鹵水豬軟骨!

唔知幾時開始，

我鐘意自己整鹵水汁，
買個鹵水包返嚟，

調啱自己嘅味道，

咁就可以用嚟鹵食物架啦!

每次鹵完食物後再煲滾佢待涼，

用盒或袋裝好後存放係冰箱，

咁隨時想整鹵水時，

攞出嚟煲滾就得啦!

今次用咗個燜燒鍋炆豬軟骨，

先炆豬軟骨1小時，

再放入燜燒鍋中焗3-4小時，

食前煲番半個鐘，

嘩，

D豬軟骨好腍好入味呀!　

 

鹵水汁做法:

煲滾水，放入鹵水包煲30至45分鐘，

加入6湯匙豉油、4湯匙老抽、5-6粒大冰糖調味(份量請自行加減)，

咁就可以用嚟鹵食物，

不過鹵水食物前請先把肉類出水(除去肉的血水)，

咁D鹵水汁就可以保存耐少少架啦!

P.S. 鹵水係會越煲越少，所以記得加番少少水落去，

唔夠味嘅話就要加豉油和糖調味。

 

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page