先係同blog友飲茶,

Lonely送咗個財神俾我哋,

而好子就每人送咗一盒自製年糕俾我哋呀!

跟著就係參加Callia 4歲生日會,

祝Callia 生日快樂呀!


2012年1月14日 星期六

香草黑椒雞扒拼炸魚柳意粉!


今日晨早9點去整頭髮,

染髮兼焗油,

一張大牛咁就冇咗啦!

整完頭髮,

又要同工人姐姐夾手夾腳執廚房廚櫃,

將兩年冇用過嘅嘢全部唔要,

竟然俾我摷到一盒過期2年嘅冰糖,

唉,

又嘥哂D錢啦!

以後要勤D睇睇個廚櫃物資先得!

好攰呀,

今餐求求其其食意粉算啦!


 

2012年1月13日 星期五

碗仔翅!


大魔怪自從升中之後,

每次飲宴都唔食魚翅,

佢話挽救野生生物喎;

咁又係,

唔食魚翅,

食粉絲都得掛???

 

2012年1月11日 星期三

蘭花鳳翼!


係呢個咩嘢都貴嘅時代,

做家庭主婦就最頭痛啦!

又要慳家,

又要家人食得飽肚,

真係要花D心思o架!

點慳法???

我係每次買雞翼都留起幾隻,

儲儲埋埋10隻左右就可以煮一餐餸o架啦!

加埋西蘭花墊底,

大大碟,

都可以上得吓枱o架!

我仲改咗個好令令嘅名添~蘭花鳳翼!

 
 

2012年1月10日 星期二

蜜汁叉燒拼海蜇!

 
噚日係尾禡,

即係代表仲有半個月就過年,

睇怕我都要開始辨年貨啦!

唉,

依家D物價咁貴,

都唔知買咩好囉!

好在百佳呢排D豬肉平番少少,

可以慳到唔少錢呀!

 
 

2012年1月9日 星期一

羅漢果山楂茶!

 
仲有半個月就過年啦!

係過年時大家一定會食好多油膩食物,

真係好易會食滯o架!

唔怕,

飲咗呢杯羅漢果山楂茶,

包妳哋好快可以繼續食得暢快呀!

哈哈!


 

2012年1月8日 星期日

奶奶壽宴~天耀美心大酒樓!

 

 話說老公1個月前已經去訂昨日的晚宴,
竟然冇哂廳房,
大堂都係剩番一張大枱,
於是拿拿聲訂咗先,
費事冇位,
有冇咁旺場呀!
揀呢度嘅原因一來近我哋推奶奶過嚟,
二來美心餸菜碟碟都超大碟,
啱哂我哋班咁大食嘅人呀!
(唔好誤會,我講梗係大小魔怪呀!)
話就話全包,
但唔包碟花生和飯前小食,
果兩碟嘢要成22蚊仲要加一,
搵笨呀!

2012年1月7日 星期六

健康版長壽麵~乾燒伊麵!

 
今日係奶奶96歲生日,

祝奶奶生日快樂,

長命千歲呀!

一早整咗個健康版長壽麵~乾燒伊麵,

煎肇慶糭,

加埋一大煲咸排骨瑤柱粥,

咁就做咗我哋今日嘅午餐啦!


 
 

2012年1月6日 星期五

2011中國肇慶之旅~第三天(12月31日)

 
今日係肇慶最後一日,

由於集合時間係11點,

所以我哋食咗一個豐富嘅自助早餐,

又睇埋聞名已久嘅人魚表演後,

仲有時間去校長嘅祖屋行一轉呀!

嘩,好大間屋,好大個果園,

我哋摘楊桃摘得好開心呀!


 

2012年1月5日 星期四

一品鍋!

 
噚日打邊爐食剩咗D料,

今日我就整咗呢個一品鍋,

啱哂心急為食嘅大小魔怪啦!

起碼唔使等D嘢食熟嘛!

天寒地凍,

大家都整番煲啦!


 

2012年1月4日 星期三

2012第一爐!


哈哈,

呢排真係日日都係第一喎!

噚日最高溫度有19度,

今日就跌到得11-12度,

相差成8度,

攪到我D鼻敏感又發作啦!

真係要食番餐好暖身嘅晚餐先得!

呢餐唔知點解個個都咁飽,

樣樣都食剩一半呀!

2012年1月3日 星期二

2012第一焗~香蕉蛋糕!

 
終於等到香蕉出哂梅花點啦!

事不宜遲,

即刻整個香蕉蛋糕嘆下先得!

一出爐,

我身邊兩隻魔怪已經虎視眈眈囉!

2011中國肇慶之旅~第二天(12月30日)

 

食完酒店早餐後,

我哋起程出發去盤龍峽啦!

全程我哋一路影相一路行山,

行咗2個鐘頭,

又上山又落山,

行完兩隻小腿好酸軟呀!

2012年1月2日 星期一

2012第一煮!

 

連續玩咗5日後,

連續玩咗5日後,

踏入2012年好攰呀!

噚晚冇煮飯,

買4個飯盒一家人食算啦!

今日休息夠了,

都係要煮番餐似樣嘅俾家人食啦!

 

2011中國肇慶之旅~第一天(12月29日)

今次我哋13位教職員齊齊出去玩,

唔使做嘢齋玩,

好正o架!

我哋坐8點船去佛山高明港,
全程3個半鐘頭,

去到已經係食午餐嘅時候啦!

2012年1月1日 星期日

2011澳門之旅~第二天(12月28日)

 
我哋book咗5間酒店房,

分開咗兩層樓,

本來想搵母親大人食早餐,

點知佢上我落,

大家碰不上面,

唯有各自搵食啦!

豆漿、菜肉包加榨菜肉絲麵要$60,

都唔平啊!


食飽飽買咗2個杯麵俾大魔怪和姨甥仔做早餐,

無無聊聊去搵祈祈BB玩呀!


10點左右執好哂D嘢,

checkout兼放低哂埋行理係酒店,

分別坐巴士和的士出碼頭再坐威尼斯人專車入去氹仔行街街,

留咗一個鐘頭左右係威尼斯人,

再行去官也街搵食。



呢餐都算幾平,

平均每人百蚊左右,

仲有雞炖翅食喎,

好味道。

本來想去義記食甜品,

點知越買越貴,

唔抵食所以冇食到呀:

繼續行去大利來食豬扒,

鳴鳴,執咗,冇得食呀;

求求其其搵間食啦,

點知一D都唔好食,

好彩我同大魔怪冇食咋!



跟著行去買蝦醬,

老字號嚟o架,

母親大人仲買咗2條咸魚添!

再去最新開嘅Galaxy參觀參觀(賭場)呀!

最後返酒店攞番哂D行李,

搭6點半船返香港啦!


 
 

 

大家可以入嚟Facebook讚下我新開嘅Fans專頁呀!