足料炮製~鮮草菇勝瓜雲耳魚肚杞子浸魚湯!

 

唔知係咪我好耐冇去魚檔買魚呢???

見到份4條嘅紅衫魚毛，

諗住買嚟滾湯啦!

亞姐話$25蚊，

嘩，好似貴咗D喎!

係我印象中呢份魚之前好似賣$10-15，

做咩依家貴咗咁多架???

條魚咁貴食得唔好嘥，

我要點豉油食埋佢呀!

 

 

材料: 草菇、紅衫魚、勝瓜、魚肚、雲耳、杞子、薑片、蔥
做法: 紅衫魚洗淨用廚紙抹乾，用少許鹽醃一陣；

魚肚浸軟後用薑蔥出水15分鐘後切粒；雲耳浸軟去蒂；

絲瓜去硬皮滾刀切大件備用；草菇洗淨界十字用薑和紹酒出水；

燒熱油鑊加薑片，煎紅衫魚兩面後，

加入大熱水滾15分鐘，咁D湯先奶白色架!

撈起魚後隔渣轉細鍋，加入絲瓜、雲耳、魚肚和杞子滾多5分鐘，

自行加鹽調味便成。

如果想D湯更香濃嘅話，將魚放入魚袋一齊餚湯1個鐘，

咁D湯仲鮮甜呀!不過D魚就唔會食得番啦，因為魚肉會散哂呀!

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page