雪菜火鴨絲炆米!

上個星期真係好少係屋企食晚餐，

經過幾日暴食後，

係時候要食得清淡啦!

上次同同事食飯，

攞個2個鴨殼返屋企後，

叫咗老公幫手拆鴨肉，

嘩，

原來個鴨殼有好多肉架!

材料: 燒鴨肉、雪菜、甘筍、芽菜、米粉、蒜蓉、老抽2湯匙

調味: 蠔油1湯匙、豉油1湯匙、糖1茶匙、鹽半茶匙、大半碗水

做法: 鴨肉切絲；芽菜去頭尾後出水30秒後撈起；

甘筍去皮後切絲，米粉用暖水浸軟隔去水份備用；

雪菜浸洗45分鐘後切粒，不需落油用白鑊炒乾雪菜，

加半茶匙糖炒勻備用；落少許油爆香蒜蓉，加甘筍、鴨肉、雪菜快炒，

加入調味煮滾後加入米粉和芽菜撈勻炆至汁乾，

最後加老抽調色便成。

(記得留起少少雪菜火鴨絲，放在碟面裝飾。)

    

大家可以入嚟Facebook讚下我新開嘅Fans專頁呀!

雀后(添飯)Facebook Fan Page