冬天必食~生炒糯米飯!

每當天氣一轉涼，

我就會諗起佢架啦!

邊個???

咪就係佢~生炒糯米飯囉!

小魔怪和我超like呀，

而大魔怪對糯米飯就麻麻哋啦!

呢一大盆生炒糯米飯，

等我同小魔怪夾手夾腳食哂佢啦!

咁啱老公又有應酬，

 

 

佢千吩咐萬吩咐話要留番俾佢食喎，

嘻嘻，希望有得剩啦!
 

 

材料: 糯米2杯半、臘腸2條、冬菇10隻(細)、蝦米、蛋1隻、

炒香花生粒適量、蔥花、清雞湯1小盒250g

調味: 老抽2湯匙、豉油1湯匙

做法: 糯米用熱水浸水2小時以上；

蒸熟臘腸、冬菇和蝦米切粒備用；蛋打發好煎成蛋皮切絲；
 用中火燒熱易潔鑊不需落油爆香臘腸、冬菇和蝦米後盛起；

隔去浸糯米水後，用炒過臘味嘅易潔鑊炒糯米，

盡量將糯米平舖在鑊內(讓糯米平均受熱)，不斷炒至糯米乾身，

分4次逐少加入雞湯，重覆落湯和炒糯米至熟，

最後加入臘味、落調味炒勻，最後灑上花生、蛋絲和蔥花便成，

全程炒咗唔使15分鐘呀!

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page