2012年12月29日 星期六

2012年廣西賀州之旅~第二天:黃姚古鎮!


食完午飯,

導遊帶我哋入黃姚古鎮啦!

今次入住酒壺山賓館,

嘩,

呢間靚過前一晚嘅賓館多多聲,

設備現代化,

掂呀!




放低行李後,

我哋出發行過去古鎮啦!

咪話,

咁樣行個圈都行咗2個鐘頭呀!



呢度就係我買醃菜嘅地方啦!

任試任食,

俾個樽妳,

任妳自己裝,

裝得幾多就要睇妳嘅實力啦!


呢個古井出嘅水,

同事用手摸過話D水係暖架!


啱啱講完上一餐農家菜好食,

點知一啖沙糖一啖X,

今餐超難食呀!

黃豆、豆腐、冇肉排骨、冇味嘅瓜瓜菜菜。

咁難食,

我食咗一成飽都冇,

好彩,

賓館出面有好多食店,

夜晚有好多當地人去食宵夜架!

當晚好凍,

我哋坐咗入帳幕呀!


呢餐宵夜夠哂鑊氣,

最好味道就係煲即叫即劏嘅雞粥喇,

係我呢3日食得最飽嘅一餐呀!
 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!