2012年10月22日 星期一

Happy gathering!!

 

噚日我同老公去咗探祈祈BB,

因為妹妹話要慶祝祈祈BB 20個月大喎!

冇見一排,

祈祈BB又大個咗仲瘦咗添;

呢排妹妹佢哋為咗幫祈祈BB報讀2歲班,

非常煩惱,

原因係佢太活潑、坐唔定、鐘意玩、好奇心強;

面試時,考官竟然問一個唔夠2歲嘅小朋友:

一連串動物、五官、水果、分辨顏色、大小、方位等等。

我聽到都O哂咀呀!

如果祈祈BB識,都唔使返學啦!(呢個係我個人意見呀!)
 

講完祈祈BB,

就講我哋噚晚嘅晚餐;

呢餐晚餐係由我哋每一家人準備2個餸而成的;

我準備芒果拿破侖、粟米魚肚羹 


母親大人準備海參冬菇瑤柱炆鴨腳、蝦仁炒蛋


姐夫準備炆豬軟骨、煎魚肉豆腐


妹妹準備蒸雞、蝦醬西蘭花炒鮮魷



附上祈BB食嘢照~好大個口呀!

 

 




大家可以入嚟Facebook讚下我新開嘅Fans專頁呀!
 

 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!